أفَسُس 5:10 - كِتاب العَهد الجَّديد مِن الكِتاب المُقَدَّس

¹⁰ جَرِّبو أن تَعرِفو الحاجَه التَّبسِط الرَّب.

أفَسُس 5:10 ပူးပေါင်းရင်းမြစ်များ

رُومِيَه 14:18

عَشان البِخدِم المَسيح كِدا، هو يَبسِط الله و يَكون مَقبول بِالنّاس.

فيلِبّي 1:10

عَشان تَفهَمو الأحسَن في الحاجات، و تَكونو نُضاف و بِدون لوم لِغايَة يوم المَسيح.

فيلِبّي 4:18

قِبِلتَ كُلّو شي، و أنا في راحَه. أنا بِقيت مَليان مِن وَكت أخَدتَ مِن وأبفروديتس هَداياكُم الإنتو رَسَّلتوها. هي هَديَه ريحَتا طَيبَه، و ضَبيحَه مَقبولَه، اليَبسِط الله.

كُولُوسِّي 1:10

و نَصَلّي لِدا، عَلَشان تَعيشو زي ما يِستَحِق لِلرَّب، و في كُلّو حاجَه تَفَرِّحوهو، و تَجِيبو ثِمار في كُلّو عَمَل كوَيس، و تَكبَرو في مَعرِفَة الله.

١ تَسَالُونِيكِي 5:21

إمتَحِنو كُلّو حاجَه. و أمسِكو بِالكوَيس.

١ تِيمُوثَاوُس 2:3

عَشان دا كوَيس و مَقبول قِدّام الله مُخَلِّصنا.

١ تِيمُوثَاوُس 5:4

لَكِن إذا أرمَلَه عِندَها أولاد ولّا أولاد أولادا، خَليهُم يِتعَلَّمو في الأوَّل أن يَحتَرِمو أهل بيتُم و يَرَجِّعو خير والِدينُم ليهُم. عَلَشان دا مَقبول قِدّام الله.

عِبرانيين 12:28

عَلَشان كِدا، إذا نَقبَل مَلَكوت ما مُمكِن يَهِزّوها، خَلّونا نَشكُر الله. و خَلّونا نَقَدِّم لِلَّه خِدمَه مَقبولَه بِإحتِرام و خوف.

١ بُطْرُس 2:20

لَكِن كيف بِكون حَمد ليكُم إذا يَضرُبوكُم و إنتو عامِلين الشَّر، و تَصبُرو؟ و لَكِن إذا تِتوَجَّعو و إنتو عامِلين الخير، و تَصبُرو، دا مَقبول قِدّام الله.

١ بُطْرُس 2:5

و إنتو كَمان مِثِل حُجار حَيَّه، تِنبَنو بيت روحي و قُسُس مُقَدَّسين، عَشان تَقَدِّمو ضَبايح روحيَّه مَقبولَه عِند الله بِيَسُوع المَسيح.