Uusu-uusu A Pol Hurula'aa Hunie Mo Rom 8:30 - Tataroha Diana

³⁰ Na mwala nge a God e oalaꞌi urine hunire oto uure mai naꞌo, e mani soire oto loꞌu mai i saana. Na e da oto hunie kire ke mani neꞌi iinoni oodotaꞌi i maana, na e niie oto manikuluꞌanga ingeie hunie ahutada mango.

Uusu-uusu A Pol Hurula'aa Hunie Mo Rom 8:30 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 17:22

Oto mei menikuluꞌanga nge o niie hunieu, nou heꞌi niie loꞌu hunire, uri hunie kire ke neꞌie oto nga taꞌa-taꞌa iini mala oto ikure taꞌa-taꞌa iinoni.

Tataroha Diana I Sulie A Jisas Kraes Nge A Jon E Uusue 17:24

“Mamaꞌa, nou saetoꞌo aana mo iini nge o maire oto nakue, kire ke iiꞌo oto peꞌieu aana leu no ko iiꞌo aana. Saeku hunie uri kire ke leesie manikuluhaꞌaku, mei menikuluꞌanga nge o niie nakue aana o manata diana hunieu oto wai naꞌona haꞌaholalana walumalau.

Tataroha Diana I Sulie A Jisas Kraes Nge A Jon E Uusue 5:24

“No ko unue oto toꞌohuu huniꞌomu uri iini ko rongoa walaku na ko hiiwalaimoli aana iini e uusungeꞌinieu mei, iinoni ngeena e hele aana oto maurihe huu eena, na leilana e saꞌa roroꞌa ni lae ike loꞌu. Iini urine e pwani liu oto mwaanie maenga na e sili oto i laona maurihe.

Uusu-uusu A Pol Hurula'aa Hunie Mo Rom 1:6

Na iꞌomu mo Rom, iꞌomu noꞌone ngaeta mo iini aana mo Aapoloa Aaopa nge a Jisas Kraes e lio hilisiꞌomu ngeena.

Uusu-uusu A Pol Hurula'aa Hunie Mo Rom 11:29

Aana maholo a God ko lio hilisie oto nga iini na ko niie haꞌadianaꞌanga oto hunie, e saꞌa heꞌi oolisie ike loꞌu saena.

Uusu-uusu A Pol Hurula'aa Hunie Mo Rom 8:1

Oto ie a God e saꞌa lei mae aaka ike, aena aana kie lado oto peꞌie a Jisas Kraes.

Uusu-uusu A Pol Hurula'aa Hunie Mo Rom 8:21

walu ola e haꞌaholaꞌi kei diana aalihoꞌi loꞌu na kei iiꞌo luhetaꞌi taane mwaanie aaelanga na mwaanie maenga nge ko da kire ko iiꞌo ni hoꞌo hule mai siꞌiri. Na leune kei oa hunie walu olana maholo ikie mo kalena God kie kei holaꞌi iiꞌo luhetaꞌi oto taꞌingelu mwaanie aaelanga, na kie kei iiꞌo oto aana manikuluhaꞌana a God.

Uusu-uusu A Pol Hurula'aa Hunie Mo Rom 8:28

Na kie saie loꞌu uri a God ko esu i lalo aana ahutana walu ola ko reu-reu hunie ke haꞌadianaꞌakie, mo iini e soikie oto i sulie oalaꞌinge ingeie na kie ko manata diana hunie.

1 Korinit 1:2

Mere ko uusu-uusu oto wau ienini huniꞌomu aana soihaadaꞌinge a God wau i Korinit. Iꞌomu oto a God e soiꞌomu uri omu ke neꞌi iinoni maaꞌi ingeie aani iiꞌo-rurunge peꞌie a Jisas Kraes, mala ahutana mo iini ko palo-paloa satana aalaha ikie aana taꞌena nga leu.

1 Korinit 1:9

Aana a God, iini nge e soiꞌomu hunie omu ke iiꞌo ruru peꞌie a Kalena, e sai deu i sulie walana, na a Kalena oto Aalaha ikie a Jisas Kraes.

1 Korinit 2:7

Mei wala ni saenanaunge a God nge no ko tarohaꞌinie ienini, mei saenanaunge e iiꞌo mumuni mwaanie iinoni. Taꞌe a God e pwani lodoa oto i naꞌo na haꞌaholanga haꞌike ue, huni niie saenanaunge ie hunikie, hunie kie ke saie uri tala huni iiꞌo aana manikuluꞌanga peꞌie a God otona.

1 Korinit 6:11

E toꞌohuu oto, holaꞌinaꞌo ngaeta mo iini hikemiu kire urine noꞌone. Taꞌe ie, loto-aasilana mo oorahaꞌaa iꞌomu e lae oto, na haꞌamaaꞌilemiu e lae oto aana satana Aalaha ikie a Jisas Kraes na aana nanamanga Liꞌoa Maaꞌi a God ikie.

2 Korinit 4:17

Na mei siꞌohaꞌanga nge ko tooleꞌemeelu mola hunie kele maholo oꞌoruꞌe ienini, ko da melu ke si hele liutaa aana mo ola manikuluꞌe oto hiitoꞌo loꞌu aana maurihe huu peꞌie a God taꞌau i Lengi.

Kalesia 1:15

!Taꞌe lae-lae, a God e oolisie manataku! Aana manata-diananga a God e paine hunieu, na aana ko ilenimwaꞌe ni esuie urine, nge uure oto aana maholo na nou kaꞌa hute ue, taꞌe a God e oopaau oto huni esu nana.

Kalesia 1:6

No ko tohungei pangataꞌi aana omu tolana toliꞌaasie oto a God, iini e soiꞌomu aana manata-diananga a Kraes huni neꞌi iinoni ingeie. Taꞌe ie omu toliꞌaasie oto, na omu ko eeliꞌu loꞌu mola huni rongo i sulie ngaeta taungei tataroha diana aaopa.

Kalesia 5:8

A God haꞌike ni e haꞌa-olaꞌomu nge omu huꞌiteꞌi ngeena, aena aana ingeie kaꞌu e holaꞌi lio hilisiꞌomu hunie tala oodo.

Epesas 1:11

Na loꞌu, i tehulaꞌana a Kraes e lio hilisikie, nge kie neꞌi iinoni oto ingeie. Na leune a God e asuie oto, mala oto ko esuie walu ola i sulie oalaꞌinge na loꞌongaꞌinge ingeie.

Epesas 1:5

Aana a God e manata diana hunikie na e lio hilisikie oto wau i naꞌo hunie kie ke neꞌi kalena i tehulaꞌana a Jisas Kraes. Na e tohungei toꞌohie oto saena a God huni esuie urine.

Epesas 2:6

na aena aana kie lado peꞌie a Jisas Kraes, a God e taꞌekie noꞌone peꞌie a Kraes hunie kie ke aalaha tararuru noꞌone peꞌie taꞌau i Lengi.

Epesas 3:11

A God e asuie oto mei olana i sulie oalaꞌinge ingeie uure oto mai naꞌo, na e haꞌa-oaie leune oto aana asunge Aalaha ikie a Jisas Kraes.

Epesas 4:4

Ikie taꞌa-taꞌa mei sape mola, na kie mani toꞌo aana mola taꞌa-taꞌa Liꞌoa Maaꞌi i lalo aaka, na kie ko meni maaꞌoohi susutoꞌo mola hunie taꞌa-taꞌa haiholotaꞌinge, nge a God e haiholotaꞌinie hunie ahutaka maholo e soikie mai i saana.

Kolosi 3:4

Tohungana maurihe iꞌomu oto a Kraes, na maholo a Kraes kei haataꞌi aana manikuluhaꞌana maholo kei ooli loꞌu mei, nge iꞌomu noꞌone omu ke si haataꞌi tararuru peꞌie.

1 Tesalonaeka 2:12

Aana melu ere-ere haꞌasusuꞌomu, na melu eitanaiꞌomu huni tola i sulie a Jisas, na melu ere hatongaꞌi huniꞌomu hunie omu ke iiꞌo aani iiꞌonga diana i maana a God. Aana e haaraiꞌomu hunie omu ke neꞌi iinoni aana aalahanga ingeie na hunie omu ke iiꞌo peꞌie aana manikuluhaꞌana.

2 Timoti 2:11

Mei wala toꞌohuu oto ienini. Mala uri kie ko mae tararuru peꞌie a Kraes, nge kie kei meuri tararuru noꞌone peꞌie.

Hibru 9:15

A Kraes e mae honotana mo oorahaꞌaanga nge mwala e dau-deuꞌi aana maholo kire iiꞌo ue i melutana haiholotaꞌinge holaꞌinaꞌo ngeena. Na aana maenga, nge a Kraes e haꞌawalaimoliꞌaa haiholotaꞌinge haalu a God ngeena, uri hunie mwala nge a God e soire oto mai i saana, kire ke helesie nga taa e haiholotaꞌinie hunire. Na mei olana oto maurihe huu taꞌau i Lengi.

1 Pita 2:9

Taꞌe iꞌomu oto, a God e lio hilisiꞌomu nana. Iꞌomu oto mo pris a Inemauri, na iꞌomu oto mwala maaꞌi ingeie. Iꞌomu oto mo tohungei iinoni a God maraana, nge e lio hilisiꞌomu huni tarohaꞌinie tolahai esunge diana ingeie. Aana a God oto e soiꞌomu mei mwaanie rodohono na omu lai sili i laona raa-raa ingeie e manikuluꞌe.

1 Pita 3:9

Maholo nga iini ko deu huꞌisiꞌomu aana nga mei ola aaela, omu ke suꞌuri oolisie loꞌu hunie. Na maholo nga iini ko ere aaelasiꞌomu, omu ke suꞌuri heꞌi ere aaelasie loꞌu. !Haꞌike! Taꞌe omu ke haꞌadianaꞌara mola, aana a God e soiꞌomu mei i saana hunie omu ke dau urine, na hunie omu ke helesie haꞌadianaꞌanga ingeie haahie.

1 Pita 5:10

Maholo ienini, omu ko sapesalu mola hunie kele maholo oꞌoruꞌe, taꞌe a God e manata diana huniꞌomu oto liutaa. Ingeie ni oto e soiꞌomu huni lado peꞌie a Kraes na huni iiꞌo peꞌie aana manikuluhaꞌana nge e saꞌa mango ike loꞌu aana taꞌena nga maholo. Oto a God maraana kei haꞌasusue taane hiiwalaimolinge iꞌomu na kei niie nanamanga huniꞌomu hunie omu ke uure maꞌutaꞌa tarau mala iini e neꞌi rato oto aana oodo-oodonga.

2 Pita 1:10

Oto e lae otoi diana, maeni eesiku maaꞌi, uri hunie omu ke asu aꞌailaꞌa loꞌu hunie omu ke haataꞌinie uri a God e tohungei lio hilisiꞌomu oto nana maraana. Omu ke haataꞌinie uri e soiꞌomu mei i saana toꞌohuu aana mo tolahai ola diana aana mau-meuringe iꞌomu. Na mala uri omu kei esu urine, omu saꞌa heꞌi lae takalo loꞌu mwaanie tala oodo, wa omu ke tataro aana laenga i sulie.

Haataꞌinge 17:14

Na kire kei ooho honosie a Kalei Sipu ngeena. Taꞌe a Kalei Sipu ingeie oto aalaha paine haahie mo aalaha, na ingeie oto inemauri haahie mo inemauri. Oto ingeie na mo iini e lio hilisire na e soire na kire lulu i sulie taraꞌasi, kire kei aꞌailaꞌasie mola mo inemauri ngeena.”

Haataꞌinge 19:9

Oto ensel ngeena e heꞌi teꞌuri loꞌu hunieu, “O ke uusue mo erenga ie—Deidehie mo iini nge haꞌarongolada e lae hunie ngaunge aana haꞌarurunge a Kalei Sipu.” Na ensel ngeena e teꞌuri noꞌone, “Mo wala ienini, walana a God oto toꞌohuu.”