يُوحَنَّا 16:20 - كِتاب العَهد الجَّديد مِن الكِتاب المُقَدَّس

²⁰ الحَق الحَق أقول ليكُم، إنتو بِتَبكو و بِتكورِكو، و الدُّنيا تَفرَح. إنتو بِتَحزَنو، لَكِن حُزنَكُم بِتغَيَّر لِفَرَح.

يُوحَنَّا 16:20 ပူးပေါင်းရင်းမြစ်များ

مَتَّى 21:38

و لَكِن لَمّا المُزارعين شافو الإبن، قالو بَعضَهُم لِبَعض: دا هو البِقبَل المال مِن أبوهو. تَعالو، نَكتُلو و ناخُد كُلّو مالو.

مَتَّى 5:4

مُبارَكين الحَزنانين، عَشانُم بِكونو مَبسوطين.

مَرْقُس 14:72

و طَوّالي الدّيك كورَك تاني مَرَّه. و بُطْرُس إتزَكَّر الكَلام القالو ليهو يَسُوع: ”قُبّال ما الدّيك يَكورِك مَرَّتين، بِتَنكُرني تلاتَه مَرّات.“ و لَمّا فَكَّر فيهو، إبتَدا يَبكي.

مَرْقُس 16:10

و هي مَشَت، و خَبَّرَت الكانو مَعاهو قُبّال و هُم كانو يَنوحو و يَبكو.

لُوقَا 22:45

و لَمّا قام مِن الصَّلاه، جا لِتَلاميذو و لِقاهُم نايمين مِن الحُزن.

لُوقَا 22:62

و بُطْرُس مَرَق بَرَّه و بَكى بِكى مُر.

لُوقَا 23:27

و جَمَع كَبير مِن النّاس مَشو وَراهو، و مَعاهُم النِّسوان الكانو يَبكو عَليهو مِن الحُزن.

لُوقَا 24:17

و هو قال ليهُم: ”الكَلام دا شِنو الإنتو تِتكَلَّمو بيهو مَعَ بَعض و إنتو ماشين؟“ و هُم وَقَفو حَزنانين.

لُوقَا 24:21

و لَكِن نِحنا كان عِندَنا رَجاء إنّو هو يَجيب الفِداء لِإِسْرَائِيل. لَكِن، مَعَ دا كُلّو، هَسَّع هو تالِت يوم مِن ما حَصَل دا.

لُوقَا 6:21

مُبارَكين، يا جَعانين هَسَّع، عَشان بِتَشبَعو. مُبارَكين، يا البِتَبكو هَسَّع، عَشان بِتَضحَكو.

يُوحَنَّا 16:33

كَلَّمتَكُم كِدا عَشان يَكون ليهُم سَلام فِيني. في الدُّنيا يَكون عِندَكُم تَعب. و لَكِن شِدّو حيلكُم، أنا غَلَبتَ الدُّنيا.“

يُوحَنَّا 16:6

لَكِن عَشان أنا قُلتَ ليكُم دا، قُلوبكُم إتمَلَت بِالحُزن.

يُوحَنَّا 20:20

و لَمّا قال كِدا، وَرّاهُم إيدينو و جَنبو. و التَّلاميذ فَرَحو لَمّا شافو الرَّب.

أعمال الرُّسُل 5:41

و عَلَشان كِدا، هُم مَشو مِن المَجلِس مَبسوطين عَلَشان حَسَبوهُم مُستَحِقّين أن يَكونو ما مُحتَرمين عَشان إسمو.

رُومِيَه 5:11

و ما دا بَس، لَكِن نَفرَح بِالله بِرَبَّنا يَسُوع المَسيح، و هَسَّع بيهو بِقينا مُصالِحين.

٢ كُورِنْثُوس 6:10

نِحنا زي حَزنانين، لَكِن دايماً مَبسوطين، زي المَساكين، لَكِن نَعمِل ناس كُتار غَنيين، نِحنا زي الما عِندَهُم شي، لَكِن كُلّو شي حَقَّنا.

غَلَاطِيَّه 5:22

لَكِن ثِمار الرّوح، هو المَحَبَّه، و الفَرَح و السَّلام، و الصَّبر، و الرَّحمَه، و الصَّلاح، و الأمانَه،

١ تَسَالُونِيكِي 1:6

و إنتو عَمَلتو زيَنا و زي الرَّب، عَشان قِبِلتو الكِلمَه في ضيق كَتير، بِفَرَح الرّوح القُدُس.

يَعْقُوب 1:2

أحسِبوهو كُلّو فَرَح، يا أخواني، وَكِت ما تَلقو تَجَارِب مُختَلِفَه.

يَهُوذَا 1:24

و لِلقادِر يَحفَظكُم مِن الوقوع، و يَجيبكُم قِدّام مَجدو بِدون عيب بِفَرَح عَظيم،

رؤيا 11:10

و السّاكنين عَلى الأرض بِيَفرَحو و يَحتَفِلو و يَرَسِّلو هَدايا بَعضَهُم لِبَعض عَلَشان النَّبيين ديل عَذَّبو السّاكنين عَلى الأرض.

رؤيا 18:7

بِقَدُر ما هي مَجَّدَت نَفسا و عاشَت حَياة ناعِمَه، أدّوها عَذاب و حُزن. عَلَشان في قَلبا هي تَقول: أنا قاعِدَه مَلِكَه، أنا مُش أرمَلَه، و أنا ما بَبكي أبَداً.