مَتَّى 17:20 - كِتاب العَهد الجَّديد مِن الكِتاب المُقَدَّس

²⁰ و قال ليهُم: ”عَلَشان إيمانكُم قَليل. عَشان بِالحَق أقول ليكُم، إذا كان ليكُم إيمان زي تيراب خَردَل، بِتقولو لِلجَّبَل دا: إتحَرَّك مِن هِنا لِلمَحَل هِناك، و هو يِتحَرَّك. و ما في حاجَه بِتكون ما مُمكِن ليكُم.

مَتَّى 17:20 ပူးပေါင်းရင်းမြစ်များ

مَتَّى 13:31

و عَلَّمُم مَثَل تاني و قال: ”مَلَكوت السَّما زي تيراب الخَردَل، و زول اَخَدو و زَرَعو في زِراعتو.

مَتَّى 14:29

و يَسُوع قال: ”تَعال.“ و بُطْرُس نَزَل مِن المُركَب و مَشى عَلى المويَه، و جا لِيَسُوع.

مَتَّى 17:17

و يَسُوع رَدَّ و قال: ”يا أولاد الزَّمَن دا، البِدون إيمان و رُسيكُم قَوّيَّه، لِمِتين بَكون مَعاكُم؟ لِمِتين أنا بَتحَمَّلكُم؟ جيبو لَي هِنا.“

مَتَّى 17:19

بَعدين التَّلاميذ جو لِيَسُوع بَراهُم، و قالو: ”لِشِنو نِحنا ما قِدِرنا نَطَلِّعو؟“

مَتَّى 17:9

و وَكِت ما هُم نازِلين مِن الجَّبَل، يَسُوع أمَرُم و قال: ”ما تَكَلِّمو أي واحِد عَن الرّؤيَه، لِغايَة ما إبن الإنسان يَقوم مِن بين المَيِّتين.“

مَتَّى 21:21

يَسُوع رَدَّ و قال ليهُم: ”أقول ليكُم الحَق، إذا عِندَكُم إيمان، و ما تَشِكّو في قُلوبكُم، إنتو ما بِتَعمِلو بَس الأنا عَمَلتو لِلشَّجَرَه، لَكِن إذا بِتقولو لِلجَّبَل دا: أمشي، أرمي نَفسَك في البَحَر، بِكون كِدا.

مَتَّى 8:26

و هو قال ليهُم: ”يا ناس الإيمانكُم ناقِص، إنتو خايفين لِشِنو؟“ بَعدين قام و أمَر الهَبوب و البَحَر بِشِدَّه، و هُم سَكَتو بِالتَّمام.

مَرْقُس 11:22

و يَسُوع رَدَّ عَليهُم و قال: ”خَلّي يَكون ليكُم إيمان بِالله.

مَرْقُس 11:23

أقول ليكُم الحَق، أي زول اليَقول لِلجَّبَل دا: أمرُق، و أرمي نَفسَك في البَحَر، و هو ما بِشِك في قَلبو، لَكِن يَصَدِّق الهو يَقولو يَحصُل، دا بِكون عِندو.

مَرْقُس 4:31

هو زي حَبَّة خَردَل. لَمّا تَكون مَزروعَه في الأرض، هي أصغَر كُل التّيراب العَلى الأرض.

مَرْقُس 9:23

و يَسُوع قال ليهو: ”تَقول: إذا تَقدَر! كُلّو شي مُمكِن لِلزّول البِصَدِّق.“

لُوقَا 1:37

عَشان ما في شي ما مُمكِن عِند الله.“

لُوقَا 17:6

و الرَّب قال: ”إذا عِندَكُم إيمان زي تيراب خَردَل، كُنتو بِتقولو لِلشَّجَرَه دي: أمرُقي مِن الأرض، و كوني مَزروعَه في البَحَر. و بِكون كِدا.

لُوقَا 18:27

لَكِن هو قال: ”الما مُمكِن لِلنّاس، مُمكِن لِلَّه.“

يُوحَنَّا 11:40

يَسُوع قال ليها: ”أنا ما قُلتَ ليكي، كان آمَنتي، تَشوفي مَجد الله؟“

١ كُورِنْثُوس 12:9

و لِتاني، إيمان بِنَفس الرّوح، و لِتاني، هَدايا الشِّفا بِالرّوح الواحِد.

١ كُورِنْثُوس 13:2

و إذا كان عِندي هَديَّة النُّبوَّه، و بَعرِف كُل الأسرار، و كُلّو مَعرِفَه، و إذا كان عِندي كُل الإيمان لِغايَة ما أحَرِّك الجِبال، و لَكِن ما عِندي مَحَبَّه، أنا ما حاجَه.

عِبرانيين 3:19

و كِدا نَشوف هُم ما قِدِرو يدخُلو عَشان ما كانو عِندَهُم إيمان.