Uusu-uusu A Pol Hurula'aa Hunie Mo Rom 6:4 - Tataroha Diana

⁴ Maholo kie ko loto maaꞌi, e urihana oto uri sapeka na ahutana mo saehanalinge ni sape e mae tararuru oto peꞌie a Kraes. Na urine e urihana haitolingeꞌinilaka ko lae oto noꞌone peꞌie hunie a Mamaꞌa ke taꞌelaꞌinikie oto noꞌone hunie mauringe haalu, mala e taꞌelaꞌinie kaꞌu noꞌone a Kraes aana nanamanga paine mwaanie maenga.

Uusu-uusu A Pol Hurula'aa Hunie Mo Rom 6:4 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 11:40

Oto a Jisas ko teꞌuri hunie a Maata, “O ke hiiwalaimoli mola, aana nou unue kaꞌu oto huniꞌo uri o ko hiiwalaimoli haꞌalaa, o ke si leesie manikuluhaꞌana a God.”

Tataroha Diana I Sulie A Jisas Kraes Nge A Jon E Uusue 2:11

Eetana nga mei tolimaa aana nanamanga a Jisas ienini, e asuie i Kena aana poꞌo ni henue i Kalili. I leune e haataꞌinie manikuluhaꞌana, nge mo pwaarongoisuli ingeie e si hiiwalaimoli aana.

Palonga 2:24

Taꞌe a God e taꞌea mwaanie maenga hunie ke iiꞌo luhetaꞌi mwaanie nanamanga aana maenga, i sulie e tohungei aasa hunie maenga kei hele maꞌutaꞌa aana.

Palonga 2:32

Na a Jisas oto a God e taꞌea hunie ke mauri eelihoꞌi mwaanie maenga, na melu tohungei leesie oto aana maameelu.

Uusu-uusu A Pol Hurula'aa Hunie Mo Rom 6:19

No ko unu haꞌamalaa aana mo koni-konihe na mo poro paine urine, aena aana omu meni saie oto tolahada na e mwadaꞌu mola hunie omu kei rongo saie neꞌisaenga nge no ko haꞌa-uusuliꞌomu aana. Holaꞌinaꞌo, omu toliꞌaasie mola mo aapa aana sapemiu huni deu esunge mala koni-konihe nana oorahaꞌaa na tataꞌalanga, hunie aaelanga ke paine loꞌu liutaa. Taꞌe maholo ienini ke suꞌuri urine loꞌu. Omu ke toliꞌaasie oto mo aapa aana sapemiu mola huni deu esunge mala koni-konihe nana God huni esuie mo ola e oodo, hunie omu ke iiꞌo maaꞌi.

Uusu-uusu A Pol Hurula'aa Hunie Mo Rom 6:3

Nou saie uri omu sai diana aana taane mola uri maholo kie loto maaꞌi e haataꞌinie uri kie lado oto peꞌie a Jisas Kraes, na hule aana e urihana kie mae oto noꞌone peꞌie maholo e mae.

Uusu-uusu A Pol Hurula'aa Hunie Mo Rom 6:8

Na i sulie kie mae oto peꞌie a Kraes, kie hiiwalaimoli uri kie kei meuri oto noꞌone peꞌie.

Uusu-uusu A Pol Hurula'aa Hunie Mo Rom 6:9

Kie saie oto uri a Kraes e taꞌelaꞌi oto mwaanie maenga na e saꞌa heꞌi mae loꞌu. Maenga e saꞌa sakaahie loꞌu.

Uusu-uusu A Pol Hurula'aa Hunie Mo Rom 7:6

Taꞌe aana kie mae mone oto peꞌie a Kraes, kie iiꞌo luhetaꞌi oto mwaanie mo Haꞌatolanga nge kire hele roroꞌikie i naꞌo. Oto ienini kie sai esu oto aana tolaha haalu aani lulu i sulilana mola Liꞌoa Maaꞌi, na e kaꞌa ike loꞌu aani lulu i sulilana mo ola lalahuꞌe kire uusuꞌi i laona mo Haꞌatolanga.

Uusu-uusu A Pol Hurula'aa Hunie Mo Rom 8:11

Liꞌoa Maaꞌi a God nge e taꞌe aalihoꞌi aana Jisas Kraes loꞌu mwaanie maenga, na ingeie oto e iiꞌo i lalo aamiu. Na mala a God e taꞌelaꞌinie sapena Kraes, nge kei taꞌelaꞌinie loꞌu sapemiu nge e mamaelaꞌa, aana Liꞌoa Maaꞌi nge e iiꞌo i lalo aamiu.

1 Korinit 6:14

na mala a God e haꞌa-uurie sapena a Aalaha mwaanie maenga aana nanamanga ingeie, nge kei haꞌa-uurie sapeka noꞌone urine.

2 Korinit 13:4

E toꞌohuu taane uri e lio mala a Kraes e mamaelaꞌa kaꞌu, aana kire rapu taalengasie i lengine poꞌu-poꞌu. Taꞌe leune e si haataꞌinie mola nanamanga paine a God, aana e mauri loꞌu mwaanie maenga. Na iꞌemeelu noꞌone, melu lio mamaelaꞌa mala ingeie. Taꞌe melu kaꞌa mamaelaꞌa ike, aana melu ko meuri tararuru peꞌie a Kraes aana nanamanga paine a God, mei nanamanga nge melu ko esu oto aana huni peꞌiꞌomu huni lulu i sulie tolahana.

2 Korinit 5:17

Oto iini nge e neꞌie iinoni a Kraes, nge a God ko haꞌahaalue oto iinoni ngeena hunie ke neꞌie iinoni haalu oto. Mo tolahai ola lalahuꞌe ko eiꞌaa oto mwaanie, na mo tolahai ola haalu ko lae oto mai.

Epesas 4:17

Aana satana Aalaha, no ko unue oto huniꞌomu uri omu ke suꞌuri iiꞌo loꞌu mala mwala nge kire kaꞌa hiiwalaimoli ike aana God. Mo loꞌongaꞌinge ikire mo ola mwaakule mola.

Epesas 5:8

Holaꞌinaꞌo iꞌomu maraamiu omu oꞌoꞌo kaꞌu noꞌone i laona rodohono, taꞌe aena aana omu neꞌi iinoni oto a Aalaha, oto omu iiꞌo oto i laona raa-raa. Oto omu ke dau diana oto mala mwela aana raa-raa,

Kolosi 3:10

na omu toolea oto loꞌu maurihe haalu. Na a Haꞌahola ko haꞌa-haꞌa-haaluꞌomu aani saenanaunge i sulie maraana, hunie nunune ke pai-peine i laona manatamiu.

Kolosi 4:1

Iꞌomu mo poro paine, omu ke tohungei lio i suli diana aana mo koni-konihe iꞌomu na mwaanie omu pwelo-pwelora mwaanie waaite nge e malisine auꞌesunge ikire. Omu ke aama-aamasitoꞌo aana uri iꞌomu noꞌone, omu toꞌo aana nga iini taꞌau i Lengi nge e aalaha haahiꞌomu.

1 Pita 3:21

Na haꞌa-uurilada ngeena, nga tolimaa aana haꞌa-uurilaka nge ko lae mai hunikie aana loto-maaꞌinge. Loto-maaꞌinge nge ko haꞌa-uurikie ngeena e kaꞌa neꞌie ike mei ola mola aana wai ko hoda aasie mo mada mwaanie sapeka, taꞌe kie ko loto maaꞌi oto toꞌohuu maholo kie haiholotaꞌinie hunie a God aani sae manola uri kie kei lulu i sulie oto aani norutoꞌonga aana. Na loto-maaꞌinge urine e toꞌo aana nanamanga huni haꞌa-uurikie aena aana a Jisas Kraes e taꞌelaꞌi eelihoꞌi mwaanie maenga.

1 Jon 2:6

Aana nga iini ko unue uri ingeie oto iinoni a God, nge ke iiꞌo oodotaꞌi oto mala a Jisas Kraes e oꞌoꞌo kaꞌu.