१ कोरिन्‌थि 10:16 - आठपहरिया

¹⁶ जब आनि माङ्‌खोइङाना खोरे याङुमुङ् माङ्‌हाङ् पोए-पोए ठाङ्‌सुम्‍टुम्, हिट्‌नुङ् खोरेलाम्‍मा ठुङुमुङ् खिरिस्‍टङाना ओहेलिक् लाडुम्‍टुम्, माखाक् इ माइना इ टे? जब आनि चालेप्‍पा एगुम्‍टुम् हिट्‌नुङ् चाम्‍मुङ् खिरिस्‍टङाना ओयेम् लाडुम्‍टुम्, माखाक् इ माइना इ टे?

१ कोरिन्‌थि 10:16 ပူးပေါင်းရင်းမြစ်များ

लुका 22:17

हिट्‌नुङ् येसुङा आङ्‌गुर ओमोॽवा लोक्‍ना खोरे याङुङ् माङ्‌हाङ्‌ङि पोए-पोए चोगुङ् ओचेलाचि लोडुचे, “ना टाक्‍टानुम् हिट्‌नुङ् सोब्‍बेङा हान्‍डाजानुम्॥

मुलिचेला टोॽवा 2:42

हिट्‌नुङ् हिट्‌नागा मुलिचेलाचिगा हिसिक्‍मा, साङ्‌गातिङि, चामा-ठुङ्‌माङि हिट्‌नुङ् बिन्‌टिङि सोरोक् लाहाब् उलिसे॥

मुलिचेला टोॽवा 2:46

हिट्‌नागा ठिक्‍ए निङ्‌ग्‍वा ओचोगुङ् लेम्‍बासेम्‍बा माङ्‌ठानाङि उछुमागा डागा, उन्‌चिगा पाङ्-पाङ्‌ङि माङ्‌खोइ ओचोगा डागा, हिट्‌नुङ् आनान्‍दा चोक्‍सा हिट्‌नुङ् हारका लिसा चामा-ठुङ्‌मा ओहान्‍डुजोए॥

मुलिचेला टोॽवा 20:11

हिट्‌नुङ् पावाल उठुइना टालाङि खाडे हिट्‌नुङ् सोब्‍बेङा माङ्‌खोइ ओचोए॥ माङ्‌खोइ चामा उहिडाउङ् भ्‍यानिक् मिले सोम्‍मा हिट्‌नागालोक् उन् मुन्‍डुब्‍टे॥ हिट्‌नुङ् हिट्‌नागालोक् सेन्‍डाउङ् लाम्‌टिए॥

मुलिचेला टोॽवा 20:7

आइताबारङाना युसाना पाका आन्‍याँ बिस्‍वासि भुम्‍बु-झान्‍झाचि माङ्‌खोइ चामा नुङ् एक्‍केउ छुमिङे॥ पावाल हिट्‌नालाम्‍मा हान्‍डेङ् भ्‍यानिक् खाट्‌ना लिसाउङ् उन्‍ङा आधारात् सोम्‍मा हिट्‌निगा बिस्‍वासिचिलोक् रिङ्‌पान् चोगायाक्‍टे॥

१ कोरिन्‌थि 1:9

माङ्‌हाङ्‌ङा ना रिङ् चोगुटु, पोङ्‌भोने उन् बिस्‍वासयोग्‍ए वाहेट्॥ उन्‍ङा डोक् उन्‍ङाना छा आनि टाङ्‌बा येसु खिरिस्‍टलोक् साङ्‌गातिङि युङ्‌माउङ्‌सा खानि माछेम्‌डिएसिए॥

१ कोरिन्‌थि 10:15

खानि ठोना आलिसिगा याप्‌मिचि नुङ् आङा लोनेट्‌नानि, आङा लोनाँनिगा रिङ् खानि आप्‍पेङा जाँचा चोगानुम्॥

१ कोरिन्‌थि 12:13

आनि याहुदि नुङ् चा, पानिछोङ्‌बा नुङ् चा, कामारा नुङ् चा, कामारा माखाक् नुङ् चा, आनि सोब्‍बेङा ठिक्‍ए सेङ्‌सेङ्‌ना हाङ्‌सालाम्‍मा ठिक्‍ए येम्‌ङि बाप्‌टिस्‍मा लिसेसिए, हिट्‌नुङ् आनि सोब्‍बेङि ठिक्‍ए सेङ्‌सेङ्‌ना हाङ्‌सा युङैसे॥

हिब्‍रु 3:14

नाड्‌डेउङ् पाइले आनि उन्‌ङि बिस्‍वास चोगुम् गाड्‌डे आखेरि सोम्‍मा आनि चोलाङि बिस्‍वास जोगाँ चोगुम्‌याक्‍टुम्‍टुम् भोने, आनि खिरिस्‍टलोक् एक्‍केउ हाक्‍दार लिसिटि॥

१ युहान्‍ना 1:3

आन्‍याँलोक् खानिगा साङ्‌गाति उलियाक् नुङ् डोक् आन्‍याँ जे निसुम्‍मे हिट्‌नुङ् खेम्‍सुम्‍मे, हिट्‌ना डोक् खानिलाउङ्‌सा लोनाँनि॥ आनि साङ्‌गातिउम्‍बाक् माङ्‌हाङ् पाबा हिट्‌नुङ् उन्‍ङाना छा येसु खिरिस्‍टलोक् युङ्‌ग्‍वा॥

१ युहान्‍ना 1:7

टरो उन् व्‍हाङ्‌ङि लिसाना गाड्‌डे डोक् आनि चा व्‍हाङ्‌ङि वासिटि भोने, आनि आनिङि साङ्‌गाति लियुक्, हिट्‌नुङ् उन्‍ङाना छा येसुङाना ओहेलिक्‌ङा आनि सोब्‍बे पापलाम्‍मा सेङ्‌सेङ् आचोक्‌युक्॥