Uusu-uusu A Pol Hurula'aa Hunie Mo Rom 6:22 - Tataroha Diana

²² Taꞌe ienini, a God e haꞌa-uuriꞌomu oto mwaanie nanamanga aana oorahaꞌaa, na e da oto omu ke neꞌi iinoni euꞌesu nana. Na hue-huana leune oto maurihaꞌamiu ko neꞌi ola maaꞌi oto, na omu ko helesie oto maurihe huu.

Uusu-uusu A Pol Hurula'aa Hunie Mo Rom 6:22 ပူးပေါင်းရင်းမြစ်များ

Matiu 13:40

Mala soꞌokonilana mo rea na uunu-aasileni e lae kaꞌu laloi dunge, nga taa kei reu aana haꞌamangolana walumalau eena.

Matiu 13:43

Taꞌe mwala a God kire kei lae i laona aalahanga aamada, na kire ke si raa oto mala rarangana sato. Mwaanie omu rorongo aasie mola mo wala ienini, taꞌe omu ke loꞌo-loꞌongaꞌi diana i suliꞌi.”

Matiu 19:29

Na kaꞌa taꞌe ike mola iꞌomu, taꞌe taꞌena nga iini ko toli puri aana nume ingeie, wa aasine mwane, wa aasine keni, wa aamana, wa nikana, wa huꞌe ingeie, wa mo kalena, wa mei aano ingeie i tehulaꞌana sataku, nge kei hele haꞌatangalau loꞌu liutaa aana nga taa e toli puri keꞌu aana, na kei hele aana oto tohungei waaite aana maurihe huu.

Matiu 25:46

Oto a Jisas ko si ere ooreta uuri, “Mwala ngeena haꞌamotaahilada kei lae taraꞌasi oto. Taꞌe mo iini e oodotaꞌi kire kei lae oto i laona maurihe huu.”

Tataroha Diana I Sulie A Jisas Kraes Nge A Jon E Uusue 15:16

Iꞌomu, omu kaꞌa lio hilisieu ike, taꞌe ineu ni nou lio hilisiꞌomu. Na nou niie mei esunge ie namiu, hunie omu ke hungu eeni hue-huei ola diana nge e sai iiꞌo huu. Oto aena leune, taꞌena nga mei ola omu ko sukaa mwaanie a Mamaꞌa aena aana omu norutoꞌo aaku, a Mamaꞌa ke si niie huniꞌomu.

Tataroha Diana I Sulie A Jisas Kraes Nge A Jon E Uusue 15:2

Ingeie oto ko taꞌaasie taꞌena nga sasarai ola aaku nge e kaꞌa hungu ike aani hue-huei ola. Na aana ko lio i suli diana aana hohola ingeie, nge mo sasarai ola kire ko hungu eeni hue-huei ola diana, ingeie ko si olo aasie taꞌena nga aaelanga mwaaniꞌi hunie kire ke rereꞌa na ke hungu oto loꞌu hiitoꞌo.

Tataroha Diana I Sulie A Jisas Kraes Nge A Jon E Uusue 4:36

Na maholo e hule oto hunie mo iini soꞌo-soꞌokoni kire ke asu hunie waaitada. Kire ke peꞌie mwala huni hiiwalaimoli oto aaku, na mo iinoni nge soꞌokonilada e lae ngeena, ikire noꞌone kire kei hele aana maurihe huu. Oto iini e holaꞌi tarohaꞌinie walana God hunie mwala, na iini e toolera mai saana God kire kei meni ilenimwaꞌe tararuru. Leune e urihana mola lio i sulilana hohola, na

Tataroha Diana I Sulie A Jisas Kraes Nge A Jon E Uusue 8:32

Oto omu ke si manataꞌinie walaimolinge aana God, na walaimolinge ngeena ke si da omu ke iiꞌo luhetaꞌi mwaanie nanamanga nge omu ko esu ni hoꞌo nana.”

Uusu-uusu A Pol Hurula'aa Hunie Mo Rom 6:14

Maholo omu iiꞌo i mamalutana mo Haꞌatolanga i naꞌo, e aasa hunie omu kei mamalo mwaanie oorahaꞌaa, aana omu kaꞌa sai tola i sulie ahutana mo Haꞌatolanga ngeena. Taꞌe siꞌiri hahuꞌana manata-diananga a God e luhesiꞌomu oto mwaanie oorahaꞌaa e aalaha loꞌu haahiꞌomu.

Uusu-uusu A Pol Hurula'aa Hunie Mo Rom 6:18

A God e haꞌa-uuriꞌomu oto mwaanie nanamanga aana oorahaꞌaa, na e da oto omu ke neꞌi iinoni euꞌesu ingeie huni esuie nga taa e oodotaꞌi.

Uusu-uusu A Pol Hurula'aa Hunie Mo Rom 6:21

?Taꞌe nga mei diananga uri taa omu hele aana i tehulaꞌana mo oorahaꞌaa nge omu deu-deuꞌi ngeena? !Nga mei ola haꞌike! Na hule aana siꞌiri omu ko si masa mola haahiꞌi. Tolahai ola urine, tolahai ola mola hunie maenga ni ngeena.

Uusu-uusu A Pol Hurula'aa Hunie Mo Rom 7:4

Oto maeni eesiku maaꞌi, iꞌomu na e urine noꞌone. Aana mauringe lalahuꞌe iꞌomu e mae tararuru oto noꞌone peꞌie a Kraes, nge omu iiꞌo luhetaꞌi oto mwaanie mo Haꞌatolanga a Mosis eena, na kire kaꞌa toꞌo aana loꞌu nanamanga haahiꞌomu. Oto a Kraes nge e taꞌelaꞌi loꞌu mwaanie maenga, ingeie ni e toꞌo aamiu ienini uri hunie omu ke aahu aana mo hue-huei ola diana a God.

Uusu-uusu A Pol Hurula'aa Hunie Mo Rom 8:2

Na aena aana kie lado mone oto peꞌie a Kraes, nge nanamanga aana Liꞌoa Maaꞌi e niie mauringe oto hunikie, na e da kie iiꞌo luhetaꞌi oto mwaanie nanamanga aana oorahaꞌaa nge e sai horoꞌikie.

1 Korinit 7:22

Aena aana nga iini nge Aalaha ko soie, maꞌalana ingeie koni-konihe nga iinoni, taꞌe e iiꞌo luhetaꞌi mola i lalo aana Kraes. E urine loꞌu aana iini nge Aalaha ko soie na e iiꞌo luhetaꞌi mola, taꞌe e neꞌi koni-konihe oto nana Kraes.

2 Korinit 3:17

Na a Aalaha na Liꞌoa Maaꞌi, ikire taꞌa-taꞌa iini mola. Na taꞌena nga iini Liꞌoa Maaꞌi a Aalaha ko iiꞌo i lalo aana, nge Liꞌoa ko luhesie iinine mwaanie nanamanga aana aaelanga.

Kalesia 1:10

?Uri no ko ere urine aana no ko sare da mola mwala ke saetoꞌo aaku? ?Wa ohe omu loꞌongaꞌinie uri no ko sare haꞌasaedianaꞌaa mola mo iinoni? !Haꞌike oto ooꞌoo! Mala uri no ko sare haꞌasaedianaꞌaa mola mo iinoni, nge e tohungei aasa hunie ne kei neꞌi mwane auꞌesu nana a Kraes. Taꞌe ineu, no ko sare haꞌasaedianaꞌaa mola a God.

Kalesia 5:13

Iꞌomu, maeni eesiku maaꞌi, a God e soiꞌomu uri hunie omu ke iiꞌo luhetaꞌi mwaanie mo Haꞌatolanga a Mosis. Taꞌe mwaanie omu loꞌongaꞌinie uri omu iiꞌo luhetaꞌi huni oorahaꞌaa mola mala saemiu. !Haꞌike! Omu ke peꞌiꞌomu aani manata-diananga huniꞌomu heiliu.

Kalesia 5:22

Taꞌe hue-huei ola aana Liꞌoa Maaꞌi nge manata-diananga, na ilenimwaꞌenga, na hanuelamanga, na saemamae, na aamasinge, na diananga. A Liꞌoa Maaꞌi ko da kie ke neꞌi iinoni nou-norue,

Epesas 5:9

aena aana tolahana raa-raa nge e sai da taꞌena nga ola ke lae diana, na ke oodo, na ke toꞌohuu.

Pilipae 1:11

Oto omu ke si honu aana hue-huana oodotaꞌinge nge a Jisas Kraes maraana haꞌalaa ko niie, aani esuilana mo ola diana hunie mwala ke haꞌamanikuluꞌaa God peꞌi paalahelana haahiꞌi.

Pilipae 4:17

Nou kaꞌa unue ike leune mola uri hunie omu ke nii huni peꞌieu tarau, taꞌe saeku mola uri waaite nge a God kei niie huniꞌomu ke paine.

Kolosi 1:10

Melu ko eiꞌeitanai urine hunie omu ke iiꞌo oto aana tolahai ola e malisine mo iinoni maaꞌi a Aalaha, na hunie asunge iꞌomu ke toꞌohie saena a God. Urine nge omu ke si haꞌahungeꞌaa loꞌu taꞌena nga asunge diana, na omu ke sai diana aana a God.

Kolosi 4:12

A Epapras noꞌone ko niie wau mei wala ni saediananga huniꞌomu. Ingeie nga koni-konihe toꞌohuu a Kraes Jisas na ngaeta iini eemiu. Ingeie ko esu namiu tarau aani eitanailana a God hunie omu ke sai diana aana walu ola a God e saetoꞌo aana omu ke asuiꞌi, na hunie omu ke asuiꞌi oto toꞌohuu mala mo rato aana tolahana Kraes.

Taetas 1:1

Saediananga mwaanieu a Pol, huniꞌo Taetas. Ineu nga koni-konihe a God na hurulaꞌaa a Jisas Kraes. E uusungeꞌinieu huni peꞌie hiiwalaimolinge mo iini nge a God e lio hilisire hunie kire ke neꞌi iinoni ingeie, na huni haꞌa-uusulire i sulie walaimolinge nge kei peꞌire hunie kire ke iiꞌo maaꞌi.

Hibru 12:14

Omu ke oꞌoꞌo ni henuelama mola peꞌie ahutana mwala, na omu ke ariꞌapasie noꞌone iiꞌonga oodotaꞌi. Aana nga iini e kaꞌa iiꞌo diana urine, e saꞌa roroꞌa leesie ike a Aalaha.

Jemes 1:1

Saediananga mwaanieu a Jemes, koni-konihe a God na a Jisas Kraes Aalaha ikie, huniꞌomu ahutemiu mwala a God nge omu oopa hailiu i laona walumalau.

1 Pita 1:9

Na e lae oto urine, aena aana a God ko lae peꞌi haꞌa-uurie maurihaꞌamiu aana omu hiiwalaimoli aana.

1 Pita 2:16

A God e luhesiꞌomu oto mwaanie haꞌaletehinge haahie mo oorahaꞌaa iꞌomu, taꞌe mwaanie omu loꞌongaꞌinie uri omu ko iiꞌo luhetaꞌi urine, nge omu sai deu taꞌewau mola mala saemiu huni lae i sulie tataꞌalanga. !Haꞌike! Taꞌe aana omu iiꞌo luhetaꞌi mwaanie nanamanga aana oorahaꞌaa, nge omu ke iiꞌo oto mala mo tohungei koni-konihe a God.

Haataꞌinge 7:13

Oto ngaeta iini aana mo rato ngeena e dolosi eeku uuri, “?Kira tei ni kire hoꞌo toꞌoni rereꞌa ngeena, na kire uure i tei?”