१ कोरिन्‌थि 15:19 - आठपहरिया

¹⁹ ना चोला लोङ्‌सा एडोक् खिरिस्‍टङि आनि आसा युङ्‌सुम्‍टुम् भोने, आनि सोब्‍बे याप्‌मिचि नुङ्‌ना आड्‌डिक् पुमाजामागा लिसिटि॥

१ कोरिन्‌थि 15:19 ပူးပေါင်းရင်းမြစ်များ

मात्‌ति 24:9

“हिट्‌ना बेला याप्‌मिचिङा खानि मालाबिटि हिट्‌नुङ् साजाए पिमा माखाट्‌टिटि, हिट्‌नुङ् खानि मासेडिटि, हिट्‌नुङ् आनिङ्‌ङि बिस्‍वास आचोगुम्‍नाँ सोब्‍बे छोङ्‌चिङा खानि चिम्‍मा माफुट्‌टिटि॥

लुका 21:34

“ओछेक्‍छेक् चोगानि, जोम् मोजमोज्‍जाङि, चामा-ठुङ्‌माङि हिट्‌नुङ् ना चोला लोङ्‌सा खानि निङ्‌ग्‍वा टिनेनुम्॥ हिट्‌डे आचोगिए भोने खानि निङ्‌ग्‍वा डोम्‍डोम्‍ना लियुक् हिट्‌नुङ् जिवाट्‌चि वारिक्‌ङि ओठाया गाड्‌डे डोक् हिट्‌ना लेम्‍बा खानिङा आमिट्‌निम्‍गेट्‌निम्‍ना बेला खानिङाना आन्‍तेङाना लेम्‍बा टायुक्॥

लुका 8:14

टिउँबा घारिङि ओठायागा लालिक्‌चिम्‍बाक् माङ्‌हाङ् रिङ् काखेम्‍बा याप्‌मिचि उलियुक्॥ टरो ना चोलाङि लिना चिन्‍ता, माक्‍फेन्‍सुबेन् हिट्‌नुङ् ना नाराङिना मोज्‍मोज्‍जाङा बान्‍डुचिउङ् बिस्‍वासङि पोमा उहिनिगा, हिट्‌नुङ् हिट्‌नागाँ टुल्‍फुल ओकेङुन्‍गा॥

युहान्‍ना 16:2

हिट्‌नागाँ खानि याहुदिचिगा छुम्‍मापाङ्‌लाम्‍मा माहोट्‌टिटि॥ छेम्‍बा डोक्, नाड्‌डेना बेला चा टायुगेट्, खानि कासेट्‌चिङा ‘माङ्‌हाङ्‌ङाना सेवा चोगुएट्‌टुम्‍मा’ नुङ् उमिट्‌युक्॥

युहान्‍ना 16:33

“खानि आङि युङानिउङ् हाङ्‌हाङ् टोगानुम् नुङ् डोक् आङा खानिलोङ्‌सा नागा रिङ् लोनानिगा ए॥ नाराङि खानि याङ्आछाडिटि, टरो लुक्‍माभुङ् ठेलोक् चोगानुम्, पोङ्‌भोने आङा नारा मेप्‍मा हिडुएसुङे॥”

मुलिचेला टोॽवा 14:22

हिट्‌नागाचिङा येसु डाङ्‌बाङि बिस्‍वास काचोक्‍बाचि बिस्‍वासङि बोलियो लिसानि पिक्‍सा आँट् पिडाचुए, हिट्‌नुङ् “माङ्‌हाङ् उमुलुक्‌ङि खाप्‍मा नुङ्‌ना उटुम्‌ङि आनि याङ्‌छामा, निङ्‌गुवा सागु हिट्‌नुङ् खेदो आङ्‌मा डोक् कोन्‌युक्” पिक्‍सा हिट्‌नागा लोडाचुचे॥

१ थेसालोनिकि 1:3

आनि माङ्‌हाङ् पाबा ओटोकानाङि आनि टाङ्‌बा येसुङि खानिङा बिस्‍वास आचोगुम्‍मुङ् आचोगुम्‍ना टोॽवा, मायालोक् आचोगुम्‍ना दुखे हिट्‌नुङ् खानिङा आनि टाङ्‌बा येसु खिरिस्‍टङि आयुङ्‌सुम्‍ना आसाङि याङ्‌छामा आङ्‌डुम्‍ना रिङ् आन्‍याँ सोरोक् मिट्‌टुम्‍टुम्‍मा॥

२ तिमोथि 1:12

हिड्‌डेउङ् आङा याङ्‌छामा आङ्‌डुएट्‌टुङ्॥ टरो आङा मोन्‌निङ्‌सिनिङ्‌ना पोङ्‌भोने आङा साक्‌ङि बिस्‍वास चोगुएसुङेना हिट्‌ना ठाहा टोगुएसुङे॥ हिट्‌नुङ् उन्‍ङा आङा जिम्‍मा याङ्‌पिडाना रिङ् उन्‍ङा डोक् हिट्‌ना बेला सोम्‍मा लोङ्‌सा जागेडा चोगुङ् युङ्‌सुटु नुङ् आङा ढुक्‍का वाङेट्‌ङा॥

२ तिमोथि 2:4

टिलिङ्‌गाङि भोरति लिसाना याप्‌मि आरु टोॽवाङि बान्‌निना, टरो सेनापति खुसि मेप्‍मा उन्‍ङा जिम्‍मा पिडुना टोॽवाङि उन् लाहाब् लियुक्॥

२ तिमोथि 3:12

खिरिस्‍ट येसुङि धारमोति लिमा निङ्‌ग्‍वा काचोक्‍बाङा आरुलाम्‍मा याङ्‌छामाउङ् आङ्‌मा डोक् कोन्‌युक्॥

१ पाटरुस 1:21

खिरिस्‍टलाम्‍मा खानिङा माङ्‌हाङ्‌ङि बिस्‍वास आचोगुम्‍मे, जुन्‍ङा उन् सियानालाम्‍मा उहिङ्‌ग्‍वाट् चोगुए हिट्‌नुङ् उन्‌लाउङ्‌सा मान् पिडुए, नाड्‌डेउङ् खानिङा बिस्‍वास लोक् आसा माङ्‌हाङ्‌ङि आयुङ्‌सुएसुम्‍मे॥

पारकास 14:13

हिट्‌नुङ् टोनालोग्‌लाम् नाड्‌डे मुक्‍टाना ठिक् सोरा आङा खेम्‍सुङे, “ना रिङ् छेप्‍टु, हाट्‌ले नुङ् टाङ्‌बा बिस्‍वास ओचोगुङ् उसियागा याप्‌मिचि माङ्‌हाङ्‌ङा आसिक् पिडुचिचि॥” सेङ्‌सेङ्‌ना हाङ्‌साङा नाड्‌डे माट्‌टुए, “छेम्‍बा ए, हाट्‌ले नुङ् हिट्‌नागाँ टुक्‍ना टोॽवा चोक्‍मा कोन्‌निना॥ हिट्‌ना ओसाट्‌टोङि माङ्‌हाङ्‌ङा हिट्‌नागा आराम पिडुचिचि, हिट्‌नुङ् हिट्‌नागाँ ओचोगुना टोॽवाङाना इनाम् हिट्‌नागा पिडुचिचि॥”