مَتَّى 28:19 - كِتاب العَهد الجَّديد مِن الكِتاب المُقَدَّس

¹⁹ عَشان كِدا، أمشو و أعمِلو تَلاميذ مِن كُلّو ناس الدُّنيا. و عَمِّدوهُم بِإسم الأبو، و الإبن، و الرّوح القُدُس.

مَتَّى 28:19 ပူးပေါင်းရင်းမြစ်များ

مَتَّى 13:52

و قال ليهُم: ”عَلى كِدا، كُلّو مُعَلِّم القانون البِقي تِلميذ في مَلَكوت السَّما، هو زي زول، سيد بيت، بِطَلِّع مِن المَخزَن بِتاعو حاجات غاليَه، جَديدَه و قَديمَه كَمان.“

مَتَّى 25:32

و كُلّو ناس الدُّنيا بِتلِمّو قِدّامو. و هو بِفَرِّقُم واحِد مِن التّاني، زي ما الرّاعي يَفَرِّق الخِرفان مِن الغَنَم.

أعمال الرُّسُل 1:2

لِغايَة اليوم الأخَدوهو لِلسَّما. و قُبّال ما أخَدوهو لِلسَّما، هو أمَر بِالرّوح القُدُس الرُّسُل الهو إختارُم.

أعمال الرُّسُل 1:8

لَكِن إنتو بِتَقبَلو قُوَّه لَمّا الرّوح القُدُس بِجي عَليكُم. و بِتكونو شاهِدين لَي في أُورُشَلِيم و في كُل اليَهُودِيَّه و السَّامِرَه لِغايَة آخِر الدُّنيا.“

أعمال الرُّسُل 14:21

و بَعَد ما بِشَّرو في المَدينَه ديك، ناس كُتار بِقو تَلاميذ. و بَعدين رَجَعو لِلِسترَه و إِيْقُونِيَه و أَنْطَاكِيَه،

أعمال الرُّسُل 2:41

و القِبلو كَلامو إتعَمَّدو، و إتلَمّو عَليهُم في اليوم داك تَلاتَة آلاف نَفَر تَقريباً.

أعمال الرُّسُل 28:28

فِشان كِدا، أنا دَايِركُم تَعرِفو خَلاص الله دا كان مُرسَل لِلأُمَم، و هُم بِيَسمَعو.“

أعمال الرُّسُل 9:18

و في الوَكِت دا، وَقَع مِن عُيونو حاجَه زي قِشِر، و قِدِر يَشوف مَرَّه تانيَه. و قام و إتعَمَّد.

رُومِيَه 10:18

لَكِن أقول: يِمكِن ما سِمِعو؟ طَبَعاً سِمِعو! ”صوتُم مَرَق في كُل الأرض، و كلماتُم لِآخِر الدُّنيا.“

١ كُورِنْثُوس 15:29

كان ما كِدا، البِتعَمَّدو فِشان المَيِّتين بِعمِلو شِنو؟ إذا المَيِّتين ما بِقومو كُلّو كُلّو، لِشِنو يِتعَمَّدو فِشان المَيِّتين؟

٢ كُورِنْثُوس 13:14

نِعمَة رَبَّنا يَسُوع المَسيح و مَحَبَّة الله و شَرِكَة الرّوح القُدُس يَكون مَعَ كُلُّكُم.

غَلَاطِيَّه 3:27

عَشان كُلُّكُم الإتعَمَّدتو لِلمَسيح، لِبِستو المَسيح.

أفَسُس 2:18

و بيهو، نِحنا الأتنين عِندَنا قُبول لِلأبو بِروح واحِد.

كُولُوسِّي 1:23

و هو بيَعمِل ليكُم دا إذا تِستَمِرّو في الإيمان، ثابِتين و قَوّيين و ما تَحَرِّكو مِن رَجاء الإنجيل. و إنتو سِمِعتو الإنجيل دا، الكان مُبَشَّر بيهو لِكُلّو خَليقَه تِحِت السَّما، و أنا، بُولُس، بِقيت خَدّام ليهو.

١ بُطْرُس 3:21

و المويَه دي تَشَبِّه المَعموديَّه، مُش غَسيل الوَساخَه مِن الجِّسِم، لَكِن طَلَب ضَمير طَيب لِلَّه. و دي تَخَلِّصكُم هَسَّع بِقيامَة يَسُوع المَسيح.

١ يُوحَنَّا 5:7

و الرّوح، هو البِشهَد، عَشان الرّوح هو الحَق.