१ कोरिन्‌थि 16:22 - आठपहरिया

²² जुन्‍ङा टाङ्‌बा माया चोगुन्‍ना हिट्‌ना माङ्‌हाङ्‌ङा साराप पिडुटु॥ आनि टाङ्‌बा एला डोक् उङ्‌सा॥

१ कोरिन्‌थि 16:22 ပူးပေါင်းရင်းမြစ်များ

मात्‌ति 10:37

“साङा आङा नुङ्‌ना याप्‍मा आप्‍पे उप्‍पा आथाबा उमा माया चोगुटु, हिट्‌ना आङाना आचेला लिमा नुना लिनिना॥ हिट्‌नुङ् साङा आङा नुङ्‌ना याप्‍मा उइछाचि माया चोगुचिचि भोने, हिट्‌नालोङ्‌सा आचेला लिमा नुना लिनिना॥

युहान्‍ना 14:15

“खानिङा आङा माया आचोगिटिङा भोने, आङा लोनानिगा आग्‍याँ आटेन्‌डिटि॥

युहान्‍ना 14:21

आङा माट्‌टुङ्‌गा रिङ् खेम्‍सुङ् हिड्‌डे गाड्‌डे काचोक्‍बा डोक् आङा माया काचोक्‍बा याप्‌मि ए॥ हिट्‌नुङ् आङा माया काचोक्‌लोङ्‌सा पाबाङा चा माया चोगुटु, हिट्‌नुङ् आङा चा उन् माया चोगुङ्‌टुङ् हिट्‌नुङ् आङा आप्‍पेलाउङ्‌सा हिट्‌ना सोरि पारकाट् चोगुङ्‌टुङ्॥”

युहान्‍ना 14:23

येसुङा हिट्‌ना लोडुए, “आङा माया काचोक्‍बाचिङा आङा माट्‌टुङ्‌ना रिङ् ओटेन्‌युक्, हिट्‌नुङ् आप्‍पाङा हिट्‌नागा माया चोगुचिचि, हिट्‌नुङ् आन्‍च्‍याँ हिट्‌नागा सोरि टाचिच्‍याँ हिट्‌नुङ् उन्‌चिलोक् युङ्‌चिच्‍याँ॥

युहान्‍ना 15:24

आरु साङा चा ओचोगुन्‍गेट्‌टुन्‍गा टोॽवा आङा हिट्‌नागा माझै चोक्‍नेयाट्‌निङ्‌नाँ बे हिट्‌नागा पापङाना फाट्‌टुरङि उठानेयाट्‌नि बे॥ टरो हाट्‌ले आङा चोगुङ्‌गा टोॽवाचि उनिसुङ् चा आङा लोक् आङाना पाबा आन्‍च्‍याँ इप्‍पाङ् डोक् हिट्‌नागाँ चिम्‍मा याप्‌मि उफुट्‌टाइसे॥

युहान्‍ना 16:14

उन्‍ङा आङाना माहिमा चोगुटु, पोङ्‌भोने पाक् आङाना, हिट्‌ना आङालाम्‍मा खाट्‌टुङ् खानि मालोडिटि॥

युहान्‍ना 8:42

येसुङा हिट्‌नागा लोडुचे, “माङ्‌हाङ् खानि पाबा लिसाना बे खानिङा आङा माया याङ्आचोगिङे बे, पोङ्‌भोने आङा माङ्‌हाङ्‌लाम्‍मा टायाङ्‌ना॥ आङा आप्‍पे आनिङ्‌ग्‍वाङा टायाङ्‌ना माखाक्, माङ्‌हाङ्‌ङा डोक् आङा याङ्‌पाङ्‌साना॥

मुलिचेला टोॽवा 23:14

हिड्‌डेउङ् हिट्‌नागा गाडुवाडाङ्‌बाचि हिट्‌नुङ् याहुदि ओठेडोङ्‌चिङि ओखाडाउङ् ओलोडुचे, “पावाल मिसेप्‍मे सोम्‍मा आन्‍याँ पाक्‍चा चानिम्‍मागा पिक्‍सा चामारसिङा चोगुएसुम्‍मे॥

रोमि 9:3

आङाना आप्‍पे इस्‍राइलि याप्‌मिचि छोङ्‌बाचिङा मुक्‌टि टोक्‍मा उहिडुना बे आङा माङ्‌हाङ्‌ङाना साराप आङ्‌मा हिट्‌नुङ् खिरिस्‍टलाम्‍मा साम्‍मा चा निङ्‌ग्‍वा चोगुङ्‌टुङ्॥

१ कोरिन्‌थि 12:3

हिड्‌नाड्‌डेउङ् ना रिङ् खानिङा बुजा चोगानुम् नुङ् लोनाँनि, माङ्‌हाङ्‌ङाना ओहाङ्‌सालाम्‍मा काचेक् याप्‌मि येसुङाना बिरुद्‌दाङि चेक्‌निना, हिट्‌नुङ् सेङ्‌सेङ्‌ना हाङ्‌सालाम्‍मा एडोक् येसु डोक् आङाना टाङ्‌बा नुङ् माप्‍मा हिडुटु॥

गालाति 5:6

पोङ्‌भोने खिरिस्‍ट येसुङि बिस्‍वास काचोक्‌चि आनि लाउङ्‌सा खाताना चोगुम्‍चा चोक्‌निम्‍चा पाक्‍चा फाराक् वाइना॥ टरो मुलि रिङ्उम्‍बाक् खिरिस्‍टङि आनि बिस्‍वास चोगुम्‍नाँ आनि आरु याप्‌मिचि माया चोगुम्‌चिम्‌चिम्॥

एफिसि 6:24

आनि डाङ्‌बा येसु खिरिस्‍टलोङ्‌सा माया काचोक्‌चि सोब्‍बेलोक् माङ्‌हाङ्‌ङाना मायादाया सोरोक् उलियाक्॥

फिलिप्‌पि 4:5

सोब्‍बे याप्‌मिचिङा खानि धैइरे आलिसिगा रिङ् निमेट्‌टानुम्‌चिम्, पोङ्‌भोने टाङ्‌बा उङ्‌ना रिङ् नेहेटाङ्‌ना ए॥

हिब्‍रु 6:10

माङ्‌हाङ् न्‍याए काचोक्‍बा ए॥ माङ्‌हाङ्‌ङा खानिङा आचोगुम्‍ना ओचेट्‌नुना टोॽवा हिट्‌नुङ् ओयाप्‌मिचि घुवार आफाडुम्‌चिम्‍मुङ् उन् माया पारकाट् आचोगुम्‍ना रिङ् उन्‍ङा मुन्‍डुन्‍ना॥ खानिङा हाट्‌ले चा हिट्‌नागा हिड्‌डेना सेवा डोक् आचोगेट्‌टुम्॥

१ पाटरुस 1:8

खानिङा उन् आनिनिम्‍गेट्‌निम् हिट्‌नुङ् चा माया आचोगुम्‍टुम्॥ हिट्‌नुङ् उन् हाट्‌ले आनिनिम्‍चा उन्‌ङि बिस्‍वास आचोगुम्‍टुम्॥ हिट्‌नुङ् माप्‍मा डोक् हिनिम्‍ना ठेना हारकाङा खानि निङ्‌ग्‍वा इप्‍टुएसुए॥

१ पाटरुस 2:7

नाड्‌डेउङ् खानि बिस्‍वास काचोक्‍बाचिलोङ्‌सा ना लुङ्‌गेॽवा आड्‌डिक् बाहुमुल्‍ले लियुक्॥ टरो बिस्‍वास काचोक्‌निबाचि लाउङ्‌साम्‍टे, “लुङ् काछेट्‌बाचिङा ओलेप्‍टुना लुङ्‌गेॽवा डोक् पाङ् ओजाग्‌ङि छेट्‌माना उसुरङिना मुलि लिङ्‌गेॽवा लिसे॥”

१ युहान्‍ना 4:19

माङ्‌हाङ्‌ङा डोक् उटुम्‌ङि आनि माया आचोगानाँ आनि चा ठिबाङ्‌ङा आरको माया चोग्‍गा चोग् चोगिटि॥

१ युहान्‍ना 5:1

येसु डोक् खिरिस्‍ट नुङ् बिस्‍वास काचोक्‍बाचि सोब्‍बे माङ्‌हाङ् ओछालेट्‌चि ए॥ हिट्‌नुङ् जुन्‍ङा माङ्‌हाङ् पाबा माया चोगुटु हिट्‌नाङा उइछा चा माया चोगुटु॥

पारकास 22:20

नागा सोब्‍बे रिङ्‌ङाना साँचि कापिबाङा नाड्‌डे माट्‌टुटु, “छेम्‍बा आङा एला डोक् उङ्‌ङा॥” आमेन्॥ छेम्‍बा डोक्, आन्‍याँ येसु डाङ्‌बा, एला डोक् उङ्‌सा॥