يُوحَنَّا 20:26 - كِتاب العَهد الجَّديد مِن الكِتاب المُقَدَّس

²⁶ و بَعَد تَمانيَة أيام، التَّلاميذ كانو في البيت تاني مَرَّه، و تُومَا كان مَعاهُم. و الأبواب كانَت مَقفولَه. لَكِن يَسُوع جا و وَقَف في وَسِطُم و قال: ”سَلام ليكُم.“

يُوحَنَّا 20:26 ပူးပေါင်းရင်းမြစ်များ

مَتَّى 17:1

و بَعَد سِتَة أيام، يَسُوع أخَد مَعاهو بُطْرُس و يَعْقُوب و يُوحَنَّا أخوهو. و قادُم لِجَبَل عالي بَراهُم.

مَرْقُس 16:14

بَعدين، ظَهَر لِلحِداشَر زاتُم و هُم قاعِدين ياكلو. و وَبَّخُم عَشان ما كان عِندَهُم إيمان، و فِشان قُلوبُم كانَت قَوّيَّه، عَشان هُم ما صَدَّقوهُم الشّافوهو بَعَد ما قام.

لُوقَا 24:36

و وَكِت ما كانو يِتكَلَّمو بِالحاجات دي، يَسُوع وَقَف في وَسِطُم و قال ليهُم: ”سَلام ليكُم.“

لُوقَا 9:28

و بَعَد الكَلام دا بِتَمانيَة أيام تَقريباً، يَسُوع أخَد بُطْرُس و يُوحَنَّا و يَعْقُوب، و طَلَع عَلى الجَّبَل عَشان يَصَلّي.

يُوحَنَّا 11:16

و تُومَا الإسمو التّيمان قال لِلتَّلاميذ المَعاهو: ”تَعالو نَمشي، نَموت مَعاهو كَمان.“

يُوحَنَّا 14:27

أنا بَخَلّي سَلام مَعاكُم. بَدّيكُم سَلامي. أنا ما بَدّيكُم زي ما الدُّنيا بِتَدّي. ما تَضطَرِبو في قُلوبكُم، و ما تَخافو.

يُوحَنَّا 20:19

و كان المِسا في اليوم الأوَّل في الأُسبوع. و بِسَبَب الخوف مِن اليَهود، الأبواب كانَت مَقفولَه مَكان التَّلاميذ كانو مِتلَمين فيهو. و يَسُوع جا و وَقَف في الوَسِط، و قال ليهُم: ”سَلام ليكُم.“

يُوحَنَّا 20:21

و يَسُوع قال ليهُم مَرَّه تانيَه: ”سَلام ليكُم. زي ما الأبو رَسَّلني، أنا بَرَسِّلكُم.“

يُوحَنَّا 21:1

بَعَد كِدا، يَسُوع بِيَّن نَفسو تاني مَرَّه لِلتَّلاميذ عِند بَحَر تَبَريَّه. و هو بِيَّن نَفسو بِالطَّرِيقَه دي.

يُوحَنَّا 21:14

و دي هَسَّع تالِت مَرَّه يَسُوع ظَهَر فيها لِتَلاميذو، بَعَد ما قام مِن بين المَيِّتين.

أعمال الرُّسُل 1:3

و بَعَد تَعبو، هو وَرّا نَفسو ليهُم و أدّا ليهُم بينات كَتيرَه الوَرّاهُم هو حَي. و هو كان بِبَيِّن نَفسو ليهُم مُدَّة أربَعين يوم، و بِكَلِّمُم عَن حاجات مَلَكوت الله.