يُوحَنَّا 16:13 - كِتاب العَهد الجَّديد مِن الكِتاب المُقَدَّس

¹³ لَكِن لَمّا روح الحَق يَجي، هو بِوَرّيكُم كُل الحَق. عَشان هو ما بِتكَلَّم مِن نَفسو، لَكِن كُل البِسمَع، هو بِتكَلَّم بيهو. و بِوَرّيكُم الحاجات الجّايَه.

يُوحَنَّا 16:13 ပူးပေါင်းရင်းမြစ်များ

يُوحَنَّا 12:49

عَشان أنا ما إتكَلَّمتَ مِن نَفسي، لَكِن الأبو الرَّسَّلني هو أدّاني أمر أقول شِنو و أتكَلَّم شِنو.

يُوحَنَّا 14:17

ناس الدُّنيا ما بِقدَرو يَقبَلوهو، عَشان هُم ما يَشوفوهو و لا يَعرِفوهو. لَكِن إنتو بِتَعرِفوهو، عَشان هو قاعِد مَعاكُم و بِكون فيكُم.

يُوحَنَّا 14:26

و لَكِن المُساعِد، الهو الرّوح القُدُس، الأبو بِرَسِّلو بِإسمي، هو بِعَلِّمكُم كُلّو حاجَه، و يَزَكِّركُم بِكُل القُلتو ليكُم.

يُوحَنَّا 14:6

يَسُوع قال ليهو: ”أنا هو الطَّرِيق و الحَق و الحَياة. ما في واحِد يَجي لِلأبو إلّا بي.

يُوحَنَّا 15:26

و لَمّا المُساعِد يَجي، الأنا بَرَسِّلو ليكُم مِن الأبو، يَعني روح الحَق البِجي مِن الأبو، هو بِشهَد لَي.

يُوحَنَّا 16:12

أنا عِندي حاجات كَتيرَه أقولا ليكُم، لَكِن إنتو ما بِتَقدَرو تَفهَموها هَسَّع.

يُوحَنَّا 3:32

و هو يَشهَد بِالشّافو و السِّمِعو. و ما في زول بِقبَل شَهادَتو.

يُوحَنَّا 8:38

أنا بَتكَلَّم الشُّفتو مَعَ أبوي، و إنتو بِتَعمِلو السِّمِعتوها مِن أبوكُم.“

أعمال الرُّسُل 11:28

و قام واحِد مِنَّهُم إسمو أغابوس، و إتنَبّأ بِالرّوح عَن جوع شَديد البِكون في كُل الدُّنيا. و داك حَصَل في أيام كُلُودِيُوس.

أعمال الرُّسُل 20:23

إلّا الرّوح القُدُس يَشهَد لَي في كُلّو مَدينَه، و يَقول جَنازِير و أتعاب يِستَنّوني.

أعمال الرُّسُل 27:24

و قال: ما تَخاف، يا بُولُس، إنتَ لازِم تِقيف قِدّام قَيصَر. و شوف! الله أدّاك كُل النّاس المِسافرين مَعاك.

٢ تَسَالُونِيكِي 2:12

و عَلَشان كُل الما صَدَّقو الحَق لَكِن فِرحو بِالخَطيَّه، يِتحَكَمو.

٢ تَسَالُونِيكِي 2:3

ما تَخَلّو أي واحِد يَغِشّكُم بِأي طَرِيقَه. اليوم داك ما بِجي إلّا النّاس يَرجَعو عَن الإيمان في الأوَّل و إنسان الخَطيَّه، إبن الخَراب يَظهَر.

عِبرانيين 1:1

الله، بَعَد ما كَلَّم الأبَهات بِالأنبياء في الزَّمَن الفات مَرّات كَتيرَه و بِطُرُق كَتيرَه،

١ يُوحَنَّا 2:20

و لَكِن إنتو عِندَكُم مَسحَه مِن القُدّوس، و بِتَعرِفو كُلّو شي.

١ يُوحَنَّا 2:27

لَكِن المَسحَه القِبِلتوها مِنّو تَسكُن فيكُم، و ما في إحتِياج لِأي واحِد يَعَلِّمكُم. لَكِن المَسحَه دي تَعَلِّمكُم عَن كُلّو حاجَه، و هي حَق و ما كِضِب. و زي المَسحَه دي عَلَّمَتكُم، أسكُنو في الإبن.

١ يُوحَنَّا 4:6

نِحنا مِن الله. و البِعرِف الله يَسمَع لينا، و الما مِن الله ما بِسمَع لينا. بِدا بِنَعرِف روح الحَق و روح الكِضِب.

١ يُوحَنَّا 5:6

دا هو الجّا بِمويَه و دَم، يَسُوع المَسيح. ما بِالمويَه بَس، لَكِن بِالمويَه و الدَّم.

رؤيا 1:1

رؤيا يَسُوع المَسيح الأدّاهو ليهو الله عَشان يَوَرّي لِخَدّامينو الحاجات اللازِم تَحصُل بَعَد شوَيَه. و هو رَسَّل و بِيَّنو بِمَلاكو لِخَدّامو يُوحَنَّا.

رؤيا 1:19

عَلَشان كِدا، أكتِب الحاجات الشُّفتَها، و الحاجات المَوجودَه، و الحاجات البِتَحصُل بَعَد دا.