عِبرانيين 12:10 - كِتاب العَهد الجَّديد مِن الكِتاب المُقَدَّس

¹⁰ و بِالحق أبَهاتنا أدَّبونا أيام قَليلَه زي ما هُم إفتَكَرو كوَيس. لَكِن الله يأدِّبنا لِفايدَتنا، عَلَشان نَشتَرِك في قَداسَتو.

عِبرانيين 12:10 ပူးပေါင်းရင်းမြစ်များ

أفَسُس 4:24

و تَلبَسو النَفس الجَديدَه، الخَلَقا الله عَشان تَكون زيهو في البِر و القَداسَه المِن الحَق.

كُولُوسِّي 1:22

لَكِن هَسَّع هو صالَحكُم بِجِسمو الإنساني بِالموت. و هو عَمَل دا عَلَشان يَجيبكُم قِدّامو قِدِّيسين و بِدون عيب ولّا لوم.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

عِبرانيين 12:14

أتبَعو السَّلام مَعَ كُل النّاس و القَداسَه، عَلَشان ما في واحِد بِشوف الله بِدون القَداسَه.

١ بُطْرُس 2:5

و إنتو كَمان مِثِل حُجار حَيَّه، تِنبَنو بيت روحي و قُسُس مُقَدَّسين، عَشان تَقَدِّمو ضَبايح روحيَّه مَقبولَه عِند الله بِيَسُوع المَسيح.

١ بُطْرُس 2:9

و لَكِن إنتو جِنس مُختار، و قُسُس مُلوكي، و أُمَّه مُقَدَّسَه، و شَعب مَخصوص لِلَّه، عَشان تَخَبِّرو بِحَمد النّاداكُم مِن الضَّلام لِنورو العَجيب.

٢ بُطْرُس 1:4

و كِدا هو أدّانا الوُعود الغاليَه و العَظيمَه جِدّاً، عَلَشان بِالوُعود تَبقو شُرَكا الطَّبيعَه بِتاعَت الله. و تَنجو مِن الخَراب الفي الدُّنيا بِسَبَب الشَّهوَه.