رؤيا 15:1 - كِتاب العَهد الجَّديد مِن الكِتاب المُقَدَّس

¹ و شُفتَ في السَّما عَلامَه تانيَه عَظيمَه و عَجيبَه: سَبعَه مَلائكَه و مَعاهُم السَّبعَه ضَرَبات الأخيرَه. و غَضَب الله تَمَّ بيها.

رؤيا 15:1 ပူးပေါင်းရင်းမြစ်များ

رؤيا 10:3

و كورَك بِصوت عالي زي صوت الأسَد. و لَمّا هو كورَك، السَّبعَه رُعود إتكَلَّمو بِأصواتُم.

رؤيا 11:14

المُصيبَه التّانيَه فاتَت، و شوف! التّالتَه تَجي قَوام.

رؤيا 14:10

هو كَمان بِشرَب مِن خَمر غَضَب الله، الإتكَبّى بِدون لَخبَطَه في فِنجان غَضَبو. و بِتعَذَّب بِالنّار و الكِبريت قِدّام المَلائكَه القِدِّسين و قِدّام الحَمَل.

رؤيا 14:19

و المَلاك رَمى مَنجَلو عَلى الأرض، و جَمَع عِنَبا، و رَماها في العَصارَه الكَبيرَه بِتاعَت غَضَب الله.

رؤيا 16:1

و سِمِعتَ صوت عالي مِن الهيكَل يَقول لِلسَّبعَه مَلائكَه: ”أمشو و كُبّو السَّبعَه حِلَل بِتاعَت غَضَب الله عَلى الأرض.“

رؤيا 17:1

و واحِد مِن السَّبعَه مَلائكَه العِندَهُم السَّبعَه حِلَل جا و كَلَّمني و قال: ”تَعال و بَوَرّيك دينونَة الزّانيَه الكَبيرَه البِتَقعُد عَلى مويَه كَتيرَه.

رؤيا 19:15

و سيف سَنين يَمرُق مِن خَشمو عَشان يَضرُب بيهو الأُمَم. و هو بِيَحكُم عَليهُم بِعَصايَه مِن حَديد. و هو بِدوس عَصارَة العِنَب بِتاعَت شِدَّة خَمر غَضَب الله القادِر عَلى كُلّو شي.

رؤيا 21:9

و جا واحِد مِن السَّبعَه مَلائكَه الكانو عِندَهُم السَّبعَه حِلَل مَليانَه مِن السَّبعَه ضَرَبات الأخيرَه، و قال لَي: ”تَعال، بَوَرّيك العَروسَه، مَرَة الحَمَل.“

رؤيا 8:13

و بَعدين شُفتَ، و سِمِعتَ نَسر يَطير في وَسِط السَّما. و هو قال بِصوت عالي: ”مُصيبَه! مُصيبَه! مُصيبَه لِلسّاكِنين عَلى الأرض، بِسَبَب الأصوات التّانيَه مِن أبواق التّلاتَه مَلائكَه الهُم قَرَّبو يَضرُبوها.“

رؤيا 8:2

و شُفتَ السَّبعَه مَلائكَه البِقيفو قِدّام الله، و أدّو ليهُم سَبعَه أبواق.

رؤيا 8:6

بَعدين السَّبعَه مَلائكَه العِندَهُم السَّبعَه أبواق جَهَّزو عَشان يَضرُبو بيها.

رؤيا 9:20

و باقي النّاس الما كانو مَكتولين بِالضَّرَبات دي لِسَّع ما تابو مِن أعمال إيدينُم. و هُم إستَمَرّو يَعبُدو الشّياطين و الأصنام الدَّهَبي و الفِضَّه و النَّحاس الأصفَر و الحَجَر و الخَشَب. و الأصنام ديل ما بِقدَرو يَشوفو ولّا يَسمَعو ولّا يَمشو.