१ कोरिन्थि 3:12 - आठपहरिया12 कोइ याप्मिचिङा पाङ् ओजाग् ओठेन्डुना साम्मेङ्, रुपाक्, माहाङ्गो लिङ्गेॽवा ओठेन्डुङ् ओचोगुटु॥ कोइ याप्मिचिङा सिङ्, खिट्लिङ् आथाबा पाराल ओठेन्डुङ् पाङ् ओजाग् ओचोगुटु॥ အခန်းကိုကြည့်ပါ။ |
१ कोरिन्थि 3:12
33 ပူးပေါင်းရင်းမြစ်များ
आम्भु-आन्झाचि हिट्नुङ् आनो-आन्झाचि, हाट्ले आङा खानि एक्खेप् बिन्टि चोक्नाँनि॥ खानिङा पाइले सिकाँ आलिसिगा छेम्बाना रिङ् बिरुद्दाङि उलिसागा याप्मिचिलाम्मा ओछेक्छेक् चोगानि॥ नागा याप्मिचिङा खानिङि साम्माना रिङ् ओटाडुटु हिट्नुङ् इम्टेप्मा याप्मिचिगा बिस्वास डोक् आरकोलेङ् ओलेङ्सुटु॥ हिट्डेउङ् हिट्नागा याप्मिचिलोक् या युङानि॥
टरो न्याए लिना लेम्बा हिट्नागाँ खोड्डे पारागा पाङ् ओजाग्ङि चोक्मागा थोक्चि ओठेन्डुएना येसु खिरिस्ट उङ्युङ् ओठेट्युक्, उन्ङा ख्वाप्पा थोक् पारचिन्दा चोगुटु॥ हिट्ना बेला मिङा सोब्बेङा ओचोगुना टोॽवा पारकाट् चोगुटु, हिट्नुङ् ख्वाप्पाङा उन्चिङा ओचोगुना टोॽवा खोड्डेना नुङ् मिङि ठेन्युङ् जाँच चोक्युक्॥
पोङ्भोने माङ्हाङ्ङाना खाबोर ओफाबा टोक्मा लाउङ्सा एडोक् पारचार काचोक् आरु याप्मिचि गाड्डेगा आन्याँ माखाक्॥ कोइङा माङ्हाङ्ङाना खाबोर बेपार गाड्डे डोक् ओचोगुएसुए॥ टरो आन्याँ माङ्हाङ्ङाना रिङ् इमान्जामान्ङि हिट्नुङ् खिरिस्टङाना आधिकारलोक् माङ्हाङ् ओटोकानाङि पारचार चोगुम्टुम्मा पोङ्भोने माङ्हाङ्ङा आन्याँ याप्मि पाङ्साना ए॥
हिट्ना ओसाट्टोङि आन्याँउम्टे याप्मिचिङा ठोब्सा ओचोगुगा मोन्डिसिइना टोॽवा चोक्मा नाडेएसुम्मे॥ आन्याँ माङ्जो चा माट्निम्मागा, हिट्नुङ् माङ्हाङ् रिङ् चा फेराँ चोक्निम्मागा॥ टरो आन्याँ भोरोसायोगे नुङ् सोब्बे याप्मिचिङा बिस्वास याप्मिओचोक्याक् नुङ् आन्याँ छेम्बाना रिङ् पारचिन्दा माट्टुम्टुम्मा, हिट्नुङ् नाङाना साँचिम्बाक् माङ्हाङ् वाहेट्॥
खाले-खाले ओछोङ्ग्वाट् हिसिक्माङा छेम्बाना रिङ्लाम्मा गालात लाम्बोलेङ् माखाट्टिन्चा॥ पोङ्भोने चामा-ठुङ्मागा रिङ्ङा आनि निङ्ग्वा बोल्लेउ चोगुन्ना, टरो माङ्हाङ्ङाना मायादायाङा एडोक् आनि निङ्ग्वा बोल्लेउ चोगुटु॥ चामा-ठुङ्मागा थोक्ङाना नियाम पालान् ओचोगुगा लाउङ्सा फाइदा लिनिगेट्निना॥
खानि बिस्वास छेम्बाना नुङ् नागा याङ्छामाङा आनिमेट्युक्॥ याप्मिचिङा जाखाम् लिना साम्मेङ्उम् मिङि उटुनुङ् आसालि ओचोगुटु भोने, खानि बिस्वास हिट्ना नुङ्ना चा आड्डिक् माहाङ्गो ए॥ जब पारिक् पारिक्गा याङ्छामाङि खानि बिस्वास दोरो लियुक्, टब येसु खिरिस्ट नाराङि ठेट्ना बेला खानिङा मान्, माहिमा हिट्नुङ् निङ् चोम्मा आटोगुम्टुम्॥
टरो खानि बिरुद्दाङि लोमाना इम्टेप्मा रिङ् आङालोक् युङ्ग्वा, खानिलोक् उलिसागा इम्टेप्मा बालामङाना हिसिक्मा काखेम्बा याप्मिचि ओवाहेट्॥ हिट्ना दुस्टा बालामङा इस्राएलि याप्मिचिङा पाप ओचोगुवाक् नुङ् साम्माङ् ठानाङि ठाङ्बालाक् थोक् चामा हिट्नुङ् इम्मेप्माजामा टोॽवा चोक्मा लियुक् नुङ् बालाक हाङ्बा हिसिक्टुए॥
ကြော်ငြာတွေ