Taetas 3:9 - Tataroha Diana

⁹ Taꞌe o ke aaliꞌu mwaanie mo haꞌa-erenga mweꞌu-mweꞌule i sulie mo hute-hutanga. Na o ke suꞌuri haꞌa-ere wa o ke ere haitapali i sulie mo Haꞌatolanga a Mosis. Mo tolahai iinoni urine, mo ola kire saꞌa peꞌie ike nga iini ni ngeena.

Taetas 3:9 ပူးပေါင်းရင်းမြစ်များ

1 Korinit 13:2

Na maꞌalana nou sai unu tahangaꞌinie walana a God, wa maꞌalana ne ke saenanau loꞌu aana taꞌena nga ola mumuni, wa maꞌalana uri hiiwalaimolinge ineu ke susu huni lidue mo toloi henue, taꞌe nou kaꞌa toꞌo aana manata-diananga, ineu iinoni mwaakule mola ni ngeena.

1 Korinit 8:1

Hoe, no ko sare heꞌi ere loꞌu i sulie mo ngeulaa nge kire uunuꞌi oto i saana mo nunui ola. E toꞌohuu taane mala ngaeta mwala ko unu-unue uuri, “Ahutaka kie mani sai ola mola.” !Taꞌe omu ke lio talamiu! Sai olanga e sai da mola iinoni ke toohaꞌinie maraana, taꞌe manata-diananga nge ko peꞌikie suli maholo.

1 Timoti 4:7

Taꞌe o ke suꞌuri lae i sulie mo laladonga eero-eero, na o ke iiꞌo haꞌataulie mo ooni-ooninge mo repo keni nge kire kaꞌa sada ike aana walaimolinge a God. Mo ola urine suꞌuri, taꞌe o ke haꞌa-haꞌa-aꞌailaꞌaa mau-meuringe iꞌoe aani lulu i sulilana tolahana a God.

2 Timoti 2:14

O ke lae peꞌi haꞌa-haꞌa-aamasitoꞌoa kira hiiwalaimoli aana mo ola ngeena. O ke ere hiitoꞌo hunire aana nanamanga a God uri kire ke suꞌuri ere haitelili aana mo ola kire kaꞌa roroꞌa ike. Aana tala urine e tohungei aaela oto hiitoꞌo, na e sai waelie mola mo iini ko pwaarongoa mo erenga haitelili urine.

2 Timoti 2:16

O ke neꞌi aasie taꞌena nga erenga aaela na mo wala mwaakule i purimu, aena aana mwala ko ere-ere urine, kire ko si oohea oto mwala haꞌataulie a God ni ngeena.

2 Timoti 2:23

O ke kinetaꞌiniꞌo mwaanie taꞌena nga haꞌa-erenga takalo na mo erenga taꞌewau. Aana o saie oto uri mo erenga urine kire sai esuie mola haꞌa-erenga ke paine i matolana mwala,

Taetas 1:14

Na mwaanie kire lulu i sulie loꞌu mo laladonga eero-eero mo Jiu, na mo haꞌatolanga ikire, aana kire sereꞌinie mola walaimolinge.

Jemes 4:1

?Ohe omu saie taane nga taa nge ko da omu ko sare haꞌa-ere na haiseuni tarau? Walu ola ngeena kire uure mai mwaanie mo neꞌisaenga ni saehanalinge nge ko esuie oohotaa i laona manatamiu.