كُولُوسِّي 1:17 - كِتاب العَهد الجَّديد مِن الكِتاب المُقَدَّس

¹⁷ و هو قُبّال كُلّو حاجَه، و فيهو كُلّو حاجَه تَثبُت.

كُولُوسِّي 1:17 ပူးပေါင်းရင်းမြစ်များ

يُوحَنَّا 17:5

و هَسَّع دي، يا أبوي، مَجِّدني بِنَفسَك، بِالمَجد الكان عِندي مَعاك قُبّال بِدايَة الدُّنيا.

يُوحَنَّا 8:58

يَسُوع قال ليهُم: ”الحَق الحَق أقول ليكُم، قُبّال ما إِبْرَاهِيم كان في، أنا مَوجود.“

أعمال الرُّسُل 17:28

و نِحنا بيهو نَعيش، و نِتحَرَّك، و نَكون مَوجودين. زي ما بَعض مِن غَنّاينكُم قالو: نِحنا نَسلو.

١ كُورِنْثُوس 8:6

لَكِن لينا إلَه واحِد بَس، الأبو، المِنّو كُل الحاجات و نِحنا نَعيش ليهو، و رَب واحِد، يَسُوع المَسيح، البيهو كُل الحاجات و نِحنا نَعيش بيهو.

كُولُوسِّي 1:15

المَسيح صورَة الله، الما بِنشوفو بِعُيونّا، و بِكر كُل الخَليقَه.

عِبرانيين 1:3

و الإبن هو النّور بِتاع مَجد الله، و هو صورَة طَبيعَتو، و شايل كُل الحاجات بِكِلمَة قُدرَتو. و بَعَد ما هو عَمَل نَضافَه لِلخَطايا، هو قَعَد عَن يَمين الله العَظيم في السَّما.

عِبرانيين 13:8

يَسُوع المَسيح هو هو أُمبارِح، و النَّهار دا، و لِلأبَد.

رؤيا 1:11

و الصّوت قال: ”أكتِب الحاجَه التَّشوفا في كِتاب، و رَسِّلو لِلسَّبعَه كَنايس، لِأفَسُس و لِسِمِيرْنَا و لِبَرْغَامُس و لِثَيَاتِيرَا و لِسَارْدِس و لِفِيلَادَلْفِيَا و لِلاوُدِكِيَّه.“

رؤيا 1:17

و لَمّا شُفتو، وَقَعتَ عِند كِرعينو زي الزّول المَيِّت. و هو خَتَّ إيدو اليَمين عَلي و قال: ”ما تَخاف. أنا هو الأوَّل و الآخِر.

رؤيا 1:8

”أنا البِدايَه و النِّهايَه،“ يَقول الله الرَّب، المَوجود و الكان مَوجود و الماشي يَجي، القادِر عَلى كُلّو شي.

رؤيا 2:8

و أكتِب كَمان لِمَلاك الكَنيسَه الفي سِميرنا: ديل الحاجات البِقولو الأوَّل و الآخِر، هو الكان مَيِّت و رَجَع لِحَياة تاني.