१ कोरिन्‌थि 15:26 - आठपहरिया

²⁶ हिट्‌नुङ् सोब्‍बे नुङ्‌ना एङ्‌स्‍वाना साट्‌टुरम्‍बाक् कासेब्‍बा ए, हिट्‌ना खिरिस्‍टङा जाखाम् चोगुटु॥

१ कोरिन्‌थि 15:26 ပူးပေါင်းရင်းမြစ်များ

लुका 20:36

हिट्‌नुङ् हिट्‌नागा माङ्‌हाङ् रिङ् काउग्‍बाचि गाड्‌डे डोक् उलियुक् हिट्‌नुङ् उसिनिगा चा॥ हिट्‌नुङ् हिट्‌नागा माङ्‌हाङ् छालेट्‌चि उलियुक्, पोङ्‌भोने हिट्‌नागा उसियाउङ् फेरि उहिङ्‌ग्‍वाट् उलिसे॥

१ कोरिन्‌थि 15:55

“हाउ कासेट्‌बा, खोलो खान्‍ङा मेप्‍मा आहिडुएनि टे? हाउ कासेट्‌बा, खोलो खान्‍ङाना मेप्‍माना कापाइन्?”

२ तिमोथि 1:10

हाटले ना मायादाया आनि काहिङ्‌मेप्‍बा डाङ्‌बा खिरिस्‍ट येसु उङ्‌साउङ् माङ्‌हाङ्‌ङा आनि सोरि आनिमेट्‌टाइसे॥ उन्‍ङा डोक् आसेट्‌ना बोल् जाखाम् चोगुए हिट्‌नुङ् नुना खाबोरलाम्‍मा खोना बेला चा लाट्‌निना चोला आनिमेट्‌टे॥

हिब्‍रु 2:14

पोङ्‌भोने नागा छालेट्‌चि हेलिक् लोक् साङाना येम् उलिसानाँ येसु चा हिट्‌नागा गाड्‌डे डोक् सा लोक् हेलिक् लिसाना याप्‌मि लिसे॥ हिट्‌नुङ् येसु सियाउङ् एडोक् आसेड्‌ना साक्‌ति लिसाना सैतान जाखाम् चोगुए॥

पारकास 20:13

हिट्‌नुङ् सामुन्‍दराङि उसियागा याप्‌मिचि चा सामुन्‍दराङा नोक्‍टुए, हिट्‌नुङ् पाताललाम्‍मा चा उसियागा याप्‌मिचि न्‍याए लाउङ्‌सा ओहोन्‍डे॥ माङ्‌हाङ्‌ङा हिट्‌नागा सोब्‍बेङागा उन्‌चिङा ओचोगुना टोॽवा आन्‍सार न्‍याए चोगुचे॥

पारकास 20:14

हिट्‌नुङ् हिट्‌ना चोलाङाना छाप्‍लाङि उन्‌चि निङ् छेप्‌निगेट्‌निगा याप्‌मिचि माङ्‌हाङ्‌ङा मि भुङ्‌रोङि ठेन्‍डुचिचि॥ हिट्‌नुङ्‌ना हिट्‌नि मिरतु हिट्‌नुङ् पाताल काइले चा लिनिना, पोङ्‌भोने नागा मिङाना भुङ्‌रोङि लेप्‌युक्॥ हिट्‌ना मिङाना कुन्‍डाङि पिमाना साजाएम्‍बाक् इप्‍पोक् खेप् सिमा नुङ् ओलोडुटु॥

पारकास 21:4

हिट्‌नुङ् उन्‍ङा उन्‌चि मिक्‌ङिगा सोब्‍बे मिॽवा टुगुबिडुचिचि, हिट्‌नुङ् हाट्‌ले खोना चा सिमा कोन्‌निना, हिट्‌नुङ् खोनाङा चा सानिङ्‌ग्‍वा ओलोयुङ् हाप्‍मा कोन्‌निना, हिट्‌नि पाक्‍चा याङ्‌छामा लिनिना॥ पोङ्‌भोने पाइलेगा रिङ् सोब्‍बे ओलाट्‌टाडे॥”