يُوحَنَّا 16:7 - كِتاب العَهد الجَّديد مِن الكِتاب المُقَدَّس

⁷ لَكِن أقول ليكُم الحَق، أحسَن ليكُم أنا أمشي. عَشان إذا أنا ما مَشيت، المُساعِد ما بِجيكُم. لَكِن إذا مَشيت، بَرَسِّلو ليكُم.

يُوحَنَّا 16:7 ပူးပေါင်းရင်းမြစ်များ

لُوقَا 24:49

و شوفو، بَرَسِّل ليكُم وَعد أبوي. إستَنّو في أُورُشَلِيم لِغايَة ما تَلبَسو قُوَّه مِن فوق.“

لُوقَا 4:25

و الحَق أقول ليكُم، كانو في أرامِل كُتار في إِسْرَائِيل في أيام إِيلِيَّا لَمّا ما كان في مَطَر مُدَّة تلاتَه سِنين و سِتَّه شُهور. و كان حَصَل جوع شَديد في الأرض كُلَّها.

لُوقَا 9:27

بَكَلِّمكُم بِالحَق، في جَماعَه مِن الواقفين هِنا، ما بِموتو لِغايَة ما بِشوفو مَلَكوت الله.“

يُوحَنَّا 14:26

و لَكِن المُساعِد، الهو الرّوح القُدُس، الأبو بِرَسِّلو بِإسمي، هو بِعَلِّمكُم كُلّو حاجَه، و يَزَكِّركُم بِكُل القُلتو ليكُم.

يُوحَنَّا 14:28

إنتو سِمِعتو إنّي قُلتَ ليكُم: أنا ماشي و بَجي ليكُم تاني. و إذا إنتو بِتحِبّوني، كُنتو تَفرَحو، عَشان أنا ماشي لِلأبو. عَلَشان الأبو أكبَر مِنّي.

يُوحَنَّا 14:3

و لَمّا أمشي و أجَهِّز ليكُم مَكان، بَجي تاني و باخُدكُم لِنَفسي. و المَحَل الأنا بَكون فيهو، إنتو تَكونو فيهو كَمان.

يُوحَنَّا 15:26

و لَمّا المُساعِد يَجي، الأنا بَرَسِّلو ليكُم مِن الأبو، يَعني روح الحَق البِجي مِن الأبو، هو بِشهَد لَي.

يُوحَنَّا 16:8

و لَمّا داك يَجي، بِوَبِّخ الدُّنيا عَلى الخَطيَّه و عَلى البِر و عَلى الدّينونَه.

يُوحَنَّا 7:39

و هو قال دا عَن الرّوح، لِديل الآمَنو بيهو و الماشين يَقبَلوهو. عَشان الرّوح لِسَّع ما جا، عَشان يَسُوع لِسَّع ما كان إتمَجَّد.

أعمال الرُّسُل 10:34

و بُطْرُس فَتَح خَشمو و قال: ”بِالحَق بَشوف أن الله ما يَقبَل الوشوش.

أعمال الرُّسُل 2:33

عَلَشان كِدا، هو كان مَرفوع بِيَمين الله، و أخَد مِن الأبو الرّوح القُدُس الوَعَد بيهو، و كَبَّ دا، الهَسَّع بِتشوفو و بِتسمَعوهو.

رُومِيَه 8:28

نِحنا بِنَعرِف الله يَساعِد في كُلّو حاجَه لِخير النّاس البِحِبّوهو، الهو ناداهُم حَسَب تَرتيبو.

٢ كُورِنْثُوس 4:17

عَشان الضّيق الخَفيف بِتاع الوَكِت دا، يَعمِل لينا مَجد أبَديَّه بِزيد أكتَر و أكتَر في الوَزِن.