Taetas 1:5 - Tataroha Diana

⁵ Iau, kaleku, nou haꞌa-ooreꞌo kaꞌu mola wau i Krit hunie o ke haꞌamangoa mo esunge nge kure kaꞌa haꞌamangoꞌi ue, na hunie o ke lio hilisie nga mo mwane hunie kire ke neꞌi naꞌohai mwane huni lio i sulie mo soihaadaꞌinge i laona mo huilume wau i leune. O ke asuie walu ola ngeena mala nou unuꞌi oto huniꞌo.

Taetas 1:5 ပူးပေါင်းရင်းမြစ်များ

Palonga 11:30

Kire teꞌurine, nge kire si uusungeꞌinie a Banabas na a Sol hunie kirerue ke toolea mo niinge na kire ke niiꞌi hunie mo naꞌohai iinoni aana soihaadaꞌinge.

Palonga 14:23

Na i laona ahutana mo soihaadaꞌinge kirerue lio hilisie mo naꞌohai mwane huni naꞌoda. Na kirerue iiꞌo mola peꞌie oolongaunge na aarengaꞌinge talada, na kirerue toliꞌaasire mola hunie a Aalaha, iini nge kire hiiwalaimoli oto aana.

Palonga 27:12

Na aena aana aasi ko mawa mola aana mo waro-waro ngeena, na suꞌu ngeena e kaꞌa diana ike huni iiꞌo aana, oto hungelana mwala saeda mola hunie melu ke lae taraꞌasi. Kire saetoꞌo aana melu ke dau aahonga huni lae hunie suꞌu i Piniks huni iiꞌo kohi wau i leune aana maholo daitaꞌaa. Aana suꞌu ngeena ngaeta suꞌu diana i Krit aana e saro takoie suulana sato.

Palonga 27:13

Oto maholo kele mei iiru mwai-mwei ko aehota iiru oto uure mai mwaanie pwalo-pwalona pwaalana sato, nge kire ko si loꞌongaꞌinie uri nga taa kire hari hunie e rau oto na kire toꞌo aana maholo huni lae iiꞌo koni-koni aana suu kohi. Oto kire waꞌinie hau ni hune, na kire ko lae oto mola i sulie oone aana mala-malau i Krit ngeena.

Palonga 27:21

Melu kaꞌa ngau loꞌu hunie mo dinge hunge, oto a Pol e si uure i matolameelu ko teꞌuri, “Mo mwane, mala uri omu ke holaꞌi rongo oto hunie walaku hunie kolu ke suꞌuri lae mwaanie mala-malau i Krit, haꞌalaa kolu kaꞌa siꞌohaꞌa ike urine na kolu kaꞌa tekelaꞌinie ike nga mei ola.

Palonga 27:7

Na mo dinge hunge melu ko haro kele lae oto mola peꞌi esu hiitoꞌo huni lai aarapuu karaꞌinie huilume i Nidas. Na aena aana melu ko suehie mone ooru, oto melu eeliꞌu mola hunie mala-malau i Krit, hunie melu ke liu i purine mala-malau mwaanie ooru, na melu hule oto aana aapa hatarie i Salmoni.

1 Korinit 11:34

Na mala uri nga iini ko hiolo, nge ke holaꞌi ngeu oto wau i nume ingeie, mwaanie a God e leiꞌomu haahie tolahai ngeunge aaela ngeena aana maholo omu ko meni ngeu tararuru. Na ne ke si haꞌa-oodohie ngaeta mo ola loꞌu aana maholo ne kei lae wau i seemiu.

1 Korinit 14:40

Taꞌe ahutana walu ola asuileni ke lae diana na i sulie tala aani.

1 Korinit 4:17

Aena leune mone no ko uusungeꞌinie wau a Timoti i seemiu. Ingeie domana oto a kaleku toꞌohuu na ko esu diana nana Aalaha paine ikie. Ingeie ke si haꞌananauꞌomu loꞌu aana mo haꞌatolanga nge nou lae peꞌi laeliwala aani i sulie mo soihaadaꞌinge aana taꞌena nga leu no ko lae-lae aana.

Kolosi 2:5

Aana maꞌalana nou kaꞌa iiꞌo ike peꞌiꞌomu aani sape, taꞌe ineu taane peꞌiꞌomu aani liꞌoa, na no ko ilenimwaꞌe huni leesie iiꞌolamiu e diana na hiiwalaimolinge iꞌomu e aꞌailaꞌa taane aana a Kraes.

1 Timoti 1:3

Mala oto nou unue kaꞌu huniꞌo aana maholo nou lae mai hunie poꞌo ni henue i Masedonia, saeku hunie uri o ke oore kaꞌu mola wau aana huilume i Epesas. O ke iiꞌo oto i leune hunie o ke uure honosie mwala nge kire ko lae peꞌi haꞌa-uusuli mola aana mo ola aaopa mwaanie hiiwalaimolinge toꞌohuu.

2 Timoti 2:2

O rorongoa oto mo haꞌa-uusulinge ineu hunie mwala. Oto saeku uri taꞌa-taꞌa taungei olana loꞌu mola nge iꞌoe noꞌone o ke haꞌa-uusulie mwala aani. Na oto liutaa, o ke haꞌa-uusuli aana mo ola ngeena hunie mo mwane ni nou-norue nge o saie uri ikire noꞌone kire sai haꞌa-uusulie ngaeta mwala loꞌu eeni.

Taetas 1:12

Na maꞌalana ngaeta haꞌa-uusuli mo Krit maraada na e teꞌuri, “Mo Krit, mwala eero-eero toꞌohuu oto, na tolahada e tohungei tataꞌala. Kire tohungei lalawa, na kire iiꞌo oto mola hunie ngaunge mala mo poo ni meꞌesu.”