१ कोरिन्‌थि 12:11 - आठपहरिया

¹¹ टरो नागा सोब्‍बे ठिक्‍ए सेङ्‌सेङ्‌ना हाङ्‌साङाना टोॽवाचि ए॥ हिट्‌नुङ् उन्‍ङा ख्‍वाप्‍पा लाउङ्‌सा आप्‍पे उनिङ्‌ग्‍वालाम्‍मा नागा बारदानचि पिडुचिचि॥

१ कोरिन्‌थि 12:11 ပူးပေါင်းရင်းမြစ်များ

मात्‌ति 11:26

छेम्‍बा डोक् आप्‍पा, नाड्‌डे चोक्‍मा डोक् कानिङ्‌ग्‍वाङि नुलोक् आलोसे॥

मात्‌ति 20:15

पाक् आङा आप्‍पे आपैसा आनिङ्‌ग्‍वा लोसागा पिमाचिगा आधिकार वाइना इ? पाक् आङा आरु लुक्‍मा टुक्‍टुङ्‌चिङ्‌नाँ कामिक् टुगेनि?’”

युहान्‍ना 3:27

हिट्‌नुङ् युहान्‍नाङा हिट्‌नागा लोडुचे, “याप्‌मिलाउङ्‌सा टोनालोग्‌ङिना माङ्‌हाङ्‌ङा पिडुन्‌चिलोक् सोम्‍मा हिट्‌नाङा पाक्‍चा टोग्‍मा हिडुन्‍ना॥

युहान्‍ना 3:8

हिॽवा खोनालेङ् फेन्‍मा कोन्‌युक्‍ना हिट्‌नालेङ् डोक् फेन्‌युक्॥ खान्‍ङा हिॽवा फेन्‍डानाउम् ठाहा आटोगुटु, टरो हिट्‌ना हिॽवा खोनिलाम्‍मा फेन्‌युक्‍ना हिट्‌नुङ् खोनालेङ् खाट्‌युक्‍ना, हिट्‌नाम्‍बाक् ठाहा टोक्‌निम्‍ना॥ हिट्‌डेउङ् हाङ्‌सालाम्‍मा पोङ्‌साना याप्‌मि चा हिड्‌डेना डोक् लियुक्॥”

युहान्‍ना 5:21

पोङ्‌भोने पाबाङा उसियागा याप्‌मिचि उहिङ्‌ग्‍वाट् चोगुचिउङ् चोला पिडुचिचि, हिट्‌डेडोक् छाङा चा उन्‍ङा निङ्‌ग्‍वा चोगुचिगालाउङ्‌सा चोला पिडुचिचि॥

रोमि 12:6

माङ्‌हाङ्‌ङा उन्‍ङाना ओमायादायाङा आनि सोब्‍बेलाउङ्‌सा खाले-खाले पारागा बारदानचि आपिडेसे, हिट्‌नागा ठिबाङ्‌ङा आरको घुवार फामा चालाँ चोगुम्॥ कोइ याप्‌मिङा माङ्‌हाङ्‌लाम्‍माना चेक्‍माना बारदान टोगुएसुए भोने, माङ्‌हाङ्‌ङा पिडुना बिस्‍वासलाम्‍मा हिट्‌नाँ माङ्‌हाङ्‌लाम्‍माना रिङ् ओचेक्‌याक्॥

रोमि 9:18

हिट्‌डेउङ् माङ्‌हाङ्‌ङा दाया चोक्‍मा निङ्‌ग्‍वा चोगुचिगालाउङ्‌सा दाया चोगुचिचि, हिट्‌नुङ् निङ्‌ग्‍वा काठोर चोक्‍मा निङ्‌ग्‍वा चोगुचिगालाउङ्‌सा काठोर डोक् चोगुचिचि॥

१ कोरिन्‌थि 12:18

हिट्‌नुङ् येम्‌ङि उलिसागा ख्‍वाप्‍पा आङ्‌गाचि माङ्‌हाङ् आप्‍पे उनिङ्‌ग्‍वाङा टोङ्‌सुङ् युङ्‌सुएसुए॥

१ कोरिन्‌थि 12:4

सेङ्‌सेङ्‌ना हाङ्‌साङाना बारदानचि याप्‍मा पारिक्‍गा उयुङ्‌ग्‍वा, टरो सेङ्‌सेङ्‌ना हाङ्‌साम्‍बाक् ठिक् एना ए॥

१ कोरिन्‌थि 12:6

हिट्‌नुङ् आनि पारिक् पारिक्‍गा टोॽवाचि चोक्‍मा हिडुम्‍टुम्, टरो ठिबाङ् एना माङ्‌हाङ्‌ङा आनि ख्‍वाप्‍पालोङ्‌सा हिट्‌नागा टोॽवाचि चोक्‍माना बोल् आपियुक्॥

१ कोरिन्‌थि 7:17

ख्‍वाप्‍पा माङ्‌पाङ्‌ङिगा लाउङ्‌सा लोमाना आङाना रिङ्उम्‍बाक् ना ए, जुन्‍सुके आवास्‍थाङि माङ्‌हाङ्‌ङा खानि माछेम्‌डि चा हिट्‌ना पारा डोक् उन्‌ङि वासानि॥

१ कोरिन्‌थि 7:7

सोब्‍बे याप्‌मि आङा गाड्‌डे डोक् भ्‍या मिलिए उयुङाना बे ओचेट्‌नुना लिसे, टरो ख्‍वाप्‍पाङा माङ्‌हाङ्‌लाम्‍मा पारिक् पारिक्‍गा बारदान ओटोगुएसुए॥ ठिबाङ्‌लोक् ठिक् खाले बारदान युङ्‌ग्‍वा भोने, आरकोलोक् आरको खाले बारदान युङ्‌ग्‍वा॥

२ कोरिन्‌थि 10:13

माङ्‌हाङ्‌ङा टोॽवा चोक्‍मा नुङ् याप्‌मि पाङ्‌साना ठोङ् नुङ्‌ना या भारा खाडिङाउङ् टोॽवा चोगुमे नुङ् ठेलोक् रिङ् चोगिन्‍नागा॥ टरो माङ्‌हाङ्‌ङा टोॽवा चोक्‍मा नुङ् याप्‌मिपिडाना ठोङ्‌ङि एडोक् चोगुम्‍टुम्‍मा नुङ् ठेलोक् रिङ् चेक्‌टिटिङा॥ हिट्‌नुङ् माङ्‌हाङ्‌ङा खानि ठोङ्‌ङि टोॽवा चोक्‍मा याप्‌मिपिडेसे॥

एफिसि 1:11

माङ्‌हाङ्‌ङा सोब्‍बे रिङ् लिमा उन्‍ङा निङ्‌ग्‍वा चोगु गाड्‌डे चोक्‍मा हिडुटु॥ उन्‍ङाना योजाना गाड्‌डे डोक् ओयाप्‌मिचि लिमा आनि आसेगे, पोङ्‌भोने खिरिस्‍टलोक् आनिना साम्‍बान्‍धा युङ्‌ग्‍वा॥ माङ्‌हाङ्‌ङा ना रिङ्उम्‍बाक् उन्‍ङाना योजाना डाना नुङ् पाइले डोक् उन्‍ङा निङ्‌ग्‍वा चोगुएसुना डाना॥

एफिसि 4:7

खिरिस्‍टङा आनि ठिबाङ् ठिबाङ्‌लाउङ्‌सा आत्‌मिक् बारदान आपिडाइसे॥ हिट्‌ना बारदान उन्‍ङा पिमा निङ्‌ग्‍वा चोगुचिगा लाउङ्‌सा पिडुएसुचे॥

हिब्‍रु 2:4

माङ्‌हाङ् आप्‍पेङा सोब्‍बे पारिग्‍गा साक्‌तिङागा डोङ् ठोङ्‌डिगा टोॽवाचि हिट्‌नुङ् चिन्‍नाचि चोगुङ् उन्‍ङाना खाबोर छेम्‍बाना डाना नुङ् साँचि पिडुए॥ हिट्‌नुङ् उन्‍ङा उनिङ्‌ग्‍वाङा सेगुचिगा जुन् चा सेङ्‌सेङ्‌ना हाङ्‌साङाना बारदानचि पिडुचे॥

याकुब 1:18

उन्‍ङा सिरिस्‌टि चोगुचिगा थोक्‌चि माड्‌डे आनि सोब्‍बे नुङ्‌ना चाहाब् लिसिगा लिमा उहिडियाक् नुङ् छेम्‍बाना रिङ्‌लाम्‍मा उन्‍ङाना उनिङ्‌ग्‍वाङा डोक् आनि ओछालेट् चोक्‍माना निङ्‌ग्‍वा चोगुए॥