رؤيا 11:13 - كِتاب العَهد الجَّديد مِن الكِتاب المُقَدَّس

¹³ و في السّاعَه ديك كانَت في زَلزَلَه كَبيرَه، و عُشر المَدينَه وَقَع. و سَبعَة آلاف مِن النّاس كانو مَكتولين بِالزَّلزَلَه. و باقي النّاس خافو شَديد خالِص و مَجَّدو إلَه السَّما.

رؤيا 11:13 ပူးပေါင်းရင်းမြစ်များ

يُوحَنَّا 9:24

و مَرَّه تانيَه نادو الرّاجِل الكان عَميان، و قالو ليهو: ”أَدِّي المَجد لِلَّه. نِحنا بِنَعرِف الرّاجِل دا خاطي.“

أعمال الرُّسُل 1:15

و في الأيام ديلاك قام بُطْرُس في وَسِط الأخوان. و العَدَد بِتاعُم كُلُّهُم كان مِيَّه و عِشرين زول تَقريباً.

رؤيا 11:11

و بَعَد تَلاتَة أيام و نُص، روح حَياة مِن الله دَخَل فيهُم. و هُم وَقَفو عَلى كِرعينُم. و النّاس الشَّفوهُم خافو خوف شَديد.

رؤيا 11:19

و هيكَل الله الفي السَّما إنفَتَح، و تابوت الإتِّفاق ظَهَر في هيكَل الله. و حَصَل بُروق و أصوات و رُعود و زَلزَلَه و بَرَد تَقيل.

رؤيا 14:7

و يَقول بِصوت عالي: ”خافو الله و مَجِّدوهو، عَلَشان ساعَة حُكمو جات. أعبُدو خالِق السَّما و الأرض و البَحَر و عُيون المويَه.“

رؤيا 15:4

مِنو الما بِخاف إسمَك، يا رَب، و ما بِمَجِّدو؟ عَلَشان إنتَ بَس قُدّوس. و كُل الأُمَم بِجو و يَعبُدو قِدَّامَك، عَشان أحكامَك العادِلَه ظَهَرو.“

رؤيا 19:7

خَلّونا نَفرَح و نَكون مَبسوطين خَلاص و نَمَجِّدو! عَشان عِرِس الحَمَل جا، و عَروستو جَهَّزَت نَفسا.

رؤيا 3:4

لَكِن عِندَك في ساردِس ناس قَليلين و هُم ما نَجَّسو هِدُومُم. و هُم بِيَمشو مَعاي في هِدوم أبيَض، عَشان هُم مُستَحِقّين.

رؤيا 6:12

و شُفتَ لَمّا فَتَح الخِتِم السّادِس. و كانَت في زَلزَلَه كَبيرَه. الشَّمِش بِقَت سودَه زي شَوال أسوَد، و القَمَر كُلّو بِقى زي الدَّم.

رؤيا 8:5

و المَلاك أخَد الحَلَّه و مَلأ مِن نار المَضبَح و رَماها عَلى الأرض. و كانو في رُعود و أصوات و بُروق و زَلزَلَه.