Uusu-uusu A Pol Hurula'aa Hunie Mo Rom 8:15 - Tataroha Diana15 Aana Liꞌoa Maaꞌi nge a God e niie oto huniꞌomu ngeena, e kaꞌa asuie ike hunie omu ke maꞌu-meꞌu oto tarau mala koni-konihe nge e dau aaela. !Haꞌike! Taꞌe a Liꞌoa Maaꞌi ko si da mola omu ke neꞌi kalena God, na aana omu saie uri a God ko manata diana huniꞌomu urine, nge omu sai soie aana, “!Mamaꞌa! !Mamaꞌa!” အခန်းကိုကြည့်ပါ။ |
Uusu-uusu A Pol Hurula'aa Hunie Mo Rom 8:15
30 ပူးပေါင်းရင်းမြစ်များ
Oto ko eitanaie a God uuri, “Mamaꞌa, iiola o niie mai hunie ne ke hotelaꞌinie ko aasaieu oto. Mala ko mwadaꞌu, aana nou saie walu ola e mwadaꞌu mola huniꞌo, oto saeku o ke oolisie aana nga iini mwa-mwate. Taꞌe neꞌewau oto, o ke dau mola i sulie nga taa o saetoꞌo aana, na o ke suꞌuri deu i sulie nga taa nou saetoꞌo aana.”
Na taꞌe mo olana haꞌike ni ko ngara-ngara urine, taꞌe ikie noꞌone kie ko ngara-ngara mola i manataka. Aana a God e niie Liꞌoa Maaꞌi hunikie mala nga naꞌohai niinge ingeie, na kie ko maaꞌoohi susutoꞌo hunie a God ke haꞌa-ahue konilaka hunie kie ke neꞌie mo tohungei kalena. Na leune kei reu aana maholo a God kei oolisie sapeka peꞌie mei sapei ola haalu.
Na mala a Liꞌoa Maaꞌi ko peꞌikie huni maaꞌoohi susutoꞌo urine, nge ko peꞌikie noꞌone aana taꞌena nga ola loꞌu kie ko mamaelaꞌa oto aani. Kie kaꞌa saie ike nga taa kie ke aarengaꞌi hunie, wa uri kie kei aarengaꞌi uri taa. Oto Liꞌoa Maaꞌi maraana e lae peꞌi aarengaꞌi talaka aana mo wala hule aana ikie na kie kaꞌa saiꞌi.
Ikire oto mwala a God e lio hilisire kaꞌu, na e toolera oto mala mo kalena, na ikire noꞌone kire leesie oto manikuluhaꞌana. A God e neꞌisae mouteꞌi oto peꞌire aana mo heiholotaꞌinge, na e niie mo Haꞌatolanga a Mosis oto hunire, na e haiholotaꞌinie mo niinge diana hunire, na e haꞌa-uusulire aana tolaha ni palonga.
No ko maarara urine aena aana omu ko toliꞌaasie mola mwala ko lae mai huni ere i sulie ngaeta Jisas nge e aaopa mola mwaanie iini nge iꞌemeelu melu tarohaꞌinie kaꞌu huniꞌomu oto waite. Na omu ko ilenimwaꞌe mola peꞌie ngaeta taungei liꞌoa na ngaeta taungei tataroha diana nge kire tohungei aaopa oto hiitoꞌo mwaanie Liꞌoa Maaꞌi na Tataroha Diana a Jisas nge melu toolea mai huniꞌomu.
Melu ere i sulie leune mola aena aana ngaeta mo iini kire lae kaꞌu mei i laona pulitaa iꞌemeelu mala mo wao-wao. Kire eeroꞌemeelu uri ikire mo eesimeelu i lalo aana Kraes, taꞌe haꞌike. Kire lae mola mai huni haitale mumuni mola aana tolahaka, mo iini kie lado oto peꞌie a Jisas na kie iiꞌo luhetaꞌi oto mwaanie mo Haꞌatolanga i naꞌo. Kire dau mala mo wao-wao urine aena aana kire ko sare da mola uri kie ke iiꞌo ni hoꞌo loꞌu i sulie mo Haꞌatolanga a Mosis.
ကြော်ငြာတွေ