١ بُطْرُس 2:22 - كِتاب العَهد الجَّديد مِن الكِتاب المُقَدَّس

²² و هو ما عَمَل خَطيَّه، و ما كان مَوجود في خَشمو غِش.

١ بُطْرُس 2:22 ပူးပေါင်းရင်းမြစ်များ

مَتَّى 27:19

و كَمان، وَكِت ما كان قاعِد عَلى كُرسي الحُكم، مَرَتو رَسَّلَت ليهو و قالَت: ”ما تَعمِل أي حاجَه لِلرّاجِل البار دا. عَشان عَذَّبتَ كَتير في حِلم النَّهار دا فِشانّو.“

مَتَّى 27:4

و قال: ”عَمَلتَ خَطيَّه عَشان سَلَّمتَ راجِل بِدون غَلَط.“ قالو: ”مالكُم و مالنا؟ إنتَ المَسؤول.“

لُوقَا 23:41

و حَكَمو عَلينا بِالحَق، عَشان دي أُجرَة أعمالنا. لَكِن الرّاجِل دا ما عِندو غَلَط.“

لُوقَا 23:47

و رَئيس الجّيش لَمّا شاف الحَصَل، مَجَّد الله و قال: ”بِالحَق الإنسان دا كان بار.“

يُوحَنَّا 1:47

و يَسُوع شاف نَثَنَائِيل جاي ليهو، و قال عَنّو: ”شوف إِسْرَائِيلي بِالحَق، ما فيهو غِش.“

يُوحَنَّا 8:46

مِنو مِنَّكُم يَوَبِّخني عَلى خَطيَّه؟ و عَلَشان أقول الحَق، لِشِنو إنتو ما بِتآمِنو بي؟

٢ كُورِنْثُوس 5:21

المَسيح ما عَمَل الخَطيَّه، لَكِن الله خَتَّ خَطايانا عَليهو. و عَلَشان كِدا نِحنا نَبقى بارين قِدّام الله في المَسيح.

عِبرانيين 4:15

عَشان ما عِندَنا رَئيس قُسُس الما بِقدَر يَفهَم و يَرحَم ضعفاتنا. لَكِن عِندَنا واحِد الكان مُجَرَّب في كُلّو حاجَه زيَنا، لَكِن ما عَمَل خَطيَّه.

عِبرانيين 9:28

و زي دا كَمان، المَسيح كان مَقَدَّم مَرَّه واحدَه عَشان يَشيل خَطايا ناس كُتار. و هو بِظهَر مَرَّه تانيَه، مُش عَلَشان يَشيل الخَطيَّه، لَكِن عَشان يَخَلِّصُم البِستَنّوهو.

١ يُوحَنَّا 2:1

يا أولادي، أكتِب ليكُم دا عَشان ما تَعمِلو خَطيَّه. و لَكِن إذا واحِد يَعمِل خَطيَّه، عِندَنا وَسيط مَعَ الأبو، يَسُوع المَسيح البار.

١ يُوحَنَّا 3:5

و بِتَعرِفو هو ظَهَر عَشان يَشيل عَنّا خَطايانا، و ما فيهو خَطيَّه.

رؤيا 14:5

و ما لِقو كِضِب في خُشومُم، و هُم بِدون عيب.