يُوحَنَّا 13:31 - كِتاب العَهد الجَّديد مِن الكِتاب المُقَدَّس

³¹ و لَمّا يَهُوذَا مَرَق بَرَّه، يَسُوع قال: ”هَسَّع دي، إبن الإنسان إتمَجَّد، و الله إتمَجَّد فيهو.

يُوحَنَّا 13:31 ပူးပေါင်းရင်းမြစ်များ

مَتَّى 8:20

و يَسُوع قال ليهو: ”التَّعالِب عِندَهُم مَحَلّات النّوم، و طُيور السَّما عِندَهُم مَحَلّات كَمان، لَكِن إبن الإنسان ما عِندو مَحَل يَخُت رَاسو فيهو.“

لُوقَا 12:50

عِندي مَعموديَّه أتعَمَّد بيها. الدُّنيا ضَيقَه قِدامي لِغايَة ما تَتِم.

يُوحَنَّا 11:4

و لَمّا يَسُوع سِمِع، هو قال: ”العَيى دي مُش لِلموت، لَكِن عَشان مَجد الله، عَشان إبن الله يِتمَجَّد بيهو.“

يُوحَنَّا 12:23

لَكِن يَسُوع قال ليهُم: ”السّاعَه جات عَشان إبن الإنسان يِتمَجَّد.

يُوحَنَّا 12:28

يا أبوي، مَجِّد إسمَك.“ بَعدين جا صوت مِن السَّما و قال: ”مَجَّدتو، و بَمَجِّدو كَمان.“

يُوحَنَّا 14:13

و أي شي سألتو بِإسمي، أنا بَعمِلو، عَشان الإبن يَجيب مَجد لِلأبو.

يُوحَنَّا 16:14

هو بِمَجِّدني، عَشان هو بياخُد مِن العِندي و بِكَلِّمكُم.

يُوحَنَّا 7:39

و هو قال دا عَن الرّوح، لِديل الآمَنو بيهو و الماشين يَقبَلوهو. عَشان الرّوح لِسَّع ما جا، عَشان يَسُوع لِسَّع ما كان إتمَجَّد.

أعمال الرُّسُل 2:36

عَلَشان كِدا، خَلّي كُلّو أهل بيت إِسْرَائِيل يَعرِف بِالحَق أن الله عَمَل يَسُوع دا، الإنتو صَلَبتوهو، رَب و مَسيح.“

أعمال الرُّسُل 3:13

عَشان إله إِبْرَاهِيم و إِسْحَاق و يَعْقُوب، إله أبَهاتنا مَجَّد إبنو يَسُوع. إنتو سَلَّمتوهو و نَكَرتوهو قِدّام بِيلاطُس لَمّا هو كان داير يَفِكّو.

٢ كُورِنْثُوس 3:18

و نِحنا كُلُّنا بِوَش بِدون غَطا، بِنشوف مَجد الرَّب، زي في المِرايا. و نِتغَيَر لِصورَتو مِن مَجد لِمَجد. و المَجد دا هو عَمَل مِن الرَّب الرّوح.

أفَسُس 1:12

عَلَشان نِحنا الفي الأوَّل خَتّينا رَجاءنا في المَسيح، نَكون لِحَمد مَجدو.

أفَسُس 2:7

هو عَمَل دا عَشان يَوَرّي في الزَّمَن الجّاي، غِنى نِعمَتو الأكبَر بِرَحمَتو عَلينا في المَسيح يَسُوع.

أفَسُس 3:10

عَلَشان حِكمَة الله المُختَلِفَه جِدّاً هَسَّع تَكون مَعروفَه لِلرّؤساء و السَّلاطين في المَحَلّات الفي السَّما. و الله بيَعمِل دا بِالكَنيسَه.

فيلِبّي 2:11

و كُلّو لِسان يَعتَرِف أن يَسُوع المَسيح هو رَب، لِمَجد الله الأبو.

١ بُطْرُس 1:21

إنتو البيهو بِتآمِنو بِالله القَوَّمو مِن بين المَيِّتين و أدّاهو المَجد، و عَشان كِدا إيمانكُم و رَجاكُم هُم في الله.

١ بُطْرُس 2:12

عيشو حَياة طَيبَه بين الأُمَم، عَشان إذا يَشكوكُم زي عامِلين الشَّر، يَشوفو أعمالكُم الطَّيبَه، و يَمَجِّدو الله في يوم زيارتو.

١ بُطْرُس 4:11

و إذا كان أي واحِد يتكَلَّم، خَليهو يَعمِلو زي اليتكَلَّم بِكِلمات الله. إذا كان أي واحِد يَخدِم، خَليهو يَخدِم بِالقُوَّه الأدّاها ليهو الله، عَشان يَمَجِّدو الله في كُلّو حاجَه بِيَسُوع المَسيح. ليهو المَجد و السُّلطان لِلأبَد. آمين.