عِبرانيين 12:16 - كِتاب العَهد الجَّديد مِن الكِتاب المُقَدَّس

¹⁶ و شوفو عَشان واحِد ما يَكون زاني ولّا يَكون عِندو أفكار ضِد الله، زي عِيسُو الباع حَق البِكر بِتاعو لِأكلا واحدَه.

عِبرانيين 12:16 ပူးပေါင်းရင်းမြစ်များ

مَرْقُس 7:21

عَشان مِن جُوَّه، مِن قُلوب النّاس، بِتَمرُق الأفكار الشَّرّيرَه، و الفُجور، و السِّرقَه، و الكَتل، و الزِّنا،

أعمال الرُّسُل 15:20

لَكِن نَكتِب ليهُم عَشان يَرفُضو الضَّبَحوها لِلأصنام، و الزِّنا، و ما ياكلو اللَّحَم المِن بَهايِم مَخنوق، ولّا الدَّم.

أعمال الرُّسُل 15:29

و هي أن تَرفُضو الضَّبَحو لِلأصنام، و الدَّم، و اللَّحَم المِن بَهايِم مَخنوق، و الزِّنا. و إذا مَنَعتو نُفوسكُم مِن ديل، بِتَعمِلو كوَيس. مَعَ السَّلامَه.“

١ كُورِنْثُوس 10:8

و ما نَعمِل الزِّنا زي بَعض مِنَّهُم، و وَقَعو تلاتَه و عِشرين ألف في يوم واحِد.

٢ كُورِنْثُوس 12:21

و أنا بَخاف لَمّا بَجي ليكُم تاني مَرَّه، إلَهي بِنَزِّلني قِدّامكُم. و بَكون حَزنان عَلى ناس كُتار العَمَلو خَطيَّه قُبّال دا، و ما تابو عَن الحاجات العَمَلوها مِن النَّجاسَه و الزِّنا و السَّفاهَه.

أفَسُس 5:3

و ما تِتكَلَّمو أبَداً مَعَ بَعض عَن الزِّنا و كُلّو نَجاسَه و الطَّمَع، زي ما يَوافِق القِدِّسين.

أفَسُس 5:5

عَشان إنتو بِتَعرِفو دا، كُل البيَعمِلو الزِّنا ولّا بِكونو نَجِسين، ولّا طَمّاعين، و اليَعبُدو الأصنام، ديل ما عِندَهُم ميراث في مَلَكوت المَسيح و الله.

كُولُوسِّي 3:5

عَلَشان كِدا، أكتُلو كُلّو حاجَه فيكُم البِتكون مِن الأرض: الزِّنا، و النَّجاسَه، و الشَّهوَه الشَّديدَه، و الشَّهوات البَطّالَه، و الطَّمَع، يَعني عِبادَة الأصنام.

١ تِيمُوثَاوُس 1:9

و بِنَعرِف دا، القانون ما مَعمول لِلبارين، لَكِن لِلخاطيين و الما بِطيعُو، لِلبَطّالين و المُذنِبين، و لِلبِدون قَداسَه و البِدون دين، لِكاتِلين الأبَهات و الأُمَّهات، و كاتِلين النّاس.

عِبرانيين 13:4

خَلّي الزَّواج يَكون مُحتِرَم بِكُل النّاس. و الرّاجِل و المَرَه لازِم يَكونو أُمَنا. عَلَشان الله بِيَحكُم عَلى النّاس البيَعمِلو الزِّنا و الفُجّار.

رؤيا 21:8

لَكِن الخَوافين و الما مؤمِنين و المَكروهين و الكاتِلين و الزّانيين و البيَعمِلو السِّحِر و البِيَعبُدو الأصنام و كُل الكَضّابين، مَحَلُّم بِكون في البِركَه المَوَلَّعَه بِالنّار و الكِبريت. و دا هو الموت التّاني.“

رؤيا 22:15

عَشان بَرَّه في الكِلاب و البيَعمِلو السِّحِر و الزّانيين و الكاتِلين و البِيَعبُدو الأصنام، و كُلّو واحِد البِحِب الكِضِب و بِشتَغِل بيهو.