१ कोरिन्‌थि 3:6 - आठपहरिया

⁶ हिट्‌नुङ् आङा लालिक् लेट्‌टुङे, हिट्‌नुङ् आपोल्‍लोसङा लालिक्‌ङि चुवा ठेन्‍डुए, टरो लालिक् पोना टोॽवाम्‍बाक् माङ्‌हाङ्‌ङा डोक् चोगुए॥

१ कोरिन्‌थि 3:6 ပူးပေါင်းရင်းမြစ်များ

मुलिचेला टोॽवा 11:18

जब याहुदि बिस्‍वासिचिङा ना रिङ् ओखेम्‍सुए हिट्‌नुङ् पाटरुसलोक् बादबिबाद चोक्‍मा ओनाडुङ् नाड्‌डे पिक्‍सा माङ्‌हाङ्‌ङाना उनिङ् चोम्‍मा ठालाँ ओचोगुए, “हाट्‌लेम्‍टे माङ्‌हाङ्‌ङा पानिछोङ्‌बाचि चा उन्‌चि पापलाम्‍मा काएल्-काबु लिमाना हिट्‌नुङ् लाट्‌निना चोला टुब्‍माना लाम्‍बो पिडुचेगा रैछौ॥”

मुलिचेला टोॽवा 14:27

एन्‌टिओखियाङि नोक्‍टा टायाचिउङ् हिट्‌नागाचिङा माङ्‌पाङ्‌ङिगा सोब्‍बे याप्‌मिचि छेम्‍डाचुचे॥ हिट्‌नुङ् माङ्‌हाङ्‌ङा उन्‌चिलाम्‍मा चोगुना टोॽवा बारेङि ख्‍वाप्‍पा रिङ् माट्‌टाचुए, हिट्‌नुङ् खोड्‌डे पारिक् पानिछोङ्‌बाचि लोङ्‌सा चा उन्‍ङा बिस्‍वास चोक्‍माना लाम्‍बो टेयार चोगुएना हिट्‌ना रिङ् चा माट्‌टाचुए॥

मुलिचेला टोॽवा 16:14

हिट्‌नि लिडिया उनिङ् लिसाना थिआटिरा खालाङ्‌गाङिना बाइजानि लोट्‌लिङ्‌चि काछोङ्‌बा ठिबाङ् मेन्‍झेमा डाना॥ लिडिया माङ्‌हाङ्‌ङाना माङ्‌ध्‍यान् चोक्‍ना मेच्‍छेमा डाना, उन्‍ङा आन्‍याँ रिङ् खेम्‍सुए॥ पावालङा माट्‌टुना रिङ् टिग्‍मा लोङ्‌सा टाङ्‌बाङा उनिङ्‌ग्‍वा ओङ्‌सुबिडुए हिट्‌नुङ् बिस्‍वास चोगुए॥

मुलिचेला टोॽवा 18:24

हिट्‌ना बेला आलेक्‍जेन्‍डरिया खालाङ्‌गाङि पोङ्‌साना आपोल्‍लोस निङ् लिसाना ठिबाङ् याहुदि याप्‌मि एफिसासङि टाए॥ हिट्‌ना नुना ओठोना लिसाना हिट्‌नुङ् औधि नुलोक् चेक्‍मा निसुना याप्‌मि डाना हिट्‌नुङ् उन्‍ङा धारमाछाप्‍लाङिगा रिङ् जोम् निसुगा डागा॥

मुलिचेला टोॽवा 19:1

आपोल्‍लोस कोरिन्‌थि खालाङ्‌गाङि लिसाना बेला पावाल हिट्‌ना एसिया छेट्‌राङाना भिट्‌राङिना लाम्‍बो लिसाउङ् एफिसास खालाङ्‌गाङि होन्‍डाडाए॥ हिट्‌नि पावालङा इम्‍टेप्‍मा बिस्‍वासिचि टुबुचे॥

मुलिचेला टोॽवा 21:19

पावालङा हिट्‌नागा सोब्‍बे बाबा मेट्‌टुचे हिट्‌नुङ् उन्‍ङा चोगुना टोॽवालाम्‍मा पानिछोङ्‌बाचि माझाङि माङ्‌हाङ्‌ङा खोड्‌डे पारिक् टोॽवा चोगुएना हिट्‌ना सोब्‍बे रिङ्‌चि खेम्‍मेट्‌टुचे॥

रोमि 15:18

आङा पारचार चोगुङ्‌ना रिङ् हिट्‌नुङ् खिरिस्‍टङा आङालाम्‍मा चोगुना टोॽवाङाना कारानङा पानिछोङ्‌बाचिङा माङ्‌हाङ्‌ङि बिस्‍वास ओचोगुए हिट्‌नुङ् माङ्‌हाङ् उनिङ्‌ग्‍वा गाड्‌डे ओचोगुए॥ हाट्‌ले आङा ना रिङ् नुङ्‌ना माले आरु याप्‍मा रिङ् माट्‌टुङुङ् ठेलोक् लिमा आँट् चोक्‌निङ्‌ना,

१ कोरिन्‌थि 1:12

आङा खेम्‍सुङ्‌ना रिङ्उम्‍बाक् नाड्‌डेना ए, खानि माड्‌डे आम्‍टेप्‍माङा “आङा पावालङाना ओयाप्‌मि” कोइङाम्‍बाक् “आङा आपोल्‍लोसङाना ओयाप्‌मि” कोइङाम्‍बाक् “आङा पाटरुसङाना ओयाप्‌मि” कोइङाम्‍बाक् “आङा खिरिस्‍टङाना ओयाप्‌मि” नुङ् आमाट्‌टुम्‍गा बो॥

१ कोरिन्‌थि 1:30

माङ्‌हाङ्‌ङा आनि खिरिस्‍ट येसुलोक् ठिक्‍ए आचोगाइसे, हिट्‌नुङ् आनिना ओचेट्‌नु लाउङ्‌सा माङ्‌हाङ्‌ङा खिरिस्‍ट डोक् आनिना ठोना आचोगाबिडे॥ खिरिस्‍टङा आनि माङ्‌हाङ् ओटोकानाङि धारमोति आचोगाइसे, हिट्‌नुङ् आनि चोखो लोक् सेङ्‌सेङ् आचोगाइसे, हिट्‌नुङ् पापलाम्‍मा आनि छुट्‌कारा आचोगाइसे॥

१ कोरिन्‌थि 3:22

पावाल नुङ् चा, आपोल्‍लोस नुङ् चा, पाटरुस नुङ् चा, आथाबा नारा, चोला हिट्‌नुङ् सिमा कोन्‍ना लिचा, आथाबा हाट्‌लेना बेला लिचा, हान्‍डेङ्‌ना बेला लिचा, नागा ख्‍वाप्‍पा थोक् खानिगा ओचेटुनु लाउङ्‌सा डोक् ए॥

१ कोरिन्‌थि 3:7

हिट्‌नाड्‌डेउङ् लालिक् कालेट्‌बा लोक् चुवा काठेन् ठेना माखाक्, टरो माङ्‌हाङ् एना ठेना, पोङ्‌भोने उन्‍ङा लालिक् पोमेट्‌टुटु॥

१ कोरिन्‌थि 9:1

पाक् आङा सोतान्‍तर याप्‌मि माखाइ? पाक् आङा मुलिचेला माखाइ? पाक् आङा आनि टाङ्‌बा येसु निनिङ्‌गेट्‌निङ् नै? पाक् खानि डोक् आङा चोगुङ्‌ना टोॽवालाम्‍मा टाङ्‌बाङि बिस्‍वास काचोक् याप्‌मिचि माखाइ टे?

एफिसि 3:17

हिट्‌नुङ् खानिङा बिस्‍वास आचोगुम्‍ना खिरिस्‍टङाना ओहाङ्‌सा खानि निङ्‌ग्‍वाङि बास उयुङ्‌याक् नुङ् बिन्‌टि चोगुङ्‌टुङ्॥ हिट्‌नुङ् माङ्‌हाङ्‌ङाना ओमायाङि खानिङा ओजारा ठेन्‍डानुम् हिट्‌नुङ् दोरो लिसानि नुङ् आङा बिन्‌टि चोगुङ्‌टुङ्॥

१ थेसालोनिकि 1:5

पोङ्‌भोने आन्‍याँ खानि लोनानिगा नुना खाबोर रिङ्‌ङि एडोक् माखाक्, टरो साक्‌ति, सेङ्‌सेङ्‌ना हाङ्‌सा हिट्‌नुङ् साङ्‌का डोक् मालेना छेम्‍बाना रिङ् डाना॥ खानिलोक् आन्‍याँ वासिङानाँ खानिना ओचेट्‌नु लाउङ्‌सा आन्‍याँ खोड्‌डेना चाट्‌ला चोक्‍नानेना नुङ् खानिङा ठाहा आटोगुम्‍टुम्॥