لُوقَا 11:36 - كِتاب العَهد الجَّديد مِن الكِتاب المُقَدَّس

³⁶ و إذا كان جِسمَك كُلّو مَنَوَّر و ما فيهو ضُلُمَّه، جِسمَك يَبقى مَنَوَّر كُلّو، زي ما الفانوس بِوَلِّع ليك.“

لُوقَا 11:36 ပူးပေါင်းရင်းမြစ်များ

مَتَّى 13:52

و قال ليهُم: ”عَلى كِدا، كُلّو مُعَلِّم القانون البِقي تِلميذ في مَلَكوت السَّما، هو زي زول، سيد بيت، بِطَلِّع مِن المَخزَن بِتاعو حاجات غاليَه، جَديدَه و قَديمَه كَمان.“

مَتَّى 5:15

ولّا يَوَلِّعو لَمبَه و يَخُتّا تِحِت القُفَّه، لَكِن بِخُتّوها فوق طَرَبيزَة اللَّمبَه، و هي تَنَوِّر لِكُلّو واحِد في البيت.

لُوقَا 11:35

عَلى كِدا، خَلّي بالَك عَشان النّور الفيك ما يَكون ضُلُمَّه.

لُوقَا 11:37

و وَكِت ما كان يتكَلَّم، فرِّيسي عَزَمو لِلغَدا مَعاهو. و دَخَل و أكَل.

٢ كُورِنْثُوس 4:6

عَشان الله قال: ”خَلّي نور يَنَوِّر مِن الضُّلُمَّه.“ و هو نَوَّر في قُلوبنا نور مَعرِفَة مَجد الله في وَش يَسُوع المَسيح.

أفَسُس 4:14

عَشان ما نَكون بَعَد دا أطفال. عَشان كُلّو هَبوب بِتَرمي الاطفال و بِتشيلُم هِنا و هِناك. و الهَبوب يَعني التَّعليم بِتاع النّاس الشّاطرين البِغِشّو بِمَكَرُم الغَلطان.

كُولُوسِّي 3:16

خَلّو كِلمَة المَسيح تَعيش فيكُم بِكَترَه، و إنتو تَعَلِّمو و تَهَظِّرو بَعضَكُم بَعض بِكُلّو حِكمَه. و تَرَتِّلو بِمَزامير و تَرتيلات و حَمد روحي، و تَشكُرو الله في قُلوبكُم.

عِبرانيين 5:14

لَكِن الأكِل القَوّي هو ليهُم البِقو كامِلين و دايماً إستَعمَلو عَقلُم عَشان يَحكُمو بين الكَويس و البَطّال.

يَعْقُوب 1:25

لَكِن البِشوف في القانون الكامِل، قانون الحُرّيَّه، و بيَعمِلو و يِستَمِر فيهو، هو بِكون مُبارَك في عَمَلو، مُش هو البِسمَع و بَعدين بِنسى.

٢ بُطْرُس 3:18

و لَكِن أكبَرو في النِّعمَه و في مَعرِفَة رَبَّنا و مُخَلِّصنا يَسُوع المَسيح. ليهو المَجد هَسَّع و لِلأبَد! آمين.