عِبرانيين 12:24 - كِتاب العَهد الجَّديد مِن الكِتاب المُقَدَّس

²⁴ و لِيَسُوع وَسيط الإتِّفاق الجَّديد، و لِرَش الدَّم اليتكَلَّم حاجَه أحسَن مِن دَم هابيل.

عِبرانيين 12:24 ပူးပေါင်းရင်းမြစ်များ

مَتَّى 23:35

و كِدا، كُلّو دَم البارين الجَّرى عَلى الأرض بِجي عَليكُم، مِن دَم هابيل البار لِدَم زَكَرِيَّا إبن بَرَخِيّا الإنتو كَتَلتوهو بين المَحَل القُدّوس و مَحَل الضَّبيحَه.

مَتَّى 26:28

عَشان دا هو دَمّي لِلإتِّفاق الجَّديد، اليِتدَفَّق لِناس كَتيرين عَشان يَغفِر الخَطايا.

مَرْقُس 14:24

و قال ليهُم. ”دا هو دَمّي لِلإتِّفاق الجَّديد، الإتكَبّى فِشان ناس كُتار.

لُوقَا 11:51

دا بِكون مِن دَم هابيل لِغايَة دَم زَكَرِيَّا الكان مَكتول بين مَحَل الضَّبيحَه و مَحَل المُقَدَّس. أيوَه، أقول ليكُم ناس الزَّمَن بِكونو مَسؤلين.

لُوقَا 22:20

و كِدا كَمان أخَد الكُبّايَه بَعَد العَشا و قال: ”الكُبّايَه دي، هي الإتِّفاق الجَّديد بِدَمّي الإدَّفَّق فِشانكُم.

غَلَاطِيَّه 3:20

و ما في إحتِياج لِوَسيط، لَمّا يَكون في زول واحِد. و الله واحِد.

١ تِيمُوثَاوُس 2:5

عَشان في الله واحِد و وَسيط واحِد بين الله و النّاس، و هو الإنسان المَسيح يَسُوع،

عِبرانيين 10:22

عَلَشان كِدا، خَلّونا نَقَرِّب بِقَلِب أمين و في كُلّو تأكيد الإيمان، و قُلوبنا مَرشوشَه عَشان يَنَضِّفنا مِن ضَمير بَطّال و أجسامنا مَغسولين بِمويَه نَضيفَه.

عِبرانيين 11:28

بِالإيمان هو عَمَل الفِصَح و رَشَّ الدَّم، عَلَشان البِخرَب ما يَلمَس المَولودين في الأوَّل.

عِبرانيين 11:4

بِالإيمان هابيل قَدَّم لِلَّه ضَبيحَه أحسَن مِن قايين. بِالإيمان كان مَشهود ليهو إنَّهو راجِل بار، عَشان الله شِهِد لِتَقدِمَتو. و بيهو كَمان هو لِسَّع يتكَلَّم و لَو هو مات.

عِبرانيين 13:20

و إلَه السَّلام قَوَّم مِن بين المَيِّتين رَبَّنا يَسُوع، راعي الخِرفان، العَظيم، بِدَم الإتِّفاق الأبَدي.

عِبرانيين 7:22

و بِقَدُر دا، يَسُوع بِقى مَسؤول عَشان يَكَمِّل إتِّفاق أحسَن.

عِبرانيين 8:13

و لَمّا يَقول: إتِّفاق جَديد، هو عَمَل الأوَّل قَديم. و الحاجَه البِقَت قَديمَه و عِندَها مُدَّه طَويلَه، بَعَد شوَيَه بِتفوت.

عِبرانيين 8:6

و لَكِن هَسَّع المَسيح حَصَّل عَلى خِدمَه أحسَن بِكَتير عَشان بِالحَق، هو وَسيط لِإتِّفاق أحسَن و أساسو عَلى وُعود أحسَن.

عِبرانيين 8:8

لَكِن الله لِقى غَلَط فيهُم و قال: ”شوف! الأيام جايَه، يَقول الرَّب، لَمّا أنا بَعمِل إتِّفاق جَديد مَعَ أهل بيت إِسْرَائِيل و مَعَ أهل بيت يَهُوذَا.

عِبرانيين 9:15

و عَلَشان كِدا، المَسيح وَسيط إتِّفاق جَديد، عَشان هُم، المُختارين بِقبَلو الميراث الأبَدي المَوعود. و دا بِكون كِدا عَلَشان هو مات لِفِداء الخَطايا العَمَلوها تِحِت الإتِّفاق الأوَّل.

عِبرانيين 9:19

في الأوَّل مُوسَى كَلَّم كُل النّاس بِكُلّو أمر في القانون. و بَعَد دا هو أخَد دَم العُجول و الغَنَم، مَعَ مويَه و صوف أحمَر و زوفا. و رَشّاها عَلى الكِتاب زاتو و عَلى كُل النّاس.

عِبرانيين 9:21

و زي دا، هو رَشَّ الدَّم عَلى الخيمَه و عَلى كُلّو حاجات الخِدمَه.

١ بُطْرُس 1:2

المُختارين بِحَسَب مَعرِفَة الله الأبو الكانَت مِن قَبِل، و المُقَدَّسين بِالرّوح عَشان يَطيعو يَسُوع المَسيح و يَكونو مَرشوشين بِدَمّو. نِعمَه و سَلام يَكَتِّر ليكُم.