٢ كُورِنْثُوس 11:23 - كِتاب العَهد الجَّديد مِن الكِتاب المُقَدَّس

²³ هُم خَدّامين المَسيح؟ أنا أحسَن. بَتكَلَّم زي المَجنون. أنا تِعِبتَ زِيادَه كَتير، جَلَدوني أكتَر، كُنتَ في السِّجِن مَرّات أكتَر، و في خَطَر الموت مَرّات كَتيرَه.

٢ كُورِنْثُوس 11:23 ပူးပေါင်းရင်းမြစ်များ

أعمال الرُّسُل 14:19

لَكِن يَهود مِن أَنْطَاكِيَه و إِيْقُونِيَه جو و حَرَّكوهُم حَتّى رَمو الحُجار عَلى بُولُس. و جَرّوهو بَرَّه المَدينَه، و هُم يَفتَكِرو هو مات.

أعمال الرُّسُل 20:23

إلّا الرّوح القُدُس يَشهَد لَي في كُلّو مَدينَه، و يَقول جَنازِير و أتعاب يِستَنّوني.

أعمال الرُّسُل 21:11

و جا لينا و أخَد حِزام بُولُس، و رَبَط بيهو إيدينو و رِجلينو و قال: الرّوح القُدُس يَقول: ”كِدا، اليَهود في أُورُشَلِيم ماشين يَربُطو الرّاجِل، سيد الحِزام دا، و بِسَلِّموهو لِإيدين الأُمَم.“

أعمال الرُّسُل 25:14

و ما دام قَعَدو هِناك أيام كَتيرَه، فَسْتُوس إتكَلَّم مَعَ المَلِك عَن قَضيَّة بُولُس، و قال: ”فِيلِكْس خَلّى راجِل هِنا في السِّجِن.

أعمال الرُّسُل 27:1

و لَمّا كانو دايرين نَسافِر بِمُركَب لِإِيطَالِيَه، سَلَّمو بُولُس و مَسجونين تانيين لِرَئيس العَساكِر، إسمو يُولِيُوس مِن قِسم أُغُسْطُس.

أعمال الرُّسُل 28:16

و لَمّا دَخَلنا رُومِيَه، أدّو إذِن لِبُولُس يَقعُد بَراهو مَعَ العَسكَري الكان بِحرَسو.

أعمال الرُّسُل 28:30

و بُولُس قَعَد سَنَتين كُلّو في بيت هو أجَّرو لِنَفسو. و كان بِقبَل كُل البِدخُلو ليهو.

أعمال الرُّسُل 9:16

و أنا بَوَرّيهو كَم لازِم يِتوَجَّع عَشان إسمي.“

رُومِيَه 8:36

زي ما مَكتوب: ”نِحنا فِشانَك في خَطَر مِن الموت كُل النَّهار، و حَسبونا زي خِرفان لِلضَّبيحَه.“

١ كُورِنْثُوس 15:10

لَكِن بِنِعمَة الله أنا زي ما أنا، و نِعمَتو الأدّاها لَي ما كانَت بِدون فايدَه. لَكِن أنا تِعِبتَ أكتَر مِنَّهُم كُلُّهُم. و لَكِن مُش أنا، لَكِن نِعمَة الله المَعاي.

١ كُورِنْثُوس 3:5

عَلَشان مِنو أَبُلُّوس، و مِنو بُولُس؟ هُم خَدّامين، و إنتو آمَنتو بِواسِطَتُم زي ما الرَّب أدّا لِكُلّو واحِد.

١ كُورِنْثُوس 4:1

خَلّي الزّول يَحسِبنا زي خَدّامين المَسيح و وُكَلا أسرار الله.

١ كُورِنْثُوس 4:11

لِغايَة هَسَّع نَجوع و نَعطَش، و نَلبَس هِدوم قَديم، و يَضرُبونا، و ما عِندَنا بيت.

١ كُورِنْثُوس 4:9

عَشان أفتَكِر الله أدّانا المَحَل الفي الآخِر زي المَحكوم عَلينا بِالموت. عَشانّا بِقينا مَنظَر لِلدُّنيا و لِلمَلائكَه و لِلنّاس.

٢ كُورِنْثُوس 10:7

إنتو تَعاينو لِلحاجَه القِدّامكُم. إذا واحِد يَتَّكِل عَلى نَفسو هو لِلمَسيح، خَليهو يَفتَكِر كَمان في نَفسو، نِحنا كَمان لِلمَسيح زي ما هو لِلمَسيح.

٢ كُورِنْثُوس 11:5

و أنا أحسِب نَفسي ما ناقِص في شي لِلرُّسُل الأكبَر ديل.

٢ كُورِنْثُوس 3:6

و هو أدّانا قُوَّه عَشان نَكون خَدّامين إتِّفاق جَديد. و دا مُش بِالقانون المَكتوب، لَكِن بِالرّوح. عَشان القانون المَكتوب بِجيب الموت، لَكِن الرّوح بِدّي حَياة.

٢ كُورِنْثُوس 4:11

عَشان نِحنا الحَيين، يَسَلِّمونا كُلّو وَكِت لِلموت عَشان خاطِر يَسُوع، عَشان يَشوفو حَياة يَسُوع كَمان في جِسِمنا البِموت.

٢ كُورِنْثُوس 6:9

و نِحنا زي الما مَعروفين، لَكِن مَعروفين، زي ديل البِموتو، و أهو! نَعيش، و زي ديل اليَجازوهُم، و ما يَكتُلونا.

غَلَاطِيَّه 6:17

مِن الوَكِت دا، واحِد ما يَتَعِّبني أكتَر، عَشانّي شايل في جِسمي عَلامات الرَّب يَسُوع.

أفَسُس 3:1

و بِالسَّبَب دا، أنا، بُولُس، مَحبوس المَسيح يَسُوع فِشانكُم، يا أُمَم.

أفَسُس 4:1

عَلَشان كِدا، أنا، المَحبوس في الرَّب، بَطلُب ليكُم تَعيشو زي ما يِستَحِق الإختِيار الهو إختاركُم ليهو.

أفَسُس 6:20

و أنا سَفير في جَنازِير فِشان الإنجيل. و صَلّو عَلَشان أتكَلَّم بِشَجاعَه زي أنا لازِم أتكَلَّم.

فيلِبّي 1:13

عَلَشان دا، بِقى مَفهوم لِكُلّو حُرّاس الحَكومَه و لِكُلّو ناس تانيين إنّي مَحبوس فِشان المَسيح.

فيلِبّي 2:17

و إذا يَكُبّوني زي تَقديم عَلى ضَبيحَة إيمانكُم و خِدمَتو، أنا مَبسوط و أفرَح مَعَ كُلُّكُم.

كُولُوسِّي 1:24

و هَسَّع أنا مَبسوط بِأتعابي فِشانكُم. و أنا بَكَمِّل في جِسمي الحاجات النّاقصَه مِن ضيقات المَسيح. و بَعمِل دا فِشان جِسمو، الهو الكَنيسَه.

كُولُوسِّي 1:29

و أنا أتعَب لِدا كَمان، و بَشتَغِل شَديد حَسَب قُدرَتو التَّشتَغِل فِيني بِقُوَّه.

١ تَسَالُونِيكِي 3:2

و رَسَّلنا تِيمُوثَاوُس، أخونا و خَدّام الله مَعانا في إنجيل المَسيح، عَشان يَشَدِّدكُم في إيمانكُم و يَشَجِّعكُم،

١ تِيمُوثَاوُس 4:6

إذا تَزَكِّر الأخوان بِالحاجات دي، بِتكون خَدّام طَيب لِلمَسيح يَسُوع، و تَدّي أكِل لِنَفسَك بِكَلام الإيمان و بِالتَعليم الكَويس الأنتَ تِبِعتو.

٢ تِيمُوثَاوُس 1:16

و الرَّب يَدّي رَحمَه لِبيت أُونِيسِيفُورُس عَلَشانّو مَرّات كَتيرَه أدّاني راحَه، و ما خَجَل مِن جَنازِيري.

٢ تِيمُوثَاوُس 1:8

عَشان كِدا، ما تَخجَل بِشَهادَة رَبَّنا، ولّا بي، أنا مَحبوس و. لَكِن أشتَرِك في الأتعاب فِشان الإنجيل بِحَسَب قُوَّة الله.

٢ تِيمُوثَاوُس 2:9

و فِشانّو أنا بَتحَمَّل التَّعب حَتّى الجَّنازِير زي مُذنِب. لَكِن كِلمَة الله ما مَربوطَه.

٢ تِيمُوثَاوُس 3:11

و طُرودي، و أتعابي الحَصَلَت لَي في أنطاكيّا و وَإِيقُونِيَّةَ و لِسترَه، الطُّرود الأنا إتحَمَّلتا. لَكِن الرَّب خَلَّصني مِن كُلّو دا.

فِلِيمُون 1:9

لَكِن فِشان المَحَبَّه، بَطلُب بِالأكتَر، أنا، بُولُس الشّيخ و هَسَّع مَحبوس المَسيح كَمان.

عِبرانيين 10:34

و إنتو تِعِبتو سَوا مَعَ المَحبوسين، و لَمّا مَسَكو بُضاعَتكُم بِقُوَّه، إنتو قِبِلتو دا بِفَرَح، عَلَشان إنتو نُفوسكُم عِرِفتو عِندَكُم مال أحسَن البِستَمِر.