رؤيا 21:9 - كِتاب العَهد الجَّديد مِن الكِتاب المُقَدَّس

⁹ و جا واحِد مِن السَّبعَه مَلائكَه الكانو عِندَهُم السَّبعَه حِلَل مَليانَه مِن السَّبعَه ضَرَبات الأخيرَه، و قال لَي: ”تَعال، بَوَرّيك العَروسَه، مَرَة الحَمَل.“

رؤيا 21:9 ပူးပေါင်းရင်းမြစ်များ

رؤيا 1:1

رؤيا يَسُوع المَسيح الأدّاهو ليهو الله عَشان يَوَرّي لِخَدّامينو الحاجات اللازِم تَحصُل بَعَد شوَيَه. و هو رَسَّل و بِيَّنو بِمَلاكو لِخَدّامو يُوحَنَّا.

رؤيا 17:1

و واحِد مِن السَّبعَه مَلائكَه العِندَهُم السَّبعَه حِلَل جا و كَلَّمني و قال: ”تَعال و بَوَرّيك دينونَة الزّانيَه الكَبيرَه البِتَقعُد عَلى مويَه كَتيرَه.

رؤيا 19:7

خَلّونا نَفرَح و نَكون مَبسوطين خَلاص و نَمَجِّدو! عَشان عِرِس الحَمَل جا، و عَروستو جَهَّزَت نَفسا.

رؤيا 21:17

و هو قاس الحيطَه كَمان، و كانَت ميتين و سِطّاشَر قَدَم حَسَب قِياس الزّول، القِياس العَمَل بيهو المَلاك.

رؤيا 21:2

و شُفتَ المَدينَه المُقَدَّسَه، أُورُشَلِيم الجَديدَه، نازِلَه مِن السَّما مِن الله. و هي كانَت مَجَهَّزَه زي عَروسَه مَزيَنَه لِعَريس.

رؤيا 22:1

و بَعدين المَلاك وَرّاني بَحَر مويَة الحَياة صافي زي القِزاز إسمو البَلّور. و البَحَر جا مِن كُرسي الله و الحَمَل،

رؤيا 22:17

و الرّوح و العَروسَه يَقولو: ”تَعال!“ و هو اليَسمَع، خَليهو يَقول: ”تَعال!“ و اليَعطَش، خَليهو يَجي. و العاوِز، خَليهو ياخُد مويَة الحَياة مَجّاناً.

رؤيا 22:6

و المَلاك قال لَي: ”الكِلمات دي صادِقَه و أمينَه. و الرَّب، إلَه أرواح الأنبياء، رَسَّل ملاكو عَشان يَوَرّي خَدّامينو الحاجات اللازِم تَحصَل بَعَد شوَيَه.