أعمال الرُّسُل 12:7 - كِتاب العَهد الجَّديد مِن الكِتاب المُقَدَّس

⁷ و شوف! مَلاك الرَّب وَقَف جَنبو، و نور نَوَّر في المَحَل. و هو ضَرَب جَنب بُطْرُس، و قَوَّمو مِن النّوم و قال: ”قوم بِالسُّرعَه!“ و الجَّنزيرين وَقَعو مِن إيدينو.

أعمال الرُّسُل 12:7 ပူးပေါင်းရင်းမြစ်များ

مَتَّى 2:13

و بَعَد ما مَشو، شوف، مَلاك الرَّب جا لِيُوسِف في حِلِم و قال: ”قوم، أُخُد الوَلَد و أُمّو و أمشي قَوام لِمَصر، و أقعُد هِناك لِغايَة ما أقول ليك، عَلَشان هِيرُودُس عاوِز يَفَتِّش عَلى الوَلَد عَشان يَكتُلو.“

لُوقَا 2:9

و طَوّالي، مَلاك الرَّب وَقَف جَمبُم، و مَجد الرَّب نَوَّر حَواليهُم، و خافو خوف شَديد.

لُوقَا 24:4

و وَكِت ما كانو يِتحَيَّرو في الحَصَل، شوف، راجلين وَقَفو جَمبُم بِهِدوم لامِع.

أعمال الرُّسُل 10:30

و كَرْنِيلِيُوس قال: ”مِن مُدَّة أربَعَة أيام زي السّاعَه دي، كُنتَ بَصَلّي السّاعَه تلاتَه بَعَد الضُّهر في بيتي. و شوف! راجِل في هِدوم لامِع وَقَف قِدامي.

أعمال الرُّسُل 12:23

و طَوّالي مَلاك الرَّب ضربو، عَلَشانو ما أدّا المَجد لِلَّه. و الدّود أكَلو، و هو مات.

أعمال الرُّسُل 12:6

و لَمّا هِيرُودُس قَرَّب يَجيبو لِلمَحكَمَه، بُطْرُس في اللّيلَه ديك كان نايِم بين إتنين عَساكِر، مَربوط بِجَنزيرين. و الحُرّاس كانو قِدّام الباب بِحرَسو السِّجِن.

أعمال الرُّسُل 12:8

و المَلاك قال ليهو: ”ألبَس هِدومَك و جِزَمَك.“ و بُطْرُس عَمَل كِدا. و المَلاك قال ليهو: ”ألبَس كَبوتَك و أتبَعني.“

أعمال الرُّسُل 16:26

و حَصَلَت عَلى غَفلَه زَلزَلَه شَديدَه، حَتّى أساسات السِّجِن هَزّو. و طَوّالي كُلّو أبواب السِّجِن إنفَتَحو، و جَنازِير كُلُّهُم إتفَكّو.

أعمال الرُّسُل 2:24

لَكِن الله قَوَّمو مِن بين المَيِّتين و فَكَّ ليهو أوجاع الموت، عَلَشان ما كان مُمكِن لِلموت أن يَمسِكو.

أعمال الرُّسُل 5:19

لَكِن مَلاك الرَّب فَتَح أبواب السِّجِن في اللّيل، و مَرَّقُم، و قال ليهُم،

أعمال الرُّسُل 9:3

و في سَفَرو، لَمّا قَرَّب مِن دِمَشق، طَوّالي إتنَوَّر قِدّامو نور مِن السَّما.

أفَسُس 5:14

عَلَشان كِدا هو بِقول: ”أفتَح عُيونَك، إنتَ البِتنوم، و قوم مِن بين المَيِّتين، و المَسيح بِدّيك نور.“

عِبرانيين 1:14

مُش كُلُّهُم أرواح البِخدِمو، مَرَسَّلين لِلخِدمَه فِشانُم الماشين يورَثو الخَلاص؟

رؤيا 18:1

و بَعَد دا أنا شُفتَ مَلاك تاني نازِل مِن السَّما. هو كانَت عِندو سُلطَه عَظيمَه. و الأرض إتنَوَّرَت مِن مَجدو.