أعمال الرُّسُل 16:26 - كِتاب العَهد الجَّديد مِن الكِتاب المُقَدَّس

²⁶ و حَصَلَت عَلى غَفلَه زَلزَلَه شَديدَه، حَتّى أساسات السِّجِن هَزّو. و طَوّالي كُلّو أبواب السِّجِن إنفَتَحو، و جَنازِير كُلُّهُم إتفَكّو.

أعمال الرُّسُل 16:26 ပူးပေါင်းရင်းမြစ်များ

مَتَّى 28:2

و شوف! كانَت في زَلزَلَه كَبيرَه. عَلَشان مَلاك الرَّب نَزَل مِن السَّما، و جا و لَزَّ الحَجَر مِن خَشم القَبر، و قَعَد فوقو.

أعمال الرُّسُل 12:10

و فاتو بِالغَفير الأوَّل و التّاني، و جو لِباب الحَديد البِسوق لِلمَدينَه. و إنفَتَح ليهُم بَراهو، و هُم مَرَقو. و لَمّا فاتو شارِع واحِد، طَوّالي المَلاك مَشى مِنّو.

أعمال الرُّسُل 12:7

و شوف! مَلاك الرَّب وَقَف جَنبو، و نور نَوَّر في المَحَل. و هو ضَرَب جَنب بُطْرُس، و قَوَّمو مِن النّوم و قال: ”قوم بِالسُّرعَه!“ و الجَّنزيرين وَقَعو مِن إيدينو.

أعمال الرُّسُل 4:31

و لَمّا صَلّو، المَحَل الهُم كانو بِتلَمّو فيهو إتهَزَّ. و كُلُّهُم إتمَلو مِن الرّوح القُدُس. و كانو بِيِتكَلَّمو بِكَلام الله بِشَجاعَه.

أعمال الرُّسُل 5:19

لَكِن مَلاك الرَّب فَتَح أبواب السِّجِن في اللّيل، و مَرَّقُم، و قال ليهُم،

رؤيا 11:13

و في السّاعَه ديك كانَت في زَلزَلَه كَبيرَه، و عُشر المَدينَه وَقَع. و سَبعَة آلاف مِن النّاس كانو مَكتولين بِالزَّلزَلَه. و باقي النّاس خافو شَديد خالِص و مَجَّدو إلَه السَّما.

رؤيا 6:12

و شُفتَ لَمّا فَتَح الخِتِم السّادِس. و كانَت في زَلزَلَه كَبيرَه. الشَّمِش بِقَت سودَه زي شَوال أسوَد، و القَمَر كُلّو بِقى زي الدَّم.