أعمال الرُّسُل 20:24 - كِتاب العَهد الجَّديد مِن الكِتاب المُقَدَّس

²⁴ لَكِنّي ما أحسِب حَياتي غالي لِنَفسي أبَداً، إذا كان بَس أكَمِّل شُغلي و الخِدمَه القِبِلتا مِن الرَّب يَسُوع عَشان أشهَد بِإنجيل نِعمَة الله.

أعمال الرُّسُل 20:24 ပူးပေါင်းရင်းမြစ်များ

لُوقَا 16:28

عَشان عِندي خَمسَة أخوان. خَليهو يَشهَد ليهُم، عَلَشانُم ما بِجو كَمان لِمَحَل العَذاب دا.

يُوحَنَّا 15:27

و إنتو كَمان تَشهَدو لَي، عَشان إنتو مَعاي مِن البِدايَه.

يُوحَنَّا 17:4

أنا مَجَّدتَك عَلى الأرض، و أنا تَميت العَمَل الأدّيتو لَي عَشان أعمِلو.

أعمال الرُّسُل 1:17

عَشان هو كان واحِد مِنَّنا، و كان عِندو شَرِكَه في الخِدمَه دي.“

أعمال الرُّسُل 11:23

و لَمّا وِصِل و شاف نِعمَة الله، هو كان فَرحان، و بَشَّر كُلُّهُم عَشان يَكونو ثابتين في الرَّب بِكُلّو قُلوبُم.

أعمال الرُّسُل 13:25

و لَمّا يُوحَنَّا قَرَّب يَتِم خِدمَتو، هو قال: إنتو تَفتَكِرو أنا مِنو؟ أنا ما هو. لَكِن شوف! واحِد بِجي بَعَدي، الأنا ما بَستَحِق أفِك جِزَمو.

أعمال الرُّسُل 14:3

و بُولُس و بَرْنَابَا قَعَدو وَكِت طَويل، يِتكَلَّمو بِدون خوف عَن الرَّب. و الرَّب كان بِشهَد لِكِلمَة نِعمَتو، و بِدّيهُم قُوَّه لِيَعمِلو عَلامات و عَجايِب.

أعمال الرُّسُل 15:7

و بَعَد ما إتكَلَّمو كَتير، قام بُطْرُس و قال ليهُم: ”يا أخوان، إنتو بِتَعرِفو مِن زَمان، الله إختارني مِن بينكُم، عَشان الأُمَم يَسمَعو مِن خَشمي كِلمَة الإنجيل و يآمِنو.

أعمال الرُّسُل 18:5

و لَمّا سِيلَا و تِيمُوثَاوُس جو مِن مَكِدونيَّه، بُولُس أدّا نَفسو عَشان يَبَشِّر بَس، و يَشهَد لِليَهود يَسُوع هو المَسيح.

أعمال الرُّسُل 20:21

أنا شاهِد لِليَهود و لِناس إغريقيين بِالتّوبَه لِلَّه، و الإيمان بِرَبَّنا يَسُوع المَسيح.

أعمال الرُّسُل 20:23

إلّا الرّوح القُدُس يَشهَد لَي في كُلّو مَدينَه، و يَقول جَنازِير و أتعاب يِستَنّوني.

أعمال الرُّسُل 20:32

و هَسَّع بَدّيكُم لِلَّه، و لِكِلمَة نِعمَتو، البِتَقدَر تَبنيكُم و تَدّي ليكُم الميراث مَعَ كُل القِدِّسين.

أعمال الرُّسُل 21:13

لَكِن بُولُس رَدَّ و قال: ”مالكُم بِتَبكو و تَكسِرو قَلبي؟ أنا جاهِز مُش أكون مَربوط بَس، لَكِن أموت كَمان في أُورُشَلِيم فِشان خاطِر إسِم الرَّب يَسُوع.“

أعمال الرُّسُل 22:21

و الرَّب قال لَي: ’أمشي، عَشان أنا بَرَسِّلَك بَعيد لِلأُمَم.“

أعمال الرُّسُل 9:15

لَكِن الرَّب قال ليهو: ”أمشي، عَشان هو بُرمَه مُختارَه لِيَشيل إسمي قِدّام الأُمَم و المُلوك و بَني إِسْرَائِيل.

رُومِيَه 11:6

و إذا كان بِالنِّعمَه، بَعَد دا ما بِالأعمال. عَشان إذا كان بِأعمال، نِعمَتو ما بِتكون نِعمَه صَحَيحَه.

رُومِيَه 4:4

و الزّول البِسَوّي، ما يَحسِبو ليهو أُجرَتو زي هَدِيَّه، لَكِن زي دين.

١ كُورِنْثُوس 15:58

عَلَشان كِدا، يا أخوان المَحبوبين، كونو ثابِتين، ما مُحَرَّكين. و زيدو في عَمَل الرَّب دايماً، عَشان إنتو بِتَعرِفو تَعبكُم ما بِدون فايدَه في الرَّب.

٢ كُورِنْثُوس 12:10

عَلَشان كِدا، بَكون مَبسوط مِن الضَّعفات و الشَّتايِم و الأتعاب و الطُّرود و الصُّعوبات فِشان المَسيح. عَشان كُلّو وَكِت لَمّا أكون ضَعيف، في الوَكِت دا، أنا قَوّي.

٢ كُورِنْثُوس 4:1

و عَلَشان الله أدّانا الخِدمَه دي بِرَحمَتو، ما نَقول ما في فايدَه.

٢ كُورِنْثُوس 4:12

عَلَشان كِدا الموت بِشتَغِل فينا، لَكِن الحَياة فيكُم.

٢ كُورِنْثُوس 5:8

عَلَشان كِدا عِندَنا شَجاعَه كُلّو وَكِت، و نَفتَكِر أحسَن نَسيب بيتنا في الجِّسم و نَمشي نَكون مَعَ الرَّب في بيتو.

٢ كُورِنْثُوس 7:4

أنا مِتَّكِل عَليكُم كَتير، و عِندي فَخر عَظيم فيكُم. أنا مَليان تَعزيَه. و فَرَحي يَزيد كَتير خَلاص في كُلّو أتعابنا.

غَلَاطِيَّه 1:1

مِن بُولُس، هو رَسول، مُش مِن النّاس، و لا بِزول، لَكِن بِيَسُوع المَسيح و الله الأبو القَوَّمو مِن بين المَيِّتين.

أفَسُس 1:6

عَشان نَحمِد مَجد نِعمَتو، الأدّاها لينا مَجّاناً في المَحبوب.

أفَسُس 3:13

عَلَشان كِدا بَطلُب مِنَّكُم ما تَكونو بِدون شَجاعَه بِسَبَب أتعابي فِشانكُم، عَشان دا لِمَجدكُم.

فيلِبّي 2:17

و إذا يَكُبّوني زي تَقديم عَلى ضَبيحَة إيمانكُم و خِدمَتو، أنا مَبسوط و أفرَح مَعَ كُلُّكُم.

فيلِبّي 2:30

عَلَشان هو كان قَريب مِن الموت فِشان عَمَل المَسيح، و خاطَر بِحَياتو عَشان يَكَمِّل خِدمَتكُم النّاقصَه لَي.

كُولُوسِّي 1:24

و هَسَّع أنا مَبسوط بِأتعابي فِشانكُم. و أنا بَكَمِّل في جِسمي الحاجات النّاقصَه مِن ضيقات المَسيح. و بَعمِل دا فِشان جِسمو، الهو الكَنيسَه.

١ تَسَالُونِيكِي 2:2

و تِعِبنا قَبل كِدا، و شَتَمونا في فيلِبّي، زي ما إنتو عارفين. لَكِن شَجَّعنا في إلَهنا أن نَكَلِّمكُم بِإنجيل الله، و لَو هُم قاوَمونا شَديد.

١ تَسَالُونِيكِي 3:3

عَشان واحِد ما يَرجَع بِسَبَب الضّيقات دي. إنتو نُفوسكُم تَعرِفو نِحنا مُختارين لِدا.

٢ تِيمُوثَاوُس 1:12

و لِلسَّبَب دا كَمان أتحَمَّل الحاجات دي. و لَكِن أنا ما بَخجَل، عَلَشان انا بَعرِف الآمَنتَ بيهو، و أنا مِتأكِّد هو بِقدَر يَحفَظ السَّلَّمتو ليهو لِغايَة اليوم داك.

٢ تِيمُوثَاوُس 3:11

و طُرودي، و أتعابي الحَصَلَت لَي في أنطاكيّا و وَإِيقُونِيَّةَ و لِسترَه، الطُّرود الأنا إتحَمَّلتا. لَكِن الرَّب خَلَّصني مِن كُلّو دا.

٢ تِيمُوثَاوُس 4:17

و لَكِن الرَّب وَقَف مَعاي و شَدَّدني عَلَشان أبَشِّر بِالإنجيل، و كُل الأُمَم بِسمَعو. و هو خَلَّصني مِن خَشم الأسَد.

تِيطُس 1:3

لَكِن هو وَرّا كلمَتو في وَكتا. و هو إتَّكَل عَلي أن أبَشِّر بِحَسَب أمر مُخَلِّصنا الله.

تِيطُس 2:11

عَشان نِعمَة الله، البِتجيب خَلاص ظَهَرَت لِكُل النّاس.

عِبرانيين 10:34

و إنتو تِعِبتو سَوا مَعَ المَحبوسين، و لَمّا مَسَكو بُضاعَتكُم بِقُوَّه، إنتو قِبِلتو دا بِفَرَح، عَلَشان إنتو نُفوسكُم عِرِفتو عِندَكُم مال أحسَن البِستَمِر.

١ بُطْرُس 5:12

كَتَبتَ ليكُم بِكِلمات قَليلَه بِإيد سِلْوَانُس، الحَسبتو أخو أمين. أنا عاوِز أشَجِّعكُم و أشهَد ليكُم إنّو بِالحَق، دي نِعمَة الله. إستَمِرّو فيها.

١ يُوحَنَّا 3:16

بِدا، بِنَعرِف المَحَبَّه، أن يَسُوع المَسيح أدّا نَفسو عَشان خاطِرنا. و واجِب عَلينا أن نَدّي نُفوسنا عَشان خاطِر الأخوان.

رؤيا 12:11

و هُم غَلَبوهو بِدَم الحَمَل و بِكِلمَة شَهادَتُم. و ما حَبّو حَياتُم كَتير و ما أبو يَموتو.

رؤيا 6:11

و أدّو لِكُلّو واحِد مِنَّهُم توب أبيَض. و قالو ليهُم أن يستَريحو مُدَّه قَليلَه، لِغايَة ما يَتِم عَدَد الخَدّامين شُرَكاهُم و أخوانُم البِكونو مَكتولين زيَهُم.