१ कोरिन्‌थि 13:12 - आठपहरिया

¹² हाट्‌ले आनि खिम्‍बाराङ् आइनाङि पुयुम् गाड्‌डे एडोक् निसुम्‍टुम्, टरो हिट्‌ना बेलाम्‍बाक् सोब्‍बे थोक् पारचिन्‍दा निसुम्‍टुम्॥ हाट्‌ले आङा खाट्‌टिप्‍मा एडोक् बुजा चोगुङ्‌टुङ्, टरो हिट्‌ना बेलाम्‍बाक् माङ्‌हाङ्‌ङा आङाना बारेङि सोब्‍बे रिङ् निसु गाड्‌डे डोक् आङा चा सोब्‍बे थोक् ठाहा टोगुङ्‌टुङ्॥

१ कोरिन्‌थि 13:12 ပူးပေါင်းရင်းမြစ်များ

मात्‌ति 18:10

“ओछेक्‍छेक् युङानि, खानिङा नागा खाट्‌टिउगा पिच्‍छाचि माड्‌डेङि ठिबाङ् चा आङ्‌छाप्‍मा मेट्‌नेनुम्‌चिम्॥ पोङ्‌भोने आङा खानि लोनाँनि, टोनालोग्‌ङि हिट्‌नागाँगा माङ्‌हाङ् रिङ् काउग्‍बाचि सोरोक् टोनालोक्‌ङि युङ्‌ना आङाना पाबा ओटोकानाङि डोक् ओवाएट्॥

मात्‌ति 5:8

चोखो निङ्‌ग्‍वा उलिसागा लोङ्‌सा माङ्‌हाङ्‌ङा आसिक् पिडुचिचि, पोङ्‌भोने हिट्‌नागाँ माङ्‌हाङ् उनिसुटु॥

युहान्‍ना 10:15

आङा पाबाङा मिसेन् याङ्‌नियुक्, हिट्‌नुङ् आङा पाबा मिसेन् निसुङ्‌टुङ्, हिट्‌नुङ् आङा ठुँबाचि लाउङ्‌सा आचोला चा भोक् पिडुङ्‌टुङ्॥

रोमि 8:18

हाट्‌ले ना चोलाङि आनि आङ्‌डुम्‍ना याङ्‌छामालोक् हान्‍डेङ् माङ्‌हाङ्‌ङा आनि आनिमेट्‌ना माहिमा टोङ्‌सुम्‍नाँ हाट्‌ले ना याङ्‌छामा पाक्‍चा माखाक् नुङ् आङा ठाहा टोगुङ्‌टुङ्॥

१ कोरिन्‌थि 13:11

आङा ओओ लिसाङ्‌नाङा ओओचि गाड्‌डे डोक् चेक्‍टाङे, हिट्‌नुङ् ओओ गाड्‌डे मिट्‌टुङे, हिट्‌नुङ् ओओ गाड्‌डे निङ्‌ग्‍वा रिसुङे॥ टरो जब आङा पोसा खाडाङे हिट्‌नुङ् ओओ गाड्‌डे चोक्‍माना पारा नाडुङे॥

१ कोरिन्‌थि 8:3

टरो जुन्‍ङा माङ्‌हाङ् माया चोगुटु, माङ्‌हाङ्‌ङा हिट्‌नागा याप्‌मिचि उन्‍ङाना नुङ् लाडुचिचि॥

२ कोरिन्‌थि 3:18

टाङ्‌बाङि बिस्‍वास काचोक् आनि सोब्‍बेङा आनि नाभाक् घुम्‍टोङा मिटेप्‍मे उन्‍ङाना माहिमा पारकाट् चोगुम्‍टुम्॥ टाङ्‌बा हाङ्‌सा ए, हिट्‌नुङ् उन्‍ङा आनि उन् गाड्‌डे डोक् आड्‌डिक् याप्‍मा फेराँ आचोक्‌युङ् आझै झान् उन्‍ङाना माहिमाङि ओम्‌सिटि॥

२ कोरिन्‌थि 5:7

पोङ्‌भोने आन्‍याँ मिक्‍ङा निसुम्‍मागा थोक्‌ङि माखाक्, टरो बिस्‍वासलाम्‍मा हिङिटिङा॥

फिलिप्‌पि 3:12

आङा नागा सोब्‍बे थोक् पाइले डोक् चोक्‍मा हिडुङे आथाबा आङा सिद्‌दा लिसेसाङे नुङ् माट्‌टुङ्‌ना माखाक्॥ टरो आङा खिरिस्‍ट गाड्‌डे लिमा बोल् चोगेट्‌टुङ्, पोङ्‌भोने ना रिङ् लाउङ्‌सा डोक् खिरिस्‍ट येसुङा आङा याङ्‌सेगे॥

याकुब 1:23

रिङ् काखेम्‍बा टरो रिङ् पालान् चोक्‌निनाम्‍बाक् आइनाङि ओनाभाक् पुयुना याप्‌मि गाड्‌डेना डोक् लियुक्॥

१ युहान्‍ना 3:2

मायालु आसाइबाचि, हाट्‌लेम्‍बाक् आनि माङ्‌हाङ्‌ङाना खालाक् डोक् ए॥ हिट्‌नुङ् हान्‍डेङ् आनि पाक् गाड्‌डेना लिसिटिगा हिट्‌ना रिङ् आनि ठाहा टोग्‌निम्‍ना॥ टरो खिरिस्‍ट उङ्‌नाँ आनि चा उन् गाड्‌डे डोक् लिसिटि नुङ् ठाहा टोगुम्‍टुम्, पोङ्‌भोने उन् खोड्‌डेना वाहेट्‌ना हिड्‌नाडेना डोक् उन् निसुम्‍टुम्॥

पारकास 22:4

हिट्‌नागाँ माङ्‌हाङ् ओनाभाक् उनिसुटु, हिट्‌नुङ् उनिङ् उन्‌चि नाम्‍ढाङ्‌ङि लियुक्॥