مَتَّى 15:31 - كِتاب العَهد الجَّديد مِن الكِتاب المُقَدَّس

³¹ حَتّى النّاس إستَغرَبو لَمّا شافو النّاس الما بِتكَلَّمو، و النّاس الكانو بِيَمشو بِعَصايَه بِقو طَيبين، و العُرُج بِمشو، و العَميانين بِشوفو. و هُم مَجَّدو الله بِتاع إِسْرَائِيل.

مَتَّى 15:31 ပူးပေါင်းရင်းမြစ်များ

مَتَّى 15:30

و ناس كُتار قَرَّبو ليهو، و جابو مَعاهُم العُرُج، و النّاس اليَمشو بِعَصايَه، و العَميانين، و الما بِقدَرو يِتكَلَّمو، و تانيين كُتار. و سَلَّموهُم ليهو. و هو شَفاهُم،

مَتَّى 18:8

و إذا كان إيدَك ولّا كُراعَك هي سَبَب خَطيَّتَك، أقطَعا و أرميها مِنَّك. أحسَن ليك تَدخُل الحَياة بِكُراع واحدَه ولّا إيد واحدَه مِن ما يَرموك في النّار الأبَديَّه و عِندَك إيدين ولّا كِرعين.

مَتَّى 21:14

و العَميانين و النّاس العُرُج قَرَّبو ليهو في مَحَل الهيكَل، و هو شَفاهُم.

مَتَّى 8:10

و لَمّا يَسُوع سِمِعو، إستَغرَب، و قال لِلنّاس الكانو يَتبَعوهو: ”الحَق أقول ليكُم، أنا ما لِقيت و لا واحِد في إِسْرَائِيل عِندو إيمان زي دا.

مَتَّى 9:32

و وَكِت ما كانو ماشين، شوف! زول ما بِقدَر يتكَلَّم و كان فيهو شيطان، جابوهو لِيَسُوع.

مَتَّى 9:33

و بَعَد ما طَلَّع الشّيطان، الأبكَم إتكَلَّم. و النّاس إستَغرَبو و قالو: ”حاجَه زي دي ما شافوها أبَداً في إِسْرَائِيل.“

مَتَّى 9:8

و لَمّا النّاس شافو دا، إستَغرَبو و مَجَّدو الله الأدّا لِلنّاس سُلطَه زي دي.

مَرْقُس 2:12

و هو قام و طَوّالي شال بِرِشو و مَرَق قِدّام كُلُّهُم. و كُل النّاس إستَغرَبو جِدّاً، و مَجَّدو الله، و قالو: ”ما شُفنا حاجَه زي دي أبَداً!“

مَرْقُس 7:37

و النّاس كانو بِستَغرَبو جِدّاً جِدّاً، و قالو: ”هو عَمَل كُلّو شي تَمام. هو يَعمِل الطُّرُش يَسمَعو و البُكُم يِتكَلَّمو!“

مَرْقُس 9:43

و إذا إيدَك سَبَب خَطيَّتَك، أقطَعا.

لُوقَا 14:13

لَكِن لَمّا تَعمِل عَزومَه، أعزِم المَساكين، و النّاس المَكَسَّرين، و العُرُج، و العَميانين.

لُوقَا 14:21

و الخَدّام جا و خَبَّر سيدو بِالحَصَل. بَعدين سيد البيت زِعِل و قال لِخَدّامو: أمرُق بِسُرعَه في سِكَك المَدينَه، و جيب المَساكين و المَكَسَّرين و العَميانين و العُرُج.

لُوقَا 18:43

و طَوّالي عُيونو إنفَتَحو، و هو تِبعو، و كان يَحمِد الله. و كُل النّاس لَمّا شافو كِدا، حَمَدو الله.

لُوقَا 7:16

و الخوف مَسَك كُلَّهُم، و هُم مَجَّدو الله و قالو: ”نَبي عَظيم قام في وَسِطنا!“ و ”الله جا عَشان يَساعِد شَعبو.“

يُوحَنَّا 9:24

و مَرَّه تانيَه نادو الرّاجِل الكان عَميان، و قالو ليهو: ”أَدِّي المَجد لِلَّه. نِحنا بِنَعرِف الرّاجِل دا خاطي.“