يَهُوذَا 1:7 - كِتاب العَهد الجَّديد مِن الكِتاب المُقَدَّس

⁷ و كِدا كَمان سَدوم و عَمورَه و البِلاد الحَواليهُم سَلَّمو نُفوسُم لِلزِّنا و مَشو وَرا شَهوَه ما زي طَبيعَة النّاس. و هُم بِقو مَثَل البِتحَمَّلو جِزا نار أبَديَّه.

يَهُوذَا 1:7 ပူးပေါင်းရင်းမြစ်များ

مَتَّى 10:15

بِالحَق أقول ليكُم، في يوم الحُكم، حالَة سَدوم و عَمورَه بِتكون أحسَن مِن حالَة المَدينَه ديك.

مَتَّى 11:24

و لَكِن أقول ليكُم، في يوم الحُكم حالَة أرض سَدوم بِتكون أحسَن مِن الحالَه البِتكون ليكي.“

مَتَّى 25:41

بَعدين هو بِقول لِلنّاس في شِمالو: أمشو مِنّي، يا مَلعونين، لِلنّار الأبَديَّه المَجَهَّزَه لِإبْلِيس و مَلائكَتو.

لُوقَا 17:29

لَكِن في اليوم لَمّا لوط طَلَع مِن سَدوم، نار و كِبريت نَزَلو مِن السَّما، و كُلُّهُم ماتو.

١ كُورِنْثُوس 6:9

ما بِتَعرِفو الظّالمين ما بِيورَثو مَلَكوت الله؟ ما تَغِشّو نُفوسكُم. لا أخلاقُم بَطّالَه، ولّا اليَعبُدو أصنام، ولّا البيَعمِلو زِنا، ولّا المَخَنَّس ولّا اللّوطي،

٢ تَسَالُونِيكِي 1:7

و ليكُم البِتَتعَبو، هو بِدّيكُم راحَه مَعانا في ظُهور الرَّب يَسُوع مِن السَّما في نار مَوَلَّعَه مَعَ مَلائكَتو القَوّيَّه.

٢ تَسَالُونِيكِي 1:8

هو يَدّي جِزا لِلنّاس الما بِيَعرِفو الله، و ما بِطيعُو إنجيل رَبَّنا يَسُوع.

٢ بُطْرُس 2:2

و كَتيرين ماشين يَتبَعو طُرُقُم البِخَرِّبو. و بِالسَّبَب دا النّاس يَجَدِّفو عَلى طَريق الحَق.

٢ بُطْرُس 2:6

و الله حَكَم بِالخَراب عَلى المَدينَتين، سَدوم و عَمورَه. و حَرَقُم حَتّى بِقو رَماد، و عَمَلُم مَثَل لِلنّاس البِعيشو حَياة بِدون ما يَخافو الله.

٢ بُطْرُس 3:7

و لَكِن السَّماوات و الأرض المَوجودَه هَسَّع، بِالكِلمَه ديك زاتا، مَخزونَه لِلنّار. و بِتكون مَحفوظَه لِيوم الحُكم و خَراب النّاس الما بِخافو الله.