21 आङा पावालङा आप्पे आमुक्ङा बाबा छेप्टुएसुङे॥
आङा तारतियासङा चा टाङ्बा उनिङ्ङि खानि सोब्बेलाउङ्सा बाबा लोनाँनि॥ ना चिट्ठि पावालङा याङ्छेप्टाबिडा याङ्लोडाउङ् आङा तारतियासङा छेप्टुएट्टुङ्॥
पुयानुम्, आङा आप्पे आमुक्ङा खानिलाउङ्सा ठेगा-ठेगा आक्छेरङि छेप्टुएसुङे॥
आङा पावाललाम्मा खानिलाउङ्सा बाबा ए॥ हाट्ले ना आखेरिङिना रिङ् आङा आप्पे आमुक्ङा छेप्टुएट्टुङ्॥ आङा खाम्बाङ्ङि ठाइसाङे नुङ् खानिङा मुन्नेनुम्॥ खानिलोक् माङ्हाङ्ङाना ओदायामाया उलियाक्॥
आङा पावालङा आप्पे आमुक्ङा डोक् बाबा ए पिक्सा छेप्टुएट्टुङ्॥ आङा छेप्टुङ्ना चिट्ठि नुङ् सोब्बेङा ठाहा टोग्माना पाराम्बाक् ना डोक् ए॥ आङा सोब्बे चिट्ठि ना पारा डोक् छेप्टुङ्गा॥
आङा पावाल, आप्पे आमुक्ङा छेप्टुएट्टुङ्, हिट्ना नाॽवा आङा डोक् हुङुङ्टुङ्॥ खान् आप्पेङा चा ना चोला आङालाम्मा डोक् ओटोगुना नुङ् माप्मा याक्मा कोन्निना होला॥
