१ कोरिन्‌थि 13:13 - आठपहरिया

¹³ हाट्‌ले बिस्‍वास, आसा लोक् माया नागा सुम्‍बोक् रिङ्‌चिम्‍बाक् सोरोक् उलियुयाक्‌युक्, टरो नागा माड्‌डेङि सोब्‍बे नुङ्‌ना ठेनाम्‍बाक् माया डोक् ए॥

१ कोरिन्‌थि 13:13 ပူးပေါင်းရင်းမြစ်များ

लुका 10:27

हिट्‌नुङ् हिट्‌ना याप्‌मिङा येसु लोडुए, हिट्‌नि नाड्‌डे छेप्‍टाइसे, “‘खान्‍ङा कामाङ्‌हाङ् डाङ्‌बा ख्‍वाप्‍पा कानिङ्‌ग्‍वालाम्‍मा, ख्‍वाप्‍पा कासोक्‍मालाम्‍मा, ख्‍वाप्‍पा काबोल्‌लाम्‍मा, ख्‍वाप्‍पा काठोनालाम्‍मा डोक् माया चोगु’, हिट्‌नुङ् ‘खान्‍ङा आप्‍पे गाड्‌डे डोक् काटाक्‍लुङ्‌चि चा माया चोगुचि॥’”

लुका 22:32

टरो खान् आङि बिस्‍वासि लिसा नुङ् खान् लोङ्‌सा माङ्‌हाङ्‌ङा घुवार माफायाक् नुङ् आङा बिन्‌टि चोगुएसुङे॥ हिट्‌नुङ् जब खान् काएल्-काबु आलियुङ् आङालेङ् आनोक्‌युक्, टब काटाक्‌चि चा बिस्‍वास्‌ङि बोल्‍लेउ लिमा लोङ्‌सा घुवार फाडुचि॥”

रोमि 15:13

खानि आसा कापिबा माङ्‌हाङ्‌ङा खानि निङ्‌ग्‍वाङि आड्‌डिक् आनान्‍दा हिट्‌नुङ् हाङ्‌हाङ् मापिडियाक् नुङ् आङा बिन्‌टि चोगुङ्‌टुङ्, पोङ्‌भोने खानिङा उन्‌ङि बिस्‍वास आचोगुएसुम्‍मे॥ नाड्‌डेउङ् सेङ्‌सेङ्‌ना हाङ्‌साङाना साक्‌तिलाम्‍मा खानिङि लिसाना आसा पोसा पोसा खाट्‌युक्॥

१ कोरिन्‌थि 14:1

खानि निङ्‌ग्‍वाम्‍बाक् आरु माया चोक्‍माना रिङ्‌ङि पिडानुम्, हिट्‌नुङ् सेङ्‌सेङ्‌ना हाङ्‌सालाम्‍मा टोक्‍ना बारदान लाउङ्‌सा आड्‌डिक् निङ्‌ग्‍वा चोगानुम्॥ हिट्‌ना चा माङ्‌हाङ्‌लाम्‍माना रिङ् चेक्‍माना बारदान लोङ्‌सा निङ्‌ग्‍वा चोगानि॥

१ कोरिन्‌थि 16:14

खानिङा जे आचोगुम्‍चा सोब्‍बेलोक् माया चोक्‍सा चोगानुम्॥

१ कोरिन्‌थि 3:14

कोइ याप्‌मिङा हिट्‌ना जाग् उठुङ्‌ङि युङ्‌सुङ् चोगुना टोॽवा मिङि टुन्‍नेयाट्‌नि भोने, हिट्‌नाङा इनाम टोगुटु॥

१ कोरिन्‌थि 8:1

हाट्‌ले मुरतिङि ठाङ्‌बालाक् थोक् बिसाएङि आङा लोनाँनि, आनि सोब्‍बेलोक् ठोना युङ्‌ग्‍वाना रिङ् छेम्‍बा डोक् ए॥ याप्‌मिङा टोगुना ठोनाङा उन् आप्‍पेलाउङ्‌सा ठेलोक् चोक्‍ना लियुक्, टरो मायाङाम्‍बाक् आरु बिस्‍वासिचि बोल्‍लेउ चोगुचिचि॥

१ कोरिन्‌थि 8:3

टरो जुन्‍ङा माङ्‌हाङ् माया चोगुटु, माङ्‌हाङ्‌ङा हिट्‌नागा याप्‌मिचि उन्‍ङाना नुङ् लाडुचिचि॥

२ कोरिन्‌थि 5:10

पोङ्‌भोने आनि सोब्‍बे ठिक् लेम्‍बा न्‍याए लोङ्‌सा खिरिस्‍टङाना ओटोकानाङि एप्‍मा कोन्‌युक्॥ हिट्‌डेउङ् आनि सोब्‍बेङा ना येम्‌ङि लिसिनाँ चोगुम्‍ना ओचेट्‌नुना टोॽवा आथाबा ओचाफेन्‍ना टोॽवाङाना इनाम टोगुम्‍टुम्॥

२ कोरिन्‌थि 5:15

हिट्‌नुङ् खिरिस्‍ट आनि सोब्‍बे लोङ्‌सा सिए॥ हाट्‌ले साक् आप्‍पे लाउङ्‌सा हिङ्‌युक्‍ना हिट्‌ना हाट्‌लेउङ् आप्‍पे लाउङ्‌सा माखाक्, टरो आनि सोब्‍बे लाउङ्‌सा सियाना हिट्‌नुङ् उहिङ्‌ग्‍वाट् लिसा कोबाना लोङ्‌सा हिङ्‌मा कोन्‌युक्॥

गालाति 5:6

पोङ्‌भोने खिरिस्‍ट येसुङि बिस्‍वास काचोक्‌चि आनि लाउङ्‌सा खाताना चोगुम्‍चा चोक्‌निम्‍चा पाक्‍चा फाराक् वाइना॥ टरो मुलि रिङ्उम्‍बाक् खिरिस्‍टङि आनि बिस्‍वास चोगुम्‍नाँ आनि आरु याप्‌मिचि माया चोगुम्‌चिम्‌चिम्॥

फिलिप्‌पि 1:9

हिट्‌नुङ् खानिङा पाइले आचोगुम्‍ना नुङ्‌ना आड्‌डिक् याप्‍मा ठिबाङ्‌ङा आरको माया चोक्‍माना रिङ्‌ङि पोसा खाडानि नुङ् बिन्‌टि चोगुङ्‌टुङ्, हिट्‌नुङ् छेम्‍बा डोक् माङ्‌हाङ् खोड्‌डेना हिट्‌नुङ् पाक्‌उम्‍बाक् छेम्‍बाना हिट्‌नुङ् माहामाना हिट्‌ना याप्‍मा-याप्‍मा ठाहा आटोगुम्‍टुम्॥

कालास्‌सि 1:27

माङ्‌हाङ्‌ङा ओयाप्‌मिचिलाउङ्‌सा ना माहिमित ठोबाना रिङ् पानिछोङ्‌बाचि लाउङ्‌सा आड्‌डिक् चाहाब् लिना रिङ् नुङ् निमेट्‌माचिगा निङ्‌ग्‍वा चोगुए॥ ना ठोबाना रिङ्उम्‍बाक् खिरिस्‍ट खानिङि लिमा ए, ना रिङ्‌ङा खानि उन्‍ङाना माहिमा टोक्‍माना रिङ्‌ङाना निस्‍चाएता मापिडिटि॥

कालास्‌सि 1:5

खानि लोङ्‌सा टोनालोग्‌ङि सुराक्‌छिट् युङ्‌बालाक् आसाङा चोगुनाँ खानिङा खिरिस्‍टङि बिस्‍वास हिट्‌नुङ् माङ्‌हाङ् ओयाप्‌मिचि माया आचोगुम्‌चिम्‍गा ए॥ ना आसाङाना बारेङि खानिङा पाइले डोक् छेम्‍बाना नुना खाबोरङि आखेम्‍सेसुम्‍मे॥

कालास्‌सि 3:14

नागा टोगा सोब्‍बे रिङ् नुङ्‌ना याप्‍मा मुलि रिङ्उम्‍बाक् खानिङा ठिबाङ्‌ङा आरको माया चोक्‍मा कोन्‌युक्, पोङ्‌भोने मायाङा डोक् आनि ख्‍वाप्‍पा आटोङ्‌युङ् ठिक्‍ए आचोक्‌युक्॥

१ थेसालोनिकि 1:3

आनि माङ्‌हाङ् पाबा ओटोकानाङि आनि टाङ्‌बा येसुङि खानिङा बिस्‍वास आचोगुम्‍मुङ् आचोगुम्‍ना टोॽवा, मायालोक् आचोगुम्‍ना दुखे हिट्‌नुङ् खानिङा आनि टाङ्‌बा येसु खिरिस्‍टङि आयुङ्‌सुम्‍ना आसाङि याङ्‌छामा आङ्‌डुम्‍ना रिङ् आन्‍याँ सोरोक् मिट्‌टुम्‍टुम्‍मा॥

१ थेसालोनिकि 5:8

टरो आनिम्‍टे लेम्‍बाङिगा याप्‌मिचि लिसिनाँ ओछेक्‍छेक् युङि, हिट्‌नुङ् सुरेक्‍छा आपिना छातिपाता गाड्‌डे डोक् बिस्‍वास लोक् मायाङाना छातिपाता वाडुम्, हिट्‌नुङ् मुक्‌टिङाना आसाङाना सुरेक्‍छा आपिना टोपि वाडुम्॥

१ तिमोथि 1:5

ना आग्‍याँङाना मुलि रिङ्उम्‍बाक् माया ए, नाउम्‍बाक् चोखो निङ्‌ग्‍वा, ओचेट्‌नुना मिप्‍माना बोल् हिट्‌नुङ् छेम्‍बाना बिस्‍वासलाम्‍मा होन्‌युक्॥

२ तिमोथि 1:7

पोङ्‌भोने माङ्‌हाङ्‌ङा आनिलोङ्‌सा किट्‌टिना हाङ्‌सा माखाक् टरो बोल्, माया हिट्‌नुङ् आप्‍पे लोङ्‌सा आधिन्‌ङि युङ्‌माना हाङ्‌सा आपिडैसे॥

हिब्‍रु 10:35

हिट्‌नाड्‌डेउङ् खानिङा माङ्‌हाङ्‌ङि आचोगुम्‍ना बिस्‍वास नानेनुम्॥ पोङ्‌भोने हिट्‌ना रिङ्‌ङा खानिङा माङ्‌ठेना इनाम् आटोगुम्‍टुम्॥

हिब्‍रु 10:39

टरो आनिउम् हिट्‌नागा माङ्‌हाङ्‌लाम्‍मा ओनोक्‌युङ् जाखाम् उलिगा याप्‌मिचि गाड्‌डेगा माखाक्॥ टरो आनिम्‍टे बिस्‍वास काचोक् हिट्‌नुङ् माङ्‌हाङ्‌ङा बाचाँ आचोगागा याप्‌मिचि ए॥

हिब्‍रु 6:11

हिट्‌नुङ् खानि सोब्‍बेङा आसा आयुङ्‌सुम्‍ना रिङ् छेम्‍बा डोक् टोगुम्‍टुम्‍मा नुङ् खानिङा पाइले आचोगुम् गाड्‌डे डोक् आहिङिलोक् सोम्‍मा खानि निङ्‌ग्‍वालाम्‍मा डोक् चोगायाक्‍टानुम् नुङ् आन्‍याँ निङ्‌ग्‍वा युङ्‌ग्‍वा॥

हिब्‍रु 6:19

ना आसाङा आनि चोला बोल्‍लेउ हिट्‌नुङ् बिस्‍वासिलो चोगुटु॥ आनि आसाम्‍बाक् येसु ए, उन् डोक् टोनालोग्‌ङिना सेङ्‌सेङ्‌ना ठोङ्‌ङि पारदालाम्‍मा भिट्‌रा लिगाउङ् माङ्‌हाङ् ओटोकानाङि खाडे॥

१ पाटरुस 1:21

खिरिस्‍टलाम्‍मा खानिङा माङ्‌हाङ्‌ङि बिस्‍वास आचोगुम्‍मे, जुन्‍ङा उन् सियानालाम्‍मा उहिङ्‌ग्‍वाट् चोगुए हिट्‌नुङ् उन्‌लाउङ्‌सा मान् पिडुए, नाड्‌डेउङ् खानिङा बिस्‍वास लोक् आसा माङ्‌हाङ्‌ङि आयुङ्‌सुएसुम्‍मे॥

१ युहान्‍ना 2:10

जुन्‍ङा आप्‍पे बिस्‍वासि भुम्‍भु-झान्‍झा आथाबा नाना-झान्‍झा माया चोगुटु, हिट्‌नाम्‍बाक् व्‍हाङ्‌ङि लियुक्, हिट्‌नुङ् आरु पाप लिना खोना रिङ् चा उन्‌ङि उलिनिगा॥

१ युहान्‍ना 2:14

खानि आइछाचि गाड्‌डेगा, आङा खानि लाउङ्‌सा छेप्‍टुएट्‌टुङ्, पोङ्‌भोने खानिङा माङ्‌हाङ् पाबा मिसेन् आनिसुएसुम्‍मे॥ पाबाचि, आङा खानि लाउङ्‌सा छेप्‍टुएट्‌टुङ्, पोङ्‌भोने उटुम्‌लाम्‍मा वासेट्‌टाना खानिङा मिसेन् आनिसुम्‍टुम्॥ ठाङ्‌बेन्‌चि, आङा खानि लाउङ्‌सा छेप्‍टुएट्‌टुङ्, पोङ्‌भोने खानि बोल्‍लेउ आवासेट्‌टि, हिट्‌नुङ् माङ्‌हाङ् उरिङ् खानि निङ्‌ग्‍वाङि युङ्‌ग्‍वा, हिट्‌नुङ् खानिङा सैतान आमेट्‌टुएसुम्‍मे॥

१ युहान्‍ना 2:24

हिट्‌नाड्‌डेउङ् खानिङा उटुम्‌लाम्‍मा डोक् आखेम्‍सुम्‍ना हिसिक्‍मा खानि निङ्‌ग्‍वाङि युङ्‌सानुम्॥ खानिङा उटुम्‌लाम्‍मा डोक् आखेम्‍सुम्‍गा हिसिक्‍मा खानि निङ्‌ग्‍वाङि आयुङ्‌सुम्‍मे भोने छा हिट्‌नुङ् माङ्‌हाङ् पाबाङि खानि आलिसिटि॥

१ युहान्‍ना 3:3

हिट्‌नुङ् खिरिस्‍ट फाकाट्‌ना लिसा गाड्‌डे, उन्‌ङि नाड्‌डेना आसा उयुङ्‌सुगाँ ख्‍वाप्‍पा याप्‌मिङा आप्‍पेलाउङ्‌सा फाकाट्‌ना ओचोगुङ् उयुङ्‌सुटु॥

१ युहान्‍ना 3:9

माङ्‌हाङ्‌ङाना छालेट्‌ङा खोनाँ चा पाप चोगुन्‌याक्‍टुन्‍ना, पोङ्‌भोने उन्‍ङाना चाट्‌ला हिट्‌नालोक् लियुक्, हिट्‌नुङ् हिट्‌नाङा पाप चोगुन्‌याक्‍टुन्‍ना, पोङ्‌भोने हिट्‌ना माङ्‌हाङ्‌ङाना छालेट् ए॥