يُوحَنَّا 15:25 - كِتاب العَهد الجَّديد مِن الكِتاب المُقَدَّس

²⁵ لَكِن عَشان تَتِم الكِلمَه المَكتوبَه في قانونُم: هُم كِرهوني بِدون سَبَب.

يُوحَنَّا 15:25 ပူးပေါင်းရင်းမြစ်များ

مَتَّى 10:8

أشفو العَيّانين، قَوِّمو المَيِّتين، نَضِّفو العِندَهُم الجِّزام، طَلِّعو الشّياطين. أخَدتو مَجّاناً، أدّو مَجّاناً.

لُوقَا 24:44

بَعدين هو قال ليهُم: ”شوفو! دا الكَلام الكَلَّمتَكُم بيهو وَكِت أنا كُنتَ مَعاكُم، إنّو كُل المَكتوب عَنّي في قانون مُوسَى و الأنبياء و المَزامير لازِم يَتِم.“

يُوحَنَّا 10:34

يَسُوع رَدَّ عَليهُم و قال: ”ما مَكتوب في قانونكُم: أنا قُلتَ إنتو آلِهَه؟

يُوحَنَّا 13:18

أنا ما بَتكَلَّم عَن كُلَّكُم. أنا عارِف النّاس الإختَرتُم. لَكِن دا عَشان يَتِم المَكتوب في الكِتاب: البياكُل مَعاي العيش، رَفَع عَلي كُراعو.

يُوحَنَّا 19:36

و الحاجات دي حَصَلَت، عَشان يَتِم المَكتوب في الكِتاب: ”و لا واحِد مِن عِضامو بِكون مَكسور.“

رُومِيَه 3:19

و نِحنا بِنَعرِف، كُل البِقولو القانون يَقولو ليهُم التِحِت القانون، عَشان يَقفِل كُلّو خَشم، و كُل الدُّنيا يَبقى تِحِت دينونَة الله.

رُومِيَه 3:24

و يِتبَرَّرو مَجّاناً، بِنِعمَتو، بِالفِداء الجّا بِيَسُوع المَسيح.

٢ كُورِنْثُوس 11:7

و يِمكِن كانَت خَطيَّه لَي عَشان نَزَّلتَ نَفسي عَلَشان أرفَعكُم لَمّا بَشَّرتَكُم بِإنجيل الله مَجّاناً؟

غَلَاطِيَّه 2:21

أنا ما بَرفُض نِعمَة الله، عَشان إذا البِر بِالقانون، المَسيح مات بِدون فايدَه.

٢ تَسَالُونِيكِي 3:8

و ما أكَلنا عيش واحِد زول مَجّاناً. لَكِن كُنّا نَشتَغِل بِتَعب شَديد ليل و نَهار، عَلَشان ما نَكون حِمِل لِأي واحِد مِنَّكُم.

رؤيا 21:6

و هو قال لَي كَمان: ”هو كِمِل. أنا الألِف و الياء، البِدايَه و النِّهايَه. أنا بَدّي لِلعَطشان مِن عين مويَة الحَياة مَجّاناً.

رؤيا 22:17

و الرّوح و العَروسَه يَقولو: ”تَعال!“ و هو اليَسمَع، خَليهو يَقول: ”تَعال!“ و اليَعطَش، خَليهو يَجي. و العاوِز، خَليهو ياخُد مويَة الحَياة مَجّاناً.