لُوقَا 3:7 - كِتاب العَهد الجَّديد مِن الكِتاب المُقَدَّس

⁷ و عَلَشان كِدا قال لِكُل النّاس المَرَقو عَشان يِتعَمَّدو مِنّو: ”يا أولاد الدَّبايب، مِنو كَلَّمكُم تَهرَبو مِن الغَضَب الجّاي؟

لُوقَا 3:7 ပူးပေါင်းရင်းမြစ်များ

مَتَّى 12:34

يا أولاد الدَّبايب، كيف تَقدَرو تِتكَلَّمو كِلمات كوَيسَه و إنتو ناس بَطّالين؟ عَشان الخَشم بِتكَلَّم بِحاجات البيها القَلب يَكون مَليان.

مَتَّى 23:33

يا دَبايب، يا أولاد الحَيّات، كيف بِتَهرَبو مِن حُكم جَهَنَّم؟

مَتَّى 3:6

و إتعَمَّدو مِنّو في الأُرْدُنّ. و كانو يَخَبِّرو بِخَطاياهم.

يُوحَنَّا 8:44

إنتو مِن أبوكُم هو إبْلِيس، و إنتو بِتَعمِلو زي ما أبوكُم عاوِز. هو كان كَتّال النّاس مِن الأوَّل، و ما ثَبَت في الحَق، عَشان ما فيهو حَق. و لَمّا يتكَلَّم بِالكِضِب، هو بِتكَلَّم مِن عِندو، عَشان هو كَضّاب، و أبو الكِضِب.

أعمال الرُّسُل 13:10

”يا مَليان كُلّو غِش و كُلّو كِضِب! يا وَلَد إبْلِيس، يا عَدو كُلّو بِر! ما تَوَقِّف أبَداً تَغَيِّر طُرُق الله العَديلَه؟

١ تَسَالُونِيكِي 1:10

و يَخَبِّرو كيف إنتو تِستَنّو إبنو مِن السَّما، هو القَوَّمو الله مِن الموت، يَسُوع اليَخَلِّصنا مِن الغَضَب الجّاي.

عِبرانيين 6:18

و الله عَمَل دا عَلَشان في حاجَتين الما بِتغَيَّرو، و ما مُمكِن هو يَكَضِّب فيهُم. عَلَشان كِدا، نِحنا الهَربنا ليهو عَشان نَمسِك بِالرَّجاء المَختوت قِدّامنا، عِندَنا شَجاعَه شَديدَه.

١ يُوحَنَّا 3:8

البيَعمِل الخَطيَّه، هو مِن إبْلِيس، عَشان إبْلِيس مِن البِدايَه كان يَخطى. إبن الله ظَهَر لِلسَّبَب دا، عَشان يَخرَب أعمال إبْلِيس.