مَرْقُس 9:9 - كِتاب العَهد الجَّديد مِن الكِتاب المُقَدَّس

⁹ و وَكِت ما كانو نازِلين مِن الجَّبَل، أمَرُم ما يَخَبِّرو أي واحِد بِالهُم شافوهو، لِغايَة ما إبن الإنسان قام مِن بين المَيِّتين.

مَرْقُس 9:9 ပူးပေါင်းရင်းမြစ်များ

مَتَّى 12:19

هو ما بِشاكِل و لا بِكورِك، و لا واحِد بِسمَع صوتو في السِّكَك.

مَتَّى 12:40

عَشان زي ما كان يونان في بَطن السَّمَك الكَبيرَه تَلاتَة أيام و تلاتَه لِيال، كِدا يَكون إبن الإنسان في جُوَّه الأرض تَلاتَة أيام و تلاتَه لِيال.

مَتَّى 16:21

مِن الوَكِت دا، يَسُوع المَسيح بَدا يَوَرّي تَلاميذو هو لازِم يَمشي لِأُورُشَلِيم و بِتعَب كَتير مِن الشُّيوخ و القُسُس الكُبار و مُعَلِّمين القانون، و بِيَكتُلوهو، و في اليوم التّالِت بِقوم.

مَتَّى 27:63

و قالو: ”يا سَيِّد، نِتزاكَّر الغَشّاش دا وَكِت ما هو لِسَّع حَي قال: بَعَد تَلاتَة أيام، بَقوم.

مَتَّى 8:4

و يَسُوع قال ليهو: ”شوف ما تَقول حاجَه لِأي واحِد. و لَكِن أمشي، وَرّي نَفسَك لِلقَسّيس، و قَدِّم الهَدِيَّه الأمَر بيها مُوسَى زي شَهادَه ليهُم.“

مَرْقُس 5:43

و هو أمَرُم شَديد ما يَخَلّو واحِد يَعرِف بِدا. و كَلَّمُم يَدُّوها عَشان تَاكُل.

مَرْقُس 7:36

و أمَرُم ما يَكَلِّمو واحِد. لَكِن بِقَدُر ما أمَرُم، هُم كانو يَخَبِّرو النّاس زِيادَه بِكَتير.

مَرْقُس 9:10

عَشان كِدا، حَفَظو الكَلام لِنُفوسُم، و كانو يَسألو بَعضَهُم لِبَعض مَعنى القيامَه مِن بين المَيِّتين.

مَرْقُس 9:8

و عَلى غَفلَه لَمّا عايَنو حَواليهُم، هُم ما شافو أي واحِد مَعاهُم بَعَد دا إلّا يَسُوع بَس.

لُوقَا 24:46

و هو قال ليهُم: ”مَكتوب كِدا إنّو المَسيح لازِم يِتوَجَّع و يَقوم مِن بين المَيِّتين في اليوم التّالِت.

لُوقَا 9:36

و بَعَد الصّوت دا، يَسُوع إتلَقى بَراهو. و سَكَتو و ما كَلَّمو أي زول في الأيام ديك بِأي شي الهُم شافوهو.