Uusu-uusu A Pol Hurula'aa Hunie Mo Rom 8:39 - Tataroha Diana39 na maꞌalana nga nanamanga loꞌu uri taa taꞌau i Lengi wa loꞌu mei aano, taꞌe e aasa oto hunie ke oopakie mwaanie manata-diananga a God. Iau, maꞌalana nga mei taa loꞌu aana mo ola a God e haꞌaholaꞌi, na e kaꞌa sai oopakie oto mwaanie manata-diananga a God nge a Jisas Kraes, Aalaha ikie, e haataꞌinie oto hunikie. အခန်းကိုကြည့်ပါ။ |
Uusu-uusu A Pol Hurula'aa Hunie Mo Rom 8:39
43 ပူးပေါင်းရင်းမြစ်များ
Oto ie no ko uusu-uusu hunie ahutemiu weu i Rom, mwala nge a God e manata diana huniꞌomu na e soiꞌomu hunie omu ke neꞌie oto mo tohungei iinoni maaꞌi ingeie. No ko eitanaie a God Aamaka na a Jisas Kraes Aalaha ikie, uri kire ke haataꞌinie hahuꞌana manata-diananga huniꞌomu, na uri ke niie hanuelamanga huniꞌomu.
No ko tohungei pangataꞌinie aamasinge a God. A God e tohungei diana hunie ahutana iinoni, na saenanaunge ingeie e tohungei peine liutaa, na sai-olanga ingeie e tohungei kokoro oto hiitoꞌo. Kie saꞌa roroꞌa ni lio saie ike ahutana mo loꞌongaꞌinge ingeie maholo ko lei-lei, na kie saꞌa loꞌongaꞌi susulie ike tolahana.
?Na nga mei taa ni e sai oopakie mwaanie manata-diananga a Kraes? ?Uri a Kraes kei sereꞌinikie maholo kie ko siꞌohaꞌa, wa kie ko lae oodoie aasanga, wa aana mwala ko teungeꞌinikie, wa aana kie ko maesie hiolo, wa kie kaꞌa toꞌo aana ike nga mo sala, wa mwala ko horo maesikie? ?Uri walu ola urine ni kire sai oopakie mwaanie manata-diananga a Kraes? !Haꞌike oto ooꞌoo!
Taꞌe ikolu, a God e asuie torihesiꞌonga toꞌohuu i saekaelu. Oto ikolu mo iinoni a God toꞌohuu, na ikire haꞌike, aena aana kolu ko paloa a God toꞌohuu aana peꞌinge a Liꞌoa Maaꞌi. Kolu norutoꞌo mola aana a Jisas Kraes huni haꞌa-uurikolu, na kolu kaꞌa norutoꞌo ike aana mo ola poꞌoi sinaha aana sape mala torihesiꞌonga.
Na e kaꞌa ike taꞌe mola mo ola ie. Ineu nou loꞌongaꞌinie uri ahutana oto taꞌe-taꞌena nga ola nou esuiꞌi oto i naꞌo, toliꞌaasileni kei lae mango, hunie ne ke hele aana mo tohungei ola diana aana tolahana Aalaha ineu a Jisas Kraes. Oto aena aana no ko lulu i sulie oto a Kraes, no ko toliꞌaasie oto ahutana walu ola mango i eelitehu,
A God e toliꞌaasie hunie ke asuie mo huꞌi-huꞌite aana maholo e iiꞌo peꞌie ola loo-looꞌa holaꞌinaꞌo ngeena, na aena aana mo huꞌi-huꞌite ngeena, nge e haꞌapweue ahutana mwala ni welumalau. Ruana nga ola loo-looꞌa ngeena e unue uri mwala ke asuie nga nunui ola huni haꞌapainaꞌaa iini holaꞌinaꞌo, iini nge e malakaꞌa kaꞌu taꞌe e kaꞌa maesie ike.
Taꞌe kire tapolie ola loo-looꞌa ngeena peꞌie propet eero-eero ingeie. Propet eero-eero ngeena e dau huꞌi-huꞌite kaꞌu i naꞌo huni pweloa mwala huni haꞌapainaꞌaa nunune ola loo-looꞌa ngeena na huni neꞌi haꞌa-ara aana i darada. Taꞌe kire aa mauri aadarue mola i laona dunge ni haꞌamotaahinge aana mo heu eeso-eeso.
Na ensel e uuꞌileꞌinie mwaa hao i laona kalinge ni haꞌamotaahinge, oto e si honoa maa honosie mwaanie e eeroa loꞌu mwala i laona walumalau lai hule aana sinolai helisi kei mango. Oto i purine sinolai helisi kei haro mango, nge kire ke si luhesie loꞌu hunie ke dau loꞌu i sulie saena hunie kele maholo oꞌoruꞌe.
ကြော်ငြာတွေ