يَهُوذَا 1:25 - كِتاب العَهد الجَّديد مِن الكِتاب المُقَدَّس

²⁵ لِلَّه الوَحيد، مُخَلِّصنا، بِيَسُوع المَسيح رَبَّنا، المَجد و العَظَمَه و القُدرَه و السُّلطَه قُبّال كُلّو زَمَن و هَسَّع و لِلأبَد. آمين.

يَهُوذَا 1:25 ပူးပေါင်းရင်းမြစ်များ

مَتَّى 6:13

و ما تَدَخِّلنا في تَجرِبَه، و لَكِن خَلِّصنا مِن الشَّرّير.

لُوقَا 1:47

و روحي مَبسوطَه بِالله مُخَلِّصي.

يُوحَنَّا 4:22

إنتو بِتَعبُدو الما بِتَعرِفوهو. نِحنا نَعبُد البِنَعرِفو، عَشان الخَلاص مِن اليَهود.

يُوحَنَّا 5:44

كيف تَقدَرو تَآمِنو و إنتو تَقبَلو مَجد، واحِد مِن التّاني، و لَكِن ما بِتفَتِّشو عَلى المَجد المِن الله الوَحيد.

رُومِيَه 11:33

يا عَظَمَة غِنى الله! كيف غَريق حِكمَتو و مَعرِفتو! مِنو يَقدَر يَفَسِّر أحكامو؟ مِنو يَقدَر يَفهَم طُرُقو؟

رُومِيَه 11:36

عَشان كُل الحاجات، مِنّو، و بيهو، و ليهو. ليهو المَجد لِلأبَد! آمين.

رُومِيَه 16:27

لِلَّه الفَهيم وَحدو، ليهو المَجد بِيَسُوع المَسيح لِلأبَد. آمين.

أفَسُس 1:8

و هو كَتَّر لينا نِعمَتو بِكُلّو حِكمَه و فَهم.

أفَسُس 3:10

عَلَشان حِكمَة الله المُختَلِفَه جِدّاً هَسَّع تَكون مَعروفَه لِلرّؤساء و السَّلاطين في المَحَلّات الفي السَّما. و الله بيَعمِل دا بِالكَنيسَه.

أفَسُس 3:21

ليهو المَجد في الكَنيسَه و في يَسُوع المَسيح لِلأبَد و لِلزَّمَن بِدون نِهايَه! آمين.

١ تِيمُوثَاوُس 1:17

و لِلمَلِك الأبَدي، الما بِموت، الما نَقدَر نَشوفو، الإلَه الوَحيد، ليهو الإحتِرام و المَجد لِلأبَد. آمين.

١ تِيمُوثَاوُس 2:3

عَشان دا كوَيس و مَقبول قِدّام الله مُخَلِّصنا.

تِيطُس 2:10

و ما يَسرِقو مِنَّهُم لَكِن يَوَرّو إنَّهُم يَقدَرو يتَّكَلو عَليهُم بِالتَّمام. و كِدا في كُلّو شي، تَعليم الله مُخَلِّصنا بِكون مَحبوب ليهُم.

تِيطُس 2:13

و نِحنا نَنتَظِر الرَّجاء المُبارَك و ظُهور مَجد إلَهنا العَظيم و مُخَلِّصنا يَسُوع المَسيح.

تِيطُس 3:4

و لَكِن لَمّا لُطف الله مُخَلِّصنا و مَحَبَّتو ظَهَرو لِلنّاس،

عِبرانيين 13:8

يَسُوع المَسيح هو هو أُمبارِح، و النَّهار دا، و لِلأبَد.

١ بُطْرُس 4:11

و إذا كان أي واحِد يتكَلَّم، خَليهو يَعمِلو زي اليتكَلَّم بِكِلمات الله. إذا كان أي واحِد يَخدِم، خَليهو يَخدِم بِالقُوَّه الأدّاها ليهو الله، عَشان يَمَجِّدو الله في كُلّو حاجَه بِيَسُوع المَسيح. ليهو المَجد و السُّلطان لِلأبَد. آمين.

٢ بُطْرُس 1:1

مِن سِمْعَان بُطْرُس خَدّام يَسُوع المَسيح و رَسولو، ليهُم القِبلو إيمان غالي زي إيمانَنا بِبِر إلَهنا و مُخَلِّصنا يَسُوع المَسيح.

٢ بُطْرُس 3:18

و لَكِن أكبَرو في النِّعمَه و في مَعرِفَة رَبَّنا و مُخَلِّصنا يَسُوع المَسيح. ليهو المَجد هَسَّع و لِلأبَد! آمين.

رؤيا 1:6

وَ عَمَلنا مَلَكوت و قُسُس لِلَّه أبوهو، ليهو المَجد و السُّلطَه لِلأبَد! آمين.