Taetas 1:4 - Tataroha Diana

⁴ Oto no ko uusu-uusu weu huniꞌo, mwela maaꞌi ineu, na o saie oto uri o neꞌi tohungei kaleku toꞌohuu aana hiiwalaimolinge ikure e mani sada. No ko aarea a God Aamaka na a Jisas Kraes a Haꞌa-uuritaka uri hahuꞌana manata-diananga na hanuelamanga ke iiꞌo peꞌiꞌo.

Taetas 1:4 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 2:11

Iini nge kei haꞌa-uuriꞌomu e si kele hute oto molana aana hanue a Deved. Ingeie oto a Kraes, Aalaha ikie.

Tataroha Diana I Sulie A Jisas Kraes Nge A Jon E Uusue 4:42

Oto mwalana kire ko unue hunie a keine uuri, “Melu hiiwalaimoli oto eena, kaꞌa ike mola i sulie nga taa o unue, taꞌe aena aana melu rongoa oto noꞌone walana maraameelu. Na ie melu saie uri ingeie ni oto a Haꞌa-uuri hunie walumalau.”

Uusu-uusu A Pol Hurula'aa Hunie Mo Rom 1:12

Nou tohungei sare leesiꞌomu hunie kolu ke mani ere haꞌasusukolu heiliu aana hiiwalaimolinge ikolu.

Uusu-uusu A Pol Hurula'aa Hunie Mo Rom 1:7

Oto ie no ko uusu-uusu hunie ahutemiu weu i Rom, mwala nge a God e manata diana huniꞌomu na e soiꞌomu hunie omu ke neꞌie oto mo tohungei iinoni maaꞌi ingeie. No ko eitanaie a God Aamaka na a Jisas Kraes Aalaha ikie, uri kire ke haataꞌinie hahuꞌana manata-diananga huniꞌomu, na uri ke niie hanuelamanga huniꞌomu.

2 Korinit 12:18

Nou eitanaie a Taetas uri hunie ke lae hao i maatoliꞌomu, na nou uusungeꞌinie noꞌone hao peꞌie ngaeta aasikaelu aana hiiwalaimolinge. ?Haꞌalaa omu loꞌongaꞌinie uri kirerue a Taetas kire eeroꞌomu aana maholona? !Haꞌike oto ooꞌoo! Na ineu, nou peꞌiꞌomu mola mala ingeie, aana iꞌemereꞌi a Taetas mere mani toꞌo aana mola e taꞌa-taꞌa mei sae takoiꞌomu, na tolahamereꞌi e sada mola huniꞌomu.

2 Korinit 2:13

Taꞌe nou tohungei tolahiꞌe mola aena aana nou kaꞌa rongoa ike nga mei wala i suliꞌomu aana nou kaꞌa oodoie ike aasikaelu a Taetas hunie ke haꞌarongoau. Oto nou ere ni saediananga mola peꞌie mwala i leune, nge nou si toliꞌaasire, na nou aatoholo mai hunie poꞌo ni henue i Masedonia aana nou heitalea nga mei wala diana i suliꞌomu.

2 Korinit 4:13

Aana ngaeta leu mo Uusu-uusu Maaꞌi e unue uuri, No ko ere i sulie a God, aena aana nou hiiwalaimoli oto aana. Sam 116:10 Oto iꞌemeelu noꞌone, melu hiiwalaimoli oto urine, na aena leune melu ko tarohaꞌinie a Jisas.

2 Korinit 7:6

Taꞌe maꞌalana e urine, a God iini e sai peꞌie mo iini kire ko saehuu, e da hunie melu ke ilenimwaꞌe loꞌu maholo e uusungeꞌinie mai a Taetas i saameelu.

2 Korinit 8:16

Melu ko paalahea God oto liutaa haahie e niie mei neꞌisaenga ngeena hunie a Taetas huni peꞌilemiu oto mala iꞌemeelu noꞌone, melu ko peꞌiꞌomu.

2 Korinit 8:23

Omu saie mola uri a Taetas, ingeie a oaku ni ngeena na ko esu tararuru peꞌieu hunie peꞌilemiu. Na ngaeta ro aasikaelu nge kirerue ko lae-lae peꞌie, ikirerue oto e ro hurulaꞌaa mo soihaadaꞌinge ni ngeena, na asunge ikirerue ko haꞌamanikuluꞌaa satana Kraes.

2 Korinit 8:6

Oto aena aana a Taetas e da omu aehotaa tolahai niinge, nge melu eitanaie hunie ke ooli loꞌu i seemiu huni ere haꞌasusuꞌomu hunie omu ke haꞌamangoa mo niinge iꞌomu.

Kalesia 2:3

Taꞌe mo naꞌohai mwane aana soihaadaꞌinge ngeena kire tohungei rongo hunieu, na kire neꞌisae mola mala ineu, hule aana kire kaꞌa sare dau rarahie loꞌu a Taetas hunie ke helesie torihesiꞌonga i sulie Haꞌatolanga a Mosis e unue, maꞌalana ingeie nga Jiu haꞌike.

Kalesia 3:26

Oto omu meni neꞌi kalena a God oto aana omu lado peꞌie a Jisas Kraes aena aana omu hiiwalaimoli aana.

Kalesia 3:28

Oto nga mei ola hunie ke aaopa i matolamiu mo Jiu na mo Aapoloa Aaopa haꞌike loꞌu, wa i matolana mo koni-konihe na mo aalaha, wa i matolana mo mwane na mo keni. Omu meni neꞌie oto e taꞌa-taꞌa iinoni i lalo aana a Kraes Jisas.

Epesas 1:2

No ko eitanaie a God Aamaka na Aalaha ikie a Jisas Kraes uri hahuꞌana manata-diananga na hanuelamanga ingeie ke iiꞌo peꞌiꞌomu.

Kolosi 1:2

mere ko uusu-uusu ienini huniꞌomu, maeni eesiku maaꞌi, nge omu ko lulu i sulie a Jisas toꞌohuu wau aana huilume i Kolosi. Melu ko eitanaie a God Aamaka uri hahuꞌana manata-diananga na hanuelamanga ingeie ke iiꞌo peꞌiꞌomu.

1 Timoti 1:12

No ko tohungei paalahea a Kraes Jisas Aalaha ikie, aana e norutoꞌo aaku na e haaraieu huni esu nana, na loꞌu e niie aꞌailaꞌanga malisine asunge ngeena nakue.

2 Timoti 1:1

Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa a Kraes Jisas, hunie ne ke tarohaꞌinie maurihe huu e haiholotaꞌinie hunie mo iini kire lado peꞌie Kalena, a Kraes Jisas.

2 Timoti 1:2

Na no ko uusu-uusu oto ie huniꞌo kaleku Timoti, aana iꞌoe oto mwela maaꞌi ineu. No ko eitanaie a God Aamaka na a Kraes Jisas Aalaha ikie uri hahuꞌana manata-diananga, na aamasinge, na hanuelamanga ingeie ke iiꞌo peꞌiꞌo.

2 Timoti 4:10

A Dimas e toliꞌaasieu aana ko tohungei saetoꞌo aana mo ola aana walumalau ie, na e lae oto aana huilume i Tesalonaeka. A Kresens e lae huni esu nana God aana poꞌo ni henue i Kalesia, na a Taetas e lae urine noꞌone hunie poꞌo ni henue i Dalmesia.

Taetas 1:3

Oto aana tohungana maholo hunie, a God a Haꞌa-uuritaka e haataꞌinie Tataroha Diana, na e unue hunieu hunie ne ke tarohaꞌinie Tataroha Diana ngeena hunie ahutana mwala.

Taetas 2:13

Na kie ko maaꞌoohi susutoꞌo mola hunie hai dinge nge mei ola e diana oto liutaa na e tohungei menikuluꞌe kei reu, hai dinge nge kie hiiwalaimoli uri hahuꞌana God ikie a Jisas Kraes kei haro ooli loꞌu mei aana. Ingeie oto a Haꞌa-uuritaka

2 Pita 1:1

Saediananga mwaanieu a Saemon Pita, koni-konihe na hurulaꞌaa a Jisas Kraes, huniꞌomu mo iini nge omu hiiwalaimoli noꞌone aana a Jisas Kraes mala iꞌemeelu. Ingeie oto a God na a Haꞌa-uuritaka, na aena aana e tohungei oodotaꞌi na ko sare dau diana mola hunie ahutaka, nge hiiwalaimolinge e niie mai huniꞌomu ngeena e sada mola peꞌie hiiwalaimolinge iꞌemeelu mo hurulaꞌaa.

2 Pita 1:11

Oto a God ke si tohungei tola koniꞌomu oto taꞌau i Lengi aana walumalau haalu nge e saꞌa mango loꞌu. Walumalau ngeena, a Jisas Kraes Aalaha ikie na a Haꞌa-uuritaka, nge e aalaha haahie.

2 Pita 2:20

Mala uri mwala ke sai diana aana a Jisas Kraes Aalaha ikie, haꞌalaa kire sai iiꞌo luhetaꞌi mola mwaanie mo tolahai ola aaela aana walumalau ie. Taꞌe mala uri kire kei ooli loꞌu takoie mo tolahai ola aaela ngeena, nge mauringe ikire ke si aaela oto mwaanie holaꞌinaꞌo eena.

2 Pita 3:18

Taꞌe omu ke pai-peine taraꞌasi mola i lalo aana manata-diananga na sai-olanga hunie Aalaha ikie na a Haꞌa-uuritaka, a Jisas Kraes. Nge manikuluꞌanga ingeie e saꞌa mango oto ooꞌoo. Ke urine oto.

2 Pita 3:2

Saeku uri omu ke aama-aamasitoꞌo aana mo wala nge mo propet maaꞌi kire unuꞌi oto wau i naꞌo, na loꞌu aana haꞌa-uusulinge iꞌemeelu mo hurulaꞌaa i sulie haꞌatolanga Aalaha ikie, a Haꞌa-uuritaka.

1 Jon 5:14

Na hiiwalaimolinge ikie aana God otona, uri kie ko sukaa taꞌena nga mei ola i sulie saena, na ko rongo oto hunikie.

Jiud 1:3

Maeni malahuku, nou tohungei saetoꞌo aana uri ne ke uusu-uusu oto huniꞌomu i sulie mei haꞌa-uuringe nge kolu meni toꞌo aana. Nou sare ere haꞌasusuꞌomu loꞌu uri hunie omu ke uure aꞌailaꞌa peꞌie mei wala toꞌohuu nge kie mani hiiwalaimoli oto aana. A God e niie oto mei wala ngeena hautaꞌai hunikie, ahutana mo iinoni ingeie, na e saꞌa roroꞌa oolisie ike oto ooꞌoo.