Ru’ya 4:10 - Kitaab al Vahd aj Jadid 1978

¹⁰ Wa lamma biyavmilu kida, al arbava wa vishriin sheex yagavu giddaam al gaavid vala_l kursi. Wa hum yavbudu_l yaviish le_l abad. Wa yarmu tiijaanum giddaam al kursi wa yaguulu:

Ru’ya 4:10 ပူးပေါင်းရင်းမြစ်များ

Matta 2:11

Wa daxalu_l beet wa shaafu_l walad mava ummu Maryam. Wa rakavu wa vabadoohu. Bavd da, fataḥu ḥaajaatum al ghaalya wa gaddamu leehu hadaaya: dahab wa lubaan wa baxuur.

Luuga 24:52

Wa vabadoohu, wa rajavu le Uurushaliim be faraḥ vaẓiim.

1 Kuurintuus 15:10

Laakin be nivmat Allaah ana zei maa ana, wa nivmatu al addaaha leiya maa kaanat biduun faaida. Laakin ana tivibta aktar min kulluhum. Wa laakin mush ana, laakin nivmat Allaah al mavaai.

Ru’ya 10:6

Wa hu ḥalaf beehu al biviish le_l abad, al xalag as sama wa kullu_l fiiha, wa_l arḍ wa kullu_l fiiha, wa_l baḥar wa kullu_l fiihu. Wa gaal, “Maa bikuun fih zaman bavd da!

Ru’ya 11:16

Wa_l arbava wa vishriin sheex, al kaanu gaavidiin vala karaasiihum giddaam Allaah, wagavu vala wushuushum wa vabadu Allaah.

Ru’ya 15:4

Minu al maa bixaaf ismak, yaa Rabb, wa maa bimajjidu? Valashaan inta bass gudduus. Wa kullu_l umam biju wa yavbudu giddaamak, vashaan aḥkaamak al vaadila ẓaharu.”

Ru’ya 15:7

Wa waaḥid min al arbava ḥayawaanaat adda le_s sabva malaaika sabva ḥilal min dahab malyaana min ghaḍab Allaah, al biviish le_l abad.

Ru’ya 19:4

Wa_l arbava wa vishriin sheex wa_l arbava ḥayawaanaat wagavu wa vabadu Allaah al gaavid vala_l kursi wa gaalu, “Aamiin, halliluuya!”

Ru’ya 4:2

Wa ṭawwaali kunta fi_r Ruuḥ. Wa ahu da! kaan fih kursi maxṭuuṭ fi_s sama, wa waaḥid gaavid vala_l kursi.

Ru’ya 4:4

Wa kaanu fih ḥawl al kursi arbava wa vishriin kursi. Wa shufta vala_l karaasi arbava wa vishriin sheex laabsiin hiduum abyaḍ, wa vala ruuseenum tiijaan min dahab.

Ru’ya 4:9

Wa_l ḥayawaanaat yaddu majd wa iḥtiraam wa shukr le_l gaavid vala_l kursi, wa leehu_l ḥai le_l abad.

Ru’ya 5:14

Wa_l arbava ḥayawaanaat gaalu, “Aamiin!” Wa_sh shuyuux wagavu wa vabadu.

Ru’ya 5:8

Wa lamma axad al kitaab, al arbava ḥayawaanaat wagavu giddaam al Ḥamal, wa kida al arbava wa vishriin sheex kamaan. Wa kullu waaḥid minnahum kaanat vindu rabaaba wa ḥalla min dahab, malyaana baxuur, wa huwa ṣalawaat al giddiisiin.

Ru’ya 7:11

Wa kullu_l malaaika kaanu waagfiin ḥawl al kursi wa ḥawl ash shuyuux wa_l arbava ḥayawaanaat. Wa hum wagavu vala wushuushum giddaam al kursi, wa vabadu Allaah.