يَهُوذَا 1:20 - كِتاب العَهد الجَّديد مِن الكِتاب المُقَدَّس

²⁰ لَكِن إنتو، يا مَحبوبين، أبنو نُفوسكُم في إيمانكُم القُدّوس، و صَلّو في الرّوح القُدُس.

يَهُوذَا 1:20 ပူးပေါင်းရင်းမြစ်များ

أعمال الرُّسُل 15:9

و هو ما عَمَل فارِق بينَنا و بِينُم، عَشان نَضَّف قُلوبُم بِالإيمان.

أعمال الرُّسُل 26:18

عَشان تَفتَح عُيونُم، عَشان يَرجَعو مِن الضُّلُمَّه لِلنّور، و مِن سُلطَة الشّيطان لِلَّه. و بِدا يَقبَلو بِإيمان بي غُفران الخَطايا و مَحَل مَعَ القِدِّسين.

أعمال الرُّسُل 6:7

و كِلمَة الله كانَت تَكبَر، و نِمرَت التَّلاميذ بِقَت كَتيرَه جِدّاً في أُورُشَلِيم. و نِمرَه كَتيرَه مِن القُسُس كانو بِطيعُو الإيمان.

أعمال الرُّسُل 9:31

و كِدا، ناس الكَنيسَه في كُل اليَهُودِيَّه و الجَّليل و السَّامِرَه كان عِندَهُم سَلام و بِقو شُداد. و كانو يَخافو الرَّب، و عِندَهُم تَعزيَه في الرّوح القُدُس، و كانو يَزيدو في العَدَد.

رُومِيَه 15:2

خَلّي كُلّو واحِد مِنَّنا يَبسِط قَرِيبو لِخيرو عَشان يَشَدِّدو.

رُومِيَه 8:15

عَشانكُم ما قِبِلتو روح البِيَعمِلكُم خَدّامين لِلخوف، لَكِن قِبِلتو الرّوح البِيَعمِلكُم أولاد. و بيهو نَكورِك: ”أبّا، يَعني يا أبو.“

١ كُورِنْثُوس 1:8

هو بِشَدِّدكُم لِلآخِر بِدون لوم في يوم رَبَّنا يَسُوع المَسيح.

١ كُورِنْثُوس 10:23

”عِندَنا إذِن لِكُلّو شي،“ لَكِن كُلّو شي ما مُساعَدَه. ”عِندَنا إذِن لِكُلّو شي،“ لَكِن كُلّو شي ما يَبني.

١ كُورِنْثُوس 14:15

عَلَشان كِدا بَعمِل شِنو؟ بَصَلّي بِالرّوح و بَصَلّي بِالفِكر كَمان. بَرَتِّل بِالرّوح و بَرَتِّل بِالفِكر كَمان.

١ كُورِنْثُوس 14:26

و كِدا نَقول شِنو، يا أخوان؟ لَمّا تِتلَمّو، كُلّو واحِد مِنَّكُم عِندو مَزمور، ولّا عِندو تَعليم، ولّا عِندو رؤيا، ولّا عِندو لُغَه، ولّا عِندو تَرجَمَه. خَلّي كُلّو حاجَه تَكون لِلمُساعَدَه.

غَلَاطِيَّه 4:6

عَلَشان إنتو أولاد، الله رَسَّل روح إبنو لِقُلوبنا، البِكورِك: ”أبّا، يَعني يا أبوي.“

أفَسُس 4:12

و هو عَمَل دا عَلَشان القِدِّسين يَكونو كاملين في شُغل الخِدمَه، عَشان يَبنو جِسِم المَسيح.

أفَسُس 4:16

و مِنّو كُل الجِّسِم بِكون مَربوط سَوا بِمُساعدَة كُلّو رُباط. و الجِّسِم يَكبَر و يَبني نَفسو في المَحَبَّه لَمّا كُلّو عُضو يَعمِل شُغلو.

أفَسُس 4:29

ما تَخَلّو كَلام بَطّال يَمرُق مِن خُشومكُم، لَكِن كَلام كوَيس البِساعِد، عَشان يَدّي نِعمَه لِلنّاس اليَسمَعو.

أفَسُس 6:18

صَلّو دايماً بِكُلّو صَلاه و طَلَب في الرّوح. و خَلّو بالكُم لِدا و أحرِسو و صَلّو كُلّو وَكِت بِطَلَب عَشان كُل القِدِّسين.

كُولُوسِّي 2:7

و خَلّو عُروقكُم يَكونو فيهو، و أبنو نُفوسكُم فيهو. و كونو ثابِتين في الإيمان، زي ما عَلَّموكُم، و زيدو في الشُّكر.

١ تَسَالُونِيكِي 5:11

عَشان كِدا، عَزّو بَعضَكُم بَعض، و ساعِدو كُلّو واحِد التّاني، زي ما بِتَعمِلو كَمان.

١ تِيمُوثَاوُس 1:4

ولّا يَخَلّو بالُم لِحِكايات ولّا يَفَتِّشو عَلى الأجيال بِدون نِهايَه. الحاجات ديل يَجيبو الأسئلَه بَدَل مِن تَرتيب الله بِالإيمان.

٢ تِيمُوثَاوُس 1:5

و أتزَكَّر إيمانَك المُخلِص، السَّكَن في الأوَّل في حَبوبتَك لُوئِيس و أُمَّك أَفْنِيكِي و أنا مِتأكِّد بِسكُن فيك كَمان.

تِيطُس 1:1

مِن بُولُس، خَدّام الله و رَسول يَسُوع المَسيح، حَسَب إيمان مُختارين الله و مَعرِفَة الحَق البِقود لِخوف الله.

يَعْقُوب 2:22

إنتَ تَشوف أن الإيمان كان بِشتَغِل مَعَ أعمالو، و الإيمان بِقى كامِل بِأعمالو.

٢ بُطْرُس 1:1

مِن سِمْعَان بُطْرُس خَدّام يَسُوع المَسيح و رَسولو، ليهُم القِبلو إيمان غالي زي إيمانَنا بِبِر إلَهنا و مُخَلِّصنا يَسُوع المَسيح.

١ يُوحَنَّا 5:4

عَشان كُلُّ واحِد مَولود مِن الله يَغلِب الدُّنيا. و دي هي الغَلَبَه التَّغلِب الدُّنيا، أيمانّا.

يَهُوذَا 1:3

يا مَحبوبين، كُنتَ بَجَرِّب بِكُلّو نَشاط أن أكتِب ليكُم بِخُصوص خَلاصنا العِندَنا سَوا. لَكِن شُفتَ لازِم أكتِب ليكُم عَشان أطلُب مِنَّكُم تَحارِبو عَشان خاطِر الإيمان المُسَلَّم مَرَّه واحدَه لِلقِدِّسين.

رؤيا 13:10

إذا أي واحِد بِكون لِلقَبَض، لِلقَبَض يَمشي. و إذا أي واحِد بِكتُل بِالسّيف، بِالسّيف يَكتُلوهو. و في دا القِدِّسين بِحتاجو لِلصَّبر و الإيمان.