Taetas 3:5 - Tataroha Diana

⁵ aana e haꞌa-uurikie. Na e kaꞌa haꞌa-uurikie ike aena aana helelaka e diana, taꞌe e haꞌa-uurikie mola aena aana e aamasikie. Kie hute haalu aena aana Liꞌoa Maaꞌi e haꞌarereꞌakie hunie kie ke toꞌo aana mei meu-meuringe haalu i lalo aana.

Taetas 3:5 ပူးပေါင်းရင်းမြစ်များ

Matiu 3:11

“Ineu no ko loto maaꞌi eemiu aani wei huni haataꞌinie uri omu oonisae oto mwaanie mo oorahaꞌaanga iꞌomu. Taꞌe iini nge kei lae mai puriku, ingeie e paine loꞌu liutaa aaku, hule aana ineu na nou kaꞌa diana malisine ne ke asu mala koni-konihe huni luhesie hoꞌohaahiꞌae ingeie. Ingeie ke si loto maaꞌi aana ngaeta mwala aana Liꞌoa Maaꞌi, na ngaeta mwala kei lotohire aana dunge ni haꞌamotaahinge.

Tataroha Diana I Sulie A Jisas Kraes Nge A Luk E Uusue 1:50

A God e aamasie mo iini kire haꞌamaꞌu aana, uure oto aana mo pweunge i naꞌo lae mai hule siꞌiri na mo pweunge ue mai.

Tataroha Diana I Sulie A Jisas Kraes Nge A Luk E Uusue 1:54

E hule oto mai huni peꞌie mwala ingeie mo Israel, mo koni-konihe ingeie. E kaꞌa pulongosie ike haiholotaꞌinge ingeie huni aamasie mwala ingeie,

Tataroha Diana I Sulie A Jisas Kraes Nge A Luk E Uusue 1:72

E unue kei haataꞌinie aamasinge hunie mo weuwaka, huni aamasitoꞌo aana haiholotaꞌinge maaꞌi ingeie,

Tataroha Diana I Sulie A Jisas Kraes Nge A Luk E Uusue 1:78

Aena aana aamasinge a God ikie mone, ingeie kei siho mai uure taꞌau i Lengi mala sato ko pwaa,

Uusu-uusu A Pol Hurula'aa Hunie Mo Rom 11:14

aena aana no ko sare asuie mola mwala ineu mo Jiu ke saehanalie haꞌa-uuringe omu toꞌo aana, hunie uri nga mo iini aada ke aaliꞌu mei takoie a God hunie haꞌa-uurilada ke lae noꞌone.

Uusu-uusu A Pol Hurula'aa Hunie Mo Rom 11:6

E kaꞌa lio hilisire ike aena aana mo esunge diana kire asuiꞌi, taꞌe i sulie niinge ni aamasinge ingeie mola maraana haliꞌite. Aana mala uri ke lio hilisire i sulie asunge ikire e diana, haꞌalaa aamasinge a God e neꞌie oto waaitana asunge na e kaꞌa neꞌi niinge loꞌu.

Uusu-uusu A Pol Hurula'aa Hunie Mo Rom 12:2

Na mwaanie omu toliꞌaasiꞌomu maraamiu mola huni lae i sulie tolahana walumalau ie, taꞌe omu ke toliꞌaasie a God ke oolisie saemiu, na ke niie nga mo neꞌisaenga haalu nemiu. Aana tolahai ola urine haꞌalaa omu ko lio saie nga taa a God e saetoꞌo aana. Oto omu kei saie nga moi taa kire diana na kire oodotaꞌi nge a God ko ilenimwaꞌe haahiꞌi.

Uusu-uusu A Pol Hurula'aa Hunie Mo Rom 3:20

Nga taꞌa-taꞌa iini e saꞌa iiꞌo oodotaꞌi ike i maana God i tehulaꞌana ko lulu i sulie mo Haꞌatolanga. Aana mo Haꞌatolanga ngeena e da mola hunie kie ke lio saie mo oorahaꞌaanga ikie ni ngeena.

Uusu-uusu A Pol Hurula'aa Hunie Mo Rom 3:28

Aana iinoni e sai neꞌi iinoni oodotaꞌi i maana God mola aena aana e hiiwalaimoli, na e kaꞌa ike i sulie uri ko lulu i sulie mo Haꞌatolanga.

Uusu-uusu A Pol Hurula'aa Hunie Mo Rom 4:5

Nge e urine loꞌu aana iiꞌonga mala iinoni oodotaꞌi i maana God, aana mei olana e kaꞌa neꞌie ike mei ola nge mwala kire sai terie aana asunge diana ikire, taꞌe mei niinge a God mola hunie mo iini kire hiiwalaimoli aana. Na maꞌalana ikire nga mo iinoni aaela oto uri taa, taꞌe aana hiiwalaimolinge ikire mone, nge a God ko niie oodotaꞌinge ingeie hunire.

Uusu-uusu A Pol Hurula'aa Hunie Mo Rom 9:11

Maholo na kirerue kaꞌa hute ue, taꞌe a God e lae oto mola i sulie oalaꞌinge ingeie, na e lio hilisie taꞌa-taꞌa iini aana ro mwelana. Aana maholona, na nga iini aadarue e kaꞌa da ue nga mei ola diana, wa ke dau huꞌisie nga mei ola.

Uusu-uusu A Pol Hurula'aa Hunie Mo Rom 9:16

Oto maholo a God ko lio hilisie nga iini mala iinoni ingeie, nge lio-hilisinge ngeena e saꞌa lae ike i sulie nga taa iinoni ngeena e saetoꞌo aana wa mei esunge uri taa e asuie, taꞌe a God ko lae mola i sulie aamasinge ingeie maraana.

Uusu-uusu A Pol Hurula'aa Hunie Mo Rom 9:30

Oto nga taa nge melu ko unu-unue e uuri mola. Mwala nge ikire nga mo Jiu haꞌike na kire kaꞌa ariꞌapasie ike uri kire ke oodotaꞌi i maana God, kire neꞌi iinoni oodotaꞌi oto i maana God mola aana kire hiiwalaimoli aana Kraes.

1 Korinit 6:11

E toꞌohuu oto, holaꞌinaꞌo ngaeta mo iini hikemiu kire urine noꞌone. Taꞌe ie, loto-aasilana mo oorahaꞌaa iꞌomu e lae oto, na haꞌamaaꞌilemiu e lae oto aana satana Aalaha ikie a Jisas Kraes na aana nanamanga Liꞌoa Maaꞌi a God ikie.

Kalesia 2:16

Oto maholo ie kolu manataꞌinie oto uri haꞌa-oodohilana iinoni e sai lae mola peꞌie a God aani hiiwalaimolinge aana a Jisas Kraes, na e kaꞌa ike i sulie lulu i sulilana mo Haꞌatolanga a Mosis. Aena ngeena ikolu noꞌone, kolu hiiwalaimoli aana a Jisas Kraes. Kolu hiiwalaimoli uri haꞌa-oodohilakaelu ke si lae peꞌie a God i tehulaꞌana hiiwalaimolinge ikolu aana Kraes, na e kaꞌa ike aani deu i sulilana mola mo Haꞌatolanga. Aana nga taꞌa-taꞌa iini haꞌa-oodohilana e saꞌa lae ike peꞌie a God aani deu i sulilana nga taa mo Haꞌatolanga e unue.

Epesas 2:4

Taꞌe a God e aamasikie, na manata-diananga ingeie hunikie e tohungei peine liutaa.

Epesas 4:23

Loꞌongaꞌinge iꞌomu na manatamiu ke tohungei neꞌi ola haalu oto.

Epesas 5:26

hunie uri soihaadaꞌinge ke neꞌi iinoni maaꞌi a God. E haꞌarereꞌara urine aana maholo e lotohire aani wei, aena aana kire hiiwalaimoli aana walana.

Kolosi 3:10

na omu toolea oto loꞌu maurihe haalu. Na a Haꞌahola ko haꞌa-haꞌa-haaluꞌomu aani saenanaunge i sulie maraana, hunie nunune ke pai-peine i laona manatamiu.

2 Timoti 1:9

Aana a God e haꞌa-uurikie na e lio hilisikie oto hunie kie ke neꞌi iinoni maaꞌi ingeie. E kaꞌa asuie ike mola leune aena aana kie malisi wa uri kie asuie nga mei ola diana adongana. !Haꞌike! Taꞌe e oalaꞌinie urine mola aana e tohungei sare haꞌadianaꞌakie. Uure oto wau i naꞌo na haꞌaholanga haꞌike ue, a God e oalaꞌinie oto uri a Jisas Kraes kei haꞌadianaꞌakie oto urine.

Taetas 3:4

Taꞌe maꞌalana e urine, na a God a Haꞌa-uuritaka e saediana mola hunikie, na e haataꞌinie manata-diananga ingeie hunikie

Hibru 4:16

Aena ngeena kie ke suꞌuri meꞌu huni lae mai saana a God, iini manatana e diana hunie mo iinoni. Aana leune nge kie ke si hele aana aamasinge na mo niinge huni peꞌilaka aana maholo kie ko siꞌohaꞌa.

1 Pita 1:3

E hahuꞌei diana hunie kie ke paalahea God, Aamana Aalaha ikie a Jisas Kraes. Aena aana aamasinge ingeie hunikie mone e haꞌahutekie loꞌu hunie mauringe haalu. Oto i tehulaꞌana taꞌelaꞌinge a Jisas Kraes mwaanie maenga, nge kie toꞌo aana mei heiholotaꞌinge diana nge kie tohungei norutoꞌo oto aana.

1 Pita 2:10

Oto wau i naꞌo, iꞌomu nga mwala a God haꞌike na omu kaꞌa manataꞌinie ike aamasinge a God. Taꞌe aana maholo ienini, omu neꞌie tohungei iinoni a God oto toꞌohuu, na a God ko tohungei aama-aamasiꞌomu na ko sae-sae diana oto liutaa haahiꞌomu.

1 Pita 3:21

Na haꞌa-uurilada ngeena, nga tolimaa aana haꞌa-uurilaka nge ko lae mai hunikie aana loto-maaꞌinge. Loto-maaꞌinge nge ko haꞌa-uurikie ngeena e kaꞌa neꞌie ike mei ola mola aana wai ko hoda aasie mo mada mwaanie sapeka, taꞌe kie ko loto maaꞌi oto toꞌohuu maholo kie haiholotaꞌinie hunie a God aani sae manola uri kie kei lulu i sulie oto aani norutoꞌonga aana. Na loto-maaꞌinge urine e toꞌo aana nanamanga huni haꞌa-uurikie aena aana a Jisas Kraes e taꞌelaꞌi eelihoꞌi mwaanie maenga.