१ कोरिन्‌थि 11:2 - आठपहरिया

² हाट्‌ले खानिलोक् आड्‌डिक् आङाना आचाप् टायाइसे, पोङ्‌भोने सोब्‍बे रिङ्‌ङि खानिङा आङा याङ्आमिट्‌टिटिङा, हिट्‌नुङ् आङा हिसिक्‍नानिगा हिसिक्‍मा पालान् आचोगुएट्‌टुम्॥

१ कोरिन्‌थि 11:2 ပူးပေါင်းရင်းမြစ်များ

लुका 1:6

जाकारिया हिट्‌नुङ् एलिसिबा इप्‍पाङ् डोक् माङ्‌हाङ् ओटोकानाङि आड्‌डिक् धारमोति डाचिगा, हिट्‌नुङ् माङ्‌हाङ्‌ङाना ख्‍वाप्‍पा आग्‍याँचि हिट्‌नुङ् धारमाबिधिङिगा रिङ् मिमुन्‍ने खेम्‍सा उन्‍ङा लोडुचि गाड्‌डे डोक् नुलोक् वासाचे॥

१ कोरिन्‌थि 11:17

हाट्‌ले आङा ना रिङ् लोनानिनाँ खानिगा निङ् चोन्‌निङ्‌ना, पोङ्‌भोने खानि एक्‍केउ आछुमिनाँ ओचेट्‌नुना रिङ् माखाक् हिट्‌ना ओसाट्‌टोङि ओचाफेन्‍ना रिङ् आचोगुम्‍गा॥

१ कोरिन्‌थि 11:22

पाक् चामा-ठुङ्‌माउङ्‌सा खानिगा आ-आप्‍पे पाङ् वाइना इ टे? आथाबा पाक् खानिङा माङ्‌हाङ् माङ्‌पाङ् चिम्‍मा आफुट्‌टुम्‍टुम्‌नि? हिट्‌नुङ् पाक्‍चा वानिगालोङ्‌सा मोम्‍मासिमा चोक्‍मा आकोलुएट्‌टुम्‌चिम्‌गि? ना बारेङि खानिलोङ्‌सा आङा पाक् लोनानिगा? पाक् ना रिङ्‌ङि खानिङा ओचेट्‌नु ओचोगुम्‍मे नुङ् माट्‌टुङ्‌नि? माखाक्, खानिङा ओचेट्‌नु ओचोगुमे नुङ् आङा माट्‌निङ्‌ना॥

१ कोरिन्‌थि 15:2

आङा खानिलाउङ्‌सा पारचार चोगुङ्‌ना ना नुना खाबोरङि भोरोसा आयुङ्‌सुम् याक्‍टुम्‍मे भोने नाङा खानि माहिङिटि, नाभाम्‍टे खानिङा आचोगुम्‍ना बिस्‍वास खेरोक् डोक् लियुक्॥

१ कोरिन्‌थि 4:17

नाड्‌डेउङ् आङा माया चोगुङ्‌ना हिट्‌नुङ् टाङ्‌बाङि बिस्‍वासङि बोल्‍लेउ आइछा गाड्‌डेना तिमोथि खानि सोरि पाङ्‌सुङ्‌गेट्‌टुङ्॥ आङा सोब्‍बे डेन्‌ङि लोक् ख्‍वाप्‍पा माङ्‌पाङ्‌ङि हिसिक्‍टुङ्‌चिङ् गाड्‌डे डोक् खिरिस्‍टङि आङाना आचोला खोड्‌डेना हिट्‌ना रिङ् उन्‍ङा खानि फेरि माहिसिक्‌टिटि॥

१ कोरिन्‌थि 7:17

ख्‍वाप्‍पा माङ्‌पाङ्‌ङिगा लाउङ्‌सा लोमाना आङाना रिङ्उम्‍बाक् ना ए, जुन्‍सुके आवास्‍थाङि माङ्‌हाङ्‌ङा खानि माछेम्‌डि चा हिट्‌ना पारा डोक् उन्‌ङि वासानि॥

१ थेसालोनिकि 1:6

खानिङा आन्‍याँना हिट्‌नुङ् टाङ्‌बाङाना सिको चा आचोगुमे॥ हिट्‌नुङ् आम्‍टेप्‍मा याङ्‌छामा आङ्‌डुमुङ् चा खानिङा सेङ्‌सेङ्‌ना हाङ्‌साङा मापिडिगा खाबोर खुसिलोक् आलाडुमे॥

१ थेसालोनिकि 3:6

टरो हाट्‌ले तिमोथि खानिलाम्‍मा टायाउङ् खानिङि लिसाना बिस्‍वास हिट्‌नुङ् मायाङाना बारेङि ओचेट्‌नुना खाबोर टाडुएसुए॥ खानि ख्‍वाप्‍पाङा आन्‍याँ माया याप्‌मि आचोगाउङ् सोरोक् याप्‌मिआमिट्‌टाना हिट्‌नुङ् आड्‌डिक् टुब्‍माना निङ्‌ग्‍वा आचोगुम्‍ना रिङ् याप्‌मिलोडाइसे॥ आन्‍याँना चा खानि टुब्‍माना निङ्‌ग्‍वा आड्‌डिक् युङ्‌ग्‍वा॥

२ थेसालोनिकि 2:15

नाड्‌डेउङ् भुम्‍बु-झान्‍झाचि हिट्‌नुङ् आनो-आन्‍झाचि, खानिङा बिस्‍वास आचोगुम्‍ना रिङ्‌ङि बोल्‍लेउ लिसानिउङ् युङानि, हिट्‌नुङ् आन्‍याँ यासिङा खानि लोनानि चा आथाबा चिट्‌ठि छेप्‍टुमुङ् हाक्‍नानि चा खानिङा आटोगुम्‍ना हिसिक्‍माना रिङ् बिस्‍वास चोगायाक्‍टानुम्॥

२ थेसालोनिकि 3:6

भुम्‍भु-झान्‍झाचि हिट्‌नुङ् आनो-आन्‍झाचि, आनि टाङ्‌बा येसु खिरिस्‍टङाना उनिङ्‌ङि आन्‍याँ खानि आग्‍याँ पिनाँनि, टोॽवा ओचोक्‌निगा स्‍वाकायु हिट्‌नुङ् आन्‍याँ हिसिक्‍टुम्‌चिम्‍मागा रिङ् ओटेन्‌निगा ख्‍वाप्‍पा बिस्‍वासिचिलाम्‍मा लाप्‍माङ् युङानि॥