१ कोरिन्‌थि 16:2 - आठपहरिया

² सोरोक् हाप्‍ताङाना पाइलेना लेम्‍बा खानि सोब्‍बेङा कामाइ आचोगुम्‍नालाम्‍मा चिप्‌चिप् ओफाबा साम्‍डानुमुङ् छुम्‍सा युङ्‌सानुम्, हिड्‌नाडेउङ् आङा आप्‍ङाना बेला ओफाबा फोक्‍मायाक्‍मा कोन्‌निना॥

१ कोरिन्‌थि 16:2 ပူးပေါင်းရင်းမြစ်များ

मारकुस 14:8

ना मेन्‍झेमाङा चोक्‍मा हिडुना रिङ् एरोक् चोगुएसुए॥ नाङा आयेम् उहुम्‍पाङि युङ्‌मा पाइले डोक् बुङ्‌बुङ् नाम्‍ना आट्‌टार नेक्‍टुङ् टेयार चोगुएसुए॥

लुका 16:10

येसुङा फेरि लोडुचे, “खाट्‌टिउना रिङ्‌ङि बिस्‍वासिलो लिना याप्‌मि ठेना रिङ्‌ङि चा बिस्‍वासिलो लियुक्॥ हिट्‌डेडोक् खाट्‌टियुना रिङ्‌ङि बिस्‍वासिलो लिनिना याप्‌मि ठेना रिङ्‌ङि चा बिस्‍वासिलो लिनिना॥

लुका 24:1

आइताबार एका भ्‍यानिक् डोक् हिट्‌नागा मेन्‍झेमाचिङा टेयार ओचोगुना बुङ्‌बुङ् नाम्‍ना क्‍या ओखाट्‌टुङ् हिट्‌नागा येसु ओहुम्‍पाङि ओखाडे॥

युहान्‍ना 20:19

हिट्‌ना आइताबारङाना युसाना पाका चेलाचि याहुदिचिलोक् उकिट्‌टाउङ् ढुवारिक् उछुप्‍टुङ् भिट्‌रा उयुङासागा॥ हिट्‌ना बेला डोक् येसु होन्‍डा टायाउङ् हिट्‌नागा माझाङि येबे, हिट्‌नुङ् हिट्‌नागा लोडुचे, “खानि बाबा चोक्‍नाँनि!”

युहान्‍ना 20:26

साङ् लेम्‍बा एङ्‌स्‍वा येसुङा ओचेलाचि फेरि पाङ् भिट्‌रा डोक् ओवासेट्‌टागा॥ थोमा चा हिट्‌नागालोक् वासेट्‌टाना॥ ढुवारिचि उछुप्‍टुएसुना डाना, टरो येसु भिट्‌रा लिगाउङ् हिट्‌नागा माझाङि येबाउङ् लोडुचे, “खानि बाबा चोक्‍नाँनि!”

मुलिचेला टोॽवा 20:7

आइताबारङाना युसाना पाका आन्‍याँ बिस्‍वासि भुम्‍बु-झान्‍झाचि माङ्‌खोइ चामा नुङ् एक्‍केउ छुमिङे॥ पावाल हिट्‌नालाम्‍मा हान्‍डेङ् भ्‍यानिक् खाट्‌ना लिसाउङ् उन्‍ङा आधारात् सोम्‍मा हिट्‌निगा बिस्‍वासिचिलोक् रिङ्‌पान् चोगायाक्‍टे॥

२ कोरिन्‌थि 8:10

हिट्‌नुङ् खानिङा नाम्‌निङ् नुङ् ओफाबा पिमाना उटुम् आचोगुम्‍ना टोॽवा हिडानुम् नुङ् ना साल्‍लाह खानिगा ओचेट्‌नु लाउङ्‌सा पिनाँनि॥ खानिङा पाइले पिमाना रिङ् उटुम् आचोगुम्‍ना एडोक् माखाक्, टरो हिट्‌डेना घुवार फामाना रिङ्‌ङि आड्‌डिक् निङ्‌ग्‍वा आपिडुम्‍मे॥

पारकास 1:10

ठिक् लेम्‍बा, टाङ्‌बाङाना माङ्‌ध्‍यान् चोक्‍माना लेम्‍बा, सेङ्‌सेङ्‌ना हाङ्‌सा आङि लिसे॥ हिट्‌नुङ् आएङ्‌स्‍वालेङ् धुटुरिबा उमुट्‌टुना गाड्‌डे डोक् माङ्‌ठेना सोरा मुक्‍टाना आङा खेम्‍सुङे॥